|
ঙা য়োকপা, শা-শন য়োকপা অমসুং শঙ্গোম পুথোকপা মন্ত্রালয়
ঙসি গুৱাহাতিদা অৱাং-নোংপোক্ত ঙা য়োকপগী থবকশিং চাউখৎহন্নবা নোর্থ ইস্ত রিজন মীত ২০২৫ পাংথোকখ্রে
য়ুনিয়ন মিনিস্তর শ্রী রজিব রঞ্জন সিংহনা সিক্কিমদা ভারতকী অহানবা ওর্গনিক ফিসরিজ ক্লস্তর হৌদোকখ্রে, গুৱাহাতিদা লুপা করোর ৫০ গী প্রোজেকশিং শঙ্গাখ্রে/উরেপ-উয়ুং তমখ্রে “অৱাং-নোংপোক লমদমদা ঙা য়োকপগী খুদোংচাবা য়াম্না লৈরি; ঙা পুথোকপা চাদা ২০-২৫ ফাওবা হেনগৎহন্নবা ঐখোয় পান্দম থম্লসি: রজিব রঞ্জন সিংহ
Posted On:
06 JAN 2025 5:46PM by PIB Imphal
ফিসরিজ, এনিমেল হসবেন্দরি অমসুং দাইরিইং মিনিস্ত্রগী ফিসরিজ দিপার্তমেন্তনা শীন্দুনা ঙসি অসামগী গুৱাহাতিদা নোর্থ ইস্ত রিজন মীত ২০২৫ পাংথোকখ্রে। থৌরম অদুদা ফিসরিজ, এনিমেল হসবেন্দরি অমসুং দাইরিইং অমসুং পঞ্চায়তি রাজগী য়ুনিয়ন মিনিস্তর শ্রী রজিব রঞ্জন সিংহ, ফিসরিজ, এনিমেল হসবেন্দরি অমসুং দাইরিইং অমসুং মাইনোরিতি এফেয়ার্সকী রাজ্য মন্ত্রী শ্রী জর্জ কুরিয়ান, ফিসরিজ, এনিমেল হসবেন্দরি অমসুং দাইরিইং অমসুং পঞ্চায়তি রাজগী রাজ্য মন্ত্রী প্রোফেসার এস.পি বাঘেল শরুক য়াখি।
অৱাং-নোংপোক লমদমদা ঙা য়োকপগী থবক চাউখৎনবা অমসুং মশা মরোমদোম লেপচবা ঙম্নবা সরকারগী থবকশিংগী শরুক অমা ওইনা, প্রধান মন্ত্রী মতস্যা সম্পাদা য়োজনাগী মখাদা লুপা করোর ৫০ রোমগী মরুওইবা প্রোজেকশিং য়ুনিয়ন মিনিস্তরনা শঙ্গাখ্রে অমসুং উরেপ-উয়ুং তমখ্রে। প্রোজেকশিং অসিনা ঙা য়োকপগী লমদা হকথেংননা থবক ৪,৫৩০ অমসুং নাকোইননা থবকশিং ফংহনগনি।
এন.এফ.দি.পি রেজিস্ত্রেসন সর্তিফিকেদশিং, কে.সি.সি কার্দশিং, খ্বাইদগী ফবা এফ.এফ.পি.ওশিং অমসুং ফিসরিজ স্তার্দ-অপশিংগী মনাশিং য়াওনা ফিসরিজ বেনিফসরিশিংদা য়ুনিয়ন মিনিস্তরনা সর্তিফিকেদশিংশু য়েন্থোকখি।
সিক্কিমদা ওর্গনিক ফিসরিজ অমসুং এক্বাকলচর চাউখৎনবা সিক্কিমগী সোরেং জিলাদা ওর্গনিক ফিসরিজ ক্লস্তর ফিসরিজ দিপার্তমেন্তনা লাউথোক্লে।
থৌরম অদুদা মীয়ামদা ৱা ঙাংবদা, ফিসরিজ, এনিমেল হসবেন্দরি অমসুং দাইরিইং অমসুং পঞ্চায়তি রাজগী য়ুনিয়ন মিনিস্তর শ্রী রজিব রঞ্জন সিংহনা হায়খি লমদম অসিদা ঙাক য়োকপগী থবকশিংগী খুদোংচাবা কয়া মরাংকাইনা লৈরি অমসুং ঙা য়োকপগী থবকশিং চাউখৎনবা অমসুং লৈরিবা খুদোংচাবশিং মপুংফানা শীজিন্ননবা রাজ্যশিংনা অকনবা থৌদাং লৌগদবনি। ঙা পুথোকপা চাদা ২০-২৫ ফাওবা হেনগৎহন্নবা ঐখোয় পান্দম থম্লসি অমসুং চীঞ্জাক ৱাৎহন্দনবা অমসুং থবক ফংহন্নবা পোৎথোক পুথোকপা অমসুং শীজিন্নবগী মরক্ত লৈরিবা অহোবা মেনখৎকদবনি। অৱাৎপশিং মশক খঙদোক্নবা অমসুং লমদম অসি চাউখৎনবা শৌগৎনবগীদমক এন.এফ.দি.বিনা অৱাং-নোংপোক রাজ্যশিংদা চৎকদবনি অমসুং আই.সি.এ.আরনা ঙামীশিংদা তেক্নিকেল ত্রেনিং পীগদবনি। লমদম অমগী অকক্নবা অৱাৎপশিং মেনগৎনবা রাজ্যশিংনা মখোয় মশাগী ওইবা থৌরাংশিং তৌগদবনি। সরকারনা পায়খৎলিবা মরুওইবা থবকশিংগী মনুংদা ফিসরিজ এন্দ ইনফ্রাস্ত্রকচর দিবলপমেন্ত ফন্দ( এফ আই দি এফ), এন.এফ.দি.বি রিজনেল সেন্তরশিংগী খুৎথাংদা অনৌবা থবকশিং য়োকখৎপা, অনওর্গনাইজ সেক্তর মওং তাহনবা, ব্রুদ বেঙ্কশিং শেমগৎপা অমসুং সি.আই.এফ.এ অমসুং সি.আই.এফ.আর.আইদা থৱায় য়াওবা ঙামীশিং ত্রেনিং পীবা য়াওরি। তুংকোইনা চাউখৎনবগীদমক অনৌবা তেক্নোলোজিশিং শীজিন্নবা অমসুং অরিবা থবকশিং হোংদোকপা দরকার ওই।
ফিসরিজ, এনিমেল হসবেন্দরি অমসুং দাইরিইং অমসুং পঞ্চায়তি রাজগী রাজ্য মন্ত্রী প্রোফেসার এস.পি বাঘেলনা হায়খি লৌউ-শিংউ অমসুং মরী লৈনবা থবকশিং পুনশিল্লবা মতমদা লৌমীশিংগী শেন্থোক শরুক অনি হেনগৎহনবা ঙমগনি। লম অমসুং শেন য়াম্না লৈতবগী খুদোংচাদবশিং কোকহন্নবা অনৌবা ঙা য়োকপগী থবকশিং হায়বদি বাইওফ্লোক অমসুং রেসর্কুলেতোরি এক্বাকলচর সিস্তেম (রাস) শীজিন্নদুনা অৱাং-নোংপোক লমদমদা মশাগী ওক্নবা ঙা পুথোক্নবা হোৎনবা য়াম্না মরুওই।
ফিসরিজ, এনিমেল হসবেন্দরি অমসুং দাইরিইং অমসুং মাইনোরিতি এফেয়ার্সকী রাজ্য মন্ত্রী শ্রী জর্জ কুরিয়ান্না হায়খি অৱাং-নোংপোক লমদমগী ওক লোইবা অমসুং ঙা য়োকপা অনি পুনশিনবা অমসুং কেরলাগী উ মঙগ্রা অমসুং ঙা য়োকপা অনি পুনশিনবা অসি মমাংঙৈদগী চৎনরক্লবা ঙা য়োকপগী থবকশিং অসি অনৌবা মতমগী তেক্নিকশিং শীজিন্নদুনা অমুক হন্না ফগৎহল্লে। লমদম অসিদা ঙা য়োকপগী হিরমদা মখা তানা ফগৎনবা অনৌবা তেক্নোলোজিশিং শীজিন্ননবা অমসুং ঙাগী পোৎথোকশিং হেনগৎহন্নবা মীৎয়েং চঙবা দরকার ওইরে।
থৌরম অদুদা অসাম সরকারগী ফিসরিজ মিনিস্তর শ্রী কৃষ্ণনেন্দু পাউল; অরুনাচল সরকারগী ফিসরিজ, এগ্রিকলচর, হোর্তিকলচর অমসুং এ.ঐচ.দি.দিগী মিনিস্তর শ্রী গাব্রেরিয়েল দেনৱাং ৱাংসু; মিজোরম সরকারগী ফিসরিজ মিনিস্তর লালথানশঙ্গা, মনিপুর সরকারগী ফিসরিজ মিনিস্তর শ্রী ঐচ.দিঙ্গো সিংহ; ত্রিপুরা সরকারগী ফিসরিজ মিনিস্তর সুধাংসু দাস; স্কিম সরকারগী এগ্রিকলচর মিনিস্তর শ্রী পুরান কুমার গুরুং অমসুং নাগালেন্দ সরকারগী ফিসরিজ মিনিস্তর এ পাংজুং জমরি শরুক য়াখি।
এন.এফ.দি.বিগী চীফ ইজিক্যুতিপ দোক্তর বিজয় কুমার বেহরানা থাগৎ ৱাহৈ পীদুনা সেসন অদু লোইশিনখি। তুংদা “অৱাং-নোংপোক লমদমদা ফিসরিজ অমসুং এক্বাকলচরগী খুদোংচাদবশিং অমসুং চাউখৎনবা লম্বী” হায়বা হিরম অসিদা আই.সি.এ.আরগী দি.দি.জি (ফিসরিজ) দোক্তর জে.কে জেনানা লুচিংদুনা তেক্নিকেল সেসন পাংথোকখি। “অৱাং-নোংপোক রাজ্যশিংদা ঙা য়োকপা চাউখৎহনবদা থেংনরিবা মহৌশাগী অকোয়বগী ফিবমগী খুদোংচাদবশিং” হিরম অসিদা এন.এফ.দি.বিগী চীফ ইজিক্যুতিপ দোক্তর বিজয় কুমার বেহরা অমসুং “ অৱাং-নোংপোক রাজ্যশিংদা ওপন ৱাতর ফিস রিছোর্স চাউখৎহনবা” হায়বা হিরমদা সি.আই.এফ.আর.আই গুৱাহাতিগী প্রিন্সিপাল সাইন্তিস্ত দোক্তর বি.কে ভত্তচারজ্যানা ৱা ঙাংখি।
অৱাং-নোংপোক রাজ্যশিংদা ঙা য়োকপা অমসুং এক্বাকলচর চাউখৎহনবগী ভিদিও য়েংবীয়ু
অৱাং-নোংপোক রাজ্যশিংগী মিনিস্তরশিং অমসুং সেনিয়ার ওফিসিএলশিংগী ৱারোলশিংগী মচং খর
অসাম সরকারগী ফিসরিজ মিনিস্তর শ্রী পাউলনা হায়খি ভারতকী ফিসরিজ সেক্তরদা অসামনা মরুওইবা থৌদাং অমা লৌরি। অসাম্না ঙা মেত্রিক তন লাখ ৪.৭৫ পুথোক্লি অমসুং মপান্দা মেত্রিক তন ২০,০০০ রোম থাদোক্লি, মসিনা ঙামীশিংদা য়াম্না চাউনা কান্নবা পীরি। রাজ্য অসিগী অপুনবা মীশিংগী চাদা ৯০ হেন্না ঙা চাদুনা, অসামগী শেন্মিৎলোন্দা ঙা য়োকপনা মরুওইবা মফম অমা কল্লি। পি.এম.এম.এস.ৱাগী মখাদা ঙাগী পোৎথোক হেনগৎহন্নবা থবকশিং পায়খৎলে। জিকা জাপান্না শৌগৎপা অসাম ফিসরিজ দিবলপমেন্ত এন্দ রুরেল লাইভলিহুদ প্রোজেক্না ঙা য়োকপা চাউখৎহন্নবা অমসুং তুংকোইনা হিংনবা লম্বীশিং পীনবা মীৎয়েং চঙলে।
অরুনাচল সরকারগী ফিসরিজ, এগ্রিকলচর, হোর্তিকলচর অমসুং এ.ঐচ.দি.দিগী মিনিস্তর শ্রী গাব্রেরিয়েল দেনৱাং ৱাংসুনা হায়খি রাজ্য অসিগী ঙামীশিং শৌগৎনবা পি.এম.এম.এস.ৱাইগী মখাদা রাজ্য সরকারনা থবক কয়া পায়খৎলে। রাজ্য অসিদা কোল্দ ৱাতর ফিসরিজ ইন্সতিতুসন অমা লিংখৎলে অমসুং ঙা মচা পুথোক্নবা ইনফ্রাস্ত্রকচর ফগৎনবা ৱান-তাইম গ্রান্ত পীরে।
মিজোরম সরকারগী ফিসরিজ মিনিস্তর পু লালথানশঙ্গানা হায়খি প্রধান মন্ত্রী মতস্য সম্পদা য়োজনাগী মখাদা রাজ্য অসিদা ঙা য়োকপগী থবক ফগৎনবা ফন্দশিং অথুবা মতমদা থাদোকপা অমসুং প্রোজেকশিং অথুবদা মতমদা অয়াবা পীবা দরকার ওই। প্রধান মন্ত্রী মতস্য সম্পদা য়োজনাগী মখাদা পুখ্রিশিং অমুক শেমগৎপা দরকার ওইরে। পোৎথোক হন্থনা পুথোকপা কোকহন্নবা, অফবা ঙা মচা ফংহন্নবা অমসুং ঙামীশিং ত্রেনিং পীবগী থবকশিং পুক্নিং চঙবা দরকার ওইরে।
মনিপুরগী ফিসরিজ মিনিস্তর শ্রী দিঙ্গোনা হায়খি রাজ্য অসিদা প্রধান মন্ত্রী মতস্য সম্পদা য়োজনা পায়খৎপদগী ঙা য়োকপগী থবকশিং চাউনা কান্নবা ফংলে। হেতচরিশিং, বাইওফ্লোক সিস্তেমশিং, পুখ্রিশিং, কেজ কলচর ইন্সতোলেসনশিং, লৈতেংগী শীজিন্নবা ঙা য়োকপা, ঙা য়োনফমশিং, ভেলু এদেদ ইন্তরপ্রাইজশিং, লায়নাশিং মশক খঙদোক্নবা খুদোংচাবশিং অমসুং কোল্দ স্তোরেজগী য়ুনিতশিংগী ইনফ্রাস্ত্রকচর মনিপুরদা ফগৎলে।
ত্রিপুরা সরকারগী ফিসরিজ মিনিস্তর সুধাংসু দাসনা হায়খি রাজ্য অসিদা লম হেক্তর ৩৮,৫৯৪ দা ঙা য়োক্তুনা হৌজিক ঙা মেত্রিক তন ৮৫,০০০ পুথোক্লি অমসুং দরকার ওইরবা ঙাগী পোৎথোক্না মেত্রিক তন ১১৭,০০০ নি। ৱাৎলিবা ঙাগী পোৎথোকশিং নোংচুপ বেঙ্গল, অসাম অমসুং অন্ধ্র প্রদেসতগী পুশিল্লক্লি। ত্রিপুরাগী অপুনবা মীশিংগী চাদা ৯৮ ঙা চাই।
সিক্কিমগী ফিসিরিজ মিনিস্তর শ্রী পুরান কুমার গুরুংনা হায়খি রাজ্য অসিনা প্রধান মন্ত্রী মতস্য সম্পদা য়োজনাগী মখাদা ত্রাউত রেসৱে হেতচরিশিং, এক্বাকলচর সিস্তেমশিং অমসুং লৈতেংগী ঙা য়োকপা য়াওনা খুদোংচাবা কয়া ফংলে। রেসৱেশিং অমসুং লৈতেংগী ঙা য়োকপগী য়ুনিতশিং শেমগৎনবা প্রোজেকশিং পন্দুনা লৈরিবা অসি মতেং পাংনবা অমসুং ফিসরিজ ত্রেনিং সেন্তর অমা লিংখৎনবা মহাক হায়জখি।
নাগালেন্দগী ফিসরিজ মিনিস্তর শ্রী এ পাংজুংনা হায়খি রাজ্য অসিদা ঙা য়োক্নবগী খুদোংচাবা কয়া মরাংকাইনা লৈরি অমসুং মরুওইনা অনৌবা পুখ্রিশিং তৌনবগী খুদোংচাবা কয়া লৈরি। অপুনবা ওইনা ঙা য়োকপগী থবকশিংনা ঙাগী পোৎথোক হেনগৎহন্নবা মরুওইবা লাল্লোং অমনি অমসুং মসিনা মখা তানা ঙামীশিংগী শেন্থোক হেনগৎহনগনি।
ফিসরিজ, এনিমেল হসবেন্দরি অমসুং দাইরিইং মিনিস্ত্রিগী সেক্রেতরি(ফিসরিজ) দোক্তর অভিলাক্সি লিখিনা মহাক্কী মরুওইবা ৱারোল পীবদা হায়খি মদুদি প্রধান মন্ত্রী মতস্য সম্পদা য়োজনাগী মখাদা লুপা করোর ১,৭০০ কাইথোকপা য়াওনা অৱাং-নোংপোক রাজ্যশিংগী লুপা করোর ২,০০০ হেন্না কাইথোক্লে। ঙাগী পোৎথোকশিং হেনগৎহন্নবা লমদম অসিগী নহারোলশিংগী স্তার্দঅপশিং শৌগৎতুনা তন লাখ ১২ গী পোৎথোক পুথোক্নবা পান্দম থম্লি।
ভারত সরকারগী ফিসরিজ, এনিমেল হসবেন্দরি অমসুং দাইরিইং মিনিস্ত্রিগী সেক্রেতরি( ইনলেন্দ ফিসরিজ) গী জোইন্ত সেক্রেতরি, শ্রী সাগর মেহরানা ভারতকী ঙা য়োকপগী থবকশিংগী মতাংদা মরুওইবা ৱাফমশিং ফোঙদোকখি। সেক্তর অসিদা থাদরিবা শেনফমশিং অমসুং থবক-থৌরমশিংগী মতাংদশু অকুপ্পা ৱাফম কয়া ফোঙদোকখি।
থৌরম অসি য়েংনবা লিঙ্ক
***
(Release ID: 2091025)
|