زراعت اور کسانوں کی بہبود کی وزارت  کے سکریٹری ڈاکٹر دویش چترویدی  نے آج کرشی بھون میں نیشنل ایسوسی ایشن آف اسٹیٹ ڈیپارٹمنٹس آف ایگریکلچر(این اے ایس ڈی اے) ، امریکہ کے ایک وفد سے ملاقات کی۔ یہ ملاقات زراعت کے کلیدی شعبوں میں تفصیلی  مذاکرات کو فروغ دینے اور مضبوط تعاون کے امکانات کا جائزہ لینے پر مرکوز رہی۔

مذاکرات میں تعاون کے کئی ترجیحی شعبوں کو اجاگر کیا گیا، جن میں ماحولیات کے موافق  زراعت، زرعی پیداوار میں اضافہ، زرعی جدت، پیش گوئی اور پیداوار کی رپورٹنگ، فصلوں کے خطرات سے تحفظ، اور زرعی قرض جیسے امور شامل رہے۔

 مذاکرات کے اہم شعبوں میں پھلوں اور سبزیوں کے لیے کولڈ چین مینجمنٹ، رضاکارانہ کاربن کریڈٹ اقدامات، مصنوعی ذہانت اور جدید ٹیکنالوجیز کے ذریعے صحیح زراعت، خوراک کو ڈبہ بند کرنے کی صنعتوں  میں سرمایہ کاری کے مواقع، فصلوں کا بیمہ، صلاحیت سازی، اور زرعی شماریات میں تعاون شامل تھے۔

امریکی وفد کی قیادت این اے ایس ڈی اے کے صدرجناب ویسلی وارڈنے کی، جس میں چیف آپریٹنگ آفیسر محترمہ مارتھا وین ڈیل اور امریکی سفارت خانے کے نمائندے جناب ڈبلیو  گارتھ تھوربرن شامل تھے۔

 بھارتی وفد کی نمائندگی  ڈی اے ایف ڈبلیو کے ایڈیشنل سیکریٹری ڈاکٹر پی کے مہردا نے کی ، جن کے ساتھ وزارت کے سینئر افسران، جن میں این آر ایم/آئی سی اورپردھان منتری فصل بیمہ یوجنا /پی پی کے جوائنٹ سیکریٹریز، ہارٹیکلچر کمشنر، اور آئی سی اے آر کے ایڈیشنل ڈائریکٹر جنرل شامل تھے۔

************

ش ح ۔   ش ا ر ۔  م  ص

 (U:5038  )

(Release ID: 2091573) Visitor Counter : 15