کیندریہ ودیالیوں کے لیے 34 ویں قومی یوتھ پارلیمنٹ مقابلہ 2023-24 کی تقسیم انعامات کی تقریب آج جی ایم سی بالیوگی آڈیٹوریم، پارلیمنٹ لائبریری بلڈنگ، پارلیمنٹ ہاؤس کمپلیکس، نئی دہلی میں منعقد ہوئی۔

پارلیمانی (ایم او پی اے) اور اقلیتی امور کے وزیر جناب کرن رجیجو نے تقریب کی صدارت کی اور مقابلہ میں قابل ستائش کارکردگی کے لئے انعام یافتہ طلباء اور اسکولوں میں انعامات تقسیم کئے۔ مرکزی وزیر کے پروگرام کے دوران طلباء کے ساتھ ایک انٹرایکٹیو سیشن کا بھی اہتمام کیا گیا۔ جناب کرن رجیجو نے طلبہ کے ساتھ بات چیت کرتے ہوئے نوجوان نسل سے جمہوریت کی جمہوری اقدار اور اخلاقیات کو سیکھنے اور اسے اپنانے اور دنیا کے سب سے بڑے جمہوری ملک میں ہم آہنگی اور روایت کو فروغ دینے کے لیے خود کو وقف کرنے پر زور دیا۔ انہوں نے تقریب میں موجود تمام لوگوں کو ماحولیات کے تحفظ کے لیے ‘زندگی کا عہد’ بھی کروایا۔

اس موقع پر پارلیمانی امور کی وزارت کے سکریٹری جناب امنگ نرولہ نے 34ویں قومی یوتھ پارلیمنٹ مقابلہ 2023-24 کی تقسیم انعامات کی تقریب میں حصہ لینے والے تمام اسکولوں کے معززین اور طلباء کا خیرمقدم کیا۔ سکریٹری  موصوف نے اپنے خطبہ استقبالیہ میں طلباء کی حوصلہ افزائی کی کہ وہ پارلیمانی کارروائی کے طریقوں اور طریق کار کو تیار کریں اور اسے مقبول بنائیں۔

ڈاکٹر پی دیو کمار، جوائنٹ کمشنر (اکیڈمک)، کیندریہ ودیالیہ سنگٹھن نے کہا کہ نیشنل یوتھ پارلیمنٹ مقابلہ ہمارے نوجوانوں کو جمہوریت کو مضبوط کرنے کے لیے ہماری عظیم جمہوری اقدار اور روایات سے روشناس کرانے میں اہم کردار ادا کرتا ہے۔

اس موقع پر پی ایم شری کیندریہ ودیالیہ، آئی آئی ٹی، کھڑگپور، (کولکتہ ریجن، ایسٹ زون) کے طلباء جنہوں نے کیندریہ ودیالیوں کے لیے 34 ویں نیشنل یوتھ پارلیمنٹ مقابلہ 2023-24 میں قومی سطح پر پہلا مقام حاصل کیا، ایک  شاندار  پروگرام پیش کیا جن   کو ‘یوتھ پارلیمنٹ’ کے معززین نے خوب تعریف و ستائش کی ۔

پارلیمانی امور کی وزارت کئی  برسوں سے کیندریہ ودیالیوں کے لیے یوتھ پارلیمنٹ کے مقابلوں کا انعقاد کر تی رہی ہے۔ کیندریہ ودیالیوں کے لیے یوتھ پارلیمنٹ مقابلے کی اسکیم کے تحت کیندریہ ودیالیہ سنگٹھن کے 25 علاقوں میں پھیلے ہوئے 150 کیندریہ ودیالیوں کے درمیان سیریز کا 34 واں مقابلہ منعقد ہوا۔

یوتھ پارلیمنٹ اسکیم ملک بھر کے کیندریہ ودیالیوں کے نوجوانوں کو اپنی فصاحت، تنقیدی سوچ اور قائدانہ صلاحیتوں کو ظاہر کرنے کے لیے اکٹھے ہونے کا موقع فراہم کرتی ہے۔ اس کے علاوہ یہ اسکیم طلبہ کو پارلیمنٹ کے کام کرنے کے نظام اور طریق کار سے بھی واقف کراتی ہے اور یوتھ پارلیمنٹ میں بحث و مباحثہ کے طور طریقوں سے نوجوانوں میں خود اعتمادی، قائدانہ صلاحیتں اور موثر تقریر کی مہارت پیدا ہوتی ہے۔ یہ باوقار تقریب کیندریہ ودیالیوں کے کچھ ذہین اور سب سے زیادہ آواز والے طلباء کو قومی اور عالمی اہمیت کے مسائل پر پرجوش مباحثوں میں حصہ لینے کی ترغیب دے گی۔

تقریب میں مرکزی وزیر نے 34ویں مقابلے میں قومی سطح پر پہلی پوزیشن حاصل کرنے پر مرکزی وزیر کی طرف سے پی ایم شری کیندریہ ودیالیہ، آئی آئی ٹی، کھڑگپور، (کولکاتا علاقہ، مشرقی زون) کو ‘نہرو رننگ شیلڈ’ اور ٹرافی پیش کی۔ اس کے علاوہ مقابلہ میں زونل سطح پر پہلی پوزیشن حاصل کرنے پر مندرجہ ذیل 4 اسکولوں کو زونل ونر ٹرافیاں بھی دی گئیں۔

 

علاقائی سطح پر جیتنے والی ٹرافیاں بھی وزیر نے درج ذیل 20 سکولوں کو دی جنہوں نے مقابلہ میں علاقائی سطح پر پہلی پوزیشن حاصل کی ۔

 

ایڈیشنل سکریٹری ڈاکٹر ستیہ پرکاش نے وزیر، افسران  اور تقریب میں شامل تمام ایجنسیوں کا شکریہ ادا کیا ۔ انہوں نے یہ بھی کہا کہ ہمارے نوجوانوں کو 2047 تک ہندوستان کو ایک ترقی یافتہ ملک بنانے میں اہم رول ادا کرنا ہوگا ۔

***********

 ش ح – ظ ا -ش ب ن

U.No. 5149

(Release ID: 2092444) Visitor Counter : 13