شماریات اور پروگرام کے نفاذ کی وزارت (ایم او ایس پی آئی) کےقومی شماریاتی دفتر (این ایس او)، اس پریس نوٹ میں مالی سال (ایف وائی)  2024-25 کے لیے سالانہ مجموعی گھریلو پیداوار (جی ڈی پی) کے پہلے پیشگی تخمینے اور اس کے اخراجات اجزاء دونوں مستقل (2011-12) اور موجودہ قیمتوں پر، جاری کر رہا ہے۔ سال بہ سال فیصد تبدیلیوں، جی ڈی پی کے اخراجات کے اجزاء اور مالی سالوں 23-2022،2023-24 اور 2024-25 مستقل اور موجودہ قیمتوں کے لیے مجموعی/نیٹ قومی آمدنی اور فی کس آمدنی کے سالانہ تخمینوں کے ساتھ اقتصادی سرگرمی کی نوعیت کے ذریعہ   بنیادی قیمتوں پر مجموعی ویلیو ایڈڈ (جی وی اے) کے سالانہ تخمینے ضمیمہ اے کے بیانات 1 سے 4 میں دیے گئے ہیں۔

اہم جھلکیاں:

• مالی سال 2023-24 کے لیے جی ڈی پی کے عارضی تخمینہ (پی ای) میں 8.2فیصد کی شرح نمو کے مقابلے میں مالی سال 2024-25 میں حقیقی جی ڈی پی میں 6.4فیصد  اضافے کا تخمینہ لگایا گیا ہے ۔ رسمی  جی ڈی پی نے مالی سال 2023-24 میں 9.6 فیصد کی شرح نمو کے مقابلے میں مالی سال 2024-25 میں 9.7 فیصد کی شرح نمو دیکھی ہے۔
• حقیقی جی وی اے میں مالی سال 2023-24 میں 7.2 فیصد کی شرح نمو  کے مقابلے میں مالی سال 2024-25 میں 6.4 فیصد اضافہ ہوا ہے ۔ رسمی جی وی اے نے مالی سال 2023-24 میں 8.5 فیصد کی شرح نمو کے مقابلے میں مالی سال 2024-25 میں 9.3 فیصد کی شرح نمو ظاہر کی ہے۔
• زراعت اور اس سے منسلک شعبے کے حقیقی جی وی اے میں 2024-25 کے دوران 3.8 فیصد اضافے کا تخمینہ لگایا گیا ہے جب کہ گزشتہ سال یعنی 2023-24 کے دوران 1.4 فیصد اضافہ دیکھا گیا تھا۔
• مالی سال 2024-25 کے دوران 'تعمیراتی' سیکٹر اور 'فنانشیل، ریئل اسٹیٹ اور پروفیشنل سروسز' کے شعبے کے حقیقی جی وی اے میں بالترتیب 8.6فیصد  اور 7.3فیصد  کی اچھی شرح نمو کا اندازہ لگایا گیا ہے۔
• مستقل قیمتوں پر نجی حتمی کھپت کے اخراجات (پی ایف سی ای) نے مالی سال 2024-25 کے دوران پچھلے مالی سال میں 4.0فیصد کی شرح نمو کے مقابلے میں 7.3فیصد  کی شرح نمو دیکھی ہے۔
• مستقل قیمتوں پر حکومت کے حتمی کھپت کے اخراجات (جی ایف سی ای) پچھلے مالی سال میں 2.5فیصد  کی شرح نمو کے مقابلے میں 4.1فیصد  کی شرح نمو پر پہنچ گئے ہیں۔

I. سالانہ جی ڈی پی تخمینے اور شرح نمو

 حقیقی جی ڈی پی یا مستقل قیمتوں پر جی ڈی پی مالی سال 2024-25 میں 184.88 لاکھ کروڑ کی سطح تک پہنچنے کا تخمینہ ہے، جو کہ 2023-24 کے جی ڈی پی کے عارضی تخمینہ 173.82 لاکھ کروڑ کے مقابلے میں ہے۔ 2024-25 کے دوران حقیقی جی ڈی پی میں شرح نمو 2023-24 میں 8.2 فیصد کے مقابلے میں 6.4 فیصد رہنے کا تخمینہ لگایا گیا ہے۔ رسمی  جی ڈی پی یا موجودہ قیمتوں پر جی ڈی پی سال 2024-25 میں 324.11 لاکھ کروڑ کی سطح تک پہنچنے کا تخمینہ ہے، جو کہ 2023-24 میں 295.36 لاکھ کروڑ تھا، جو 9.7 فیصد کی شرح نمو دکھا رہا ہے۔

 سال 2024-25 میں حقیقی جی وی اے کا تخمینہ 168.91 لاکھ کروڑ روپے ہے، جو کہ 2023-24 کے لیے 158.74 لاکھ کروڑ روپے  کے پی ای کے مقابلے میں ہے اور 2023-24 میں 7.2فیصد  کی شرح نمو کے مقابلے میں 6.4فیصد  کی شرح نمو درج کرتا ہے۔ رسمی  جی وی اے مالی سال 2024-25 کے دوران 92.64 لاکھ کروڑ روپے  کی سطح تک پہنچنے کا تخمینہ ہے، جو کہ 2023-24 میں 267.62 لاکھ کروڑ روپپے  کے مقابلے میں 9.3 فیصد کی شرح نمو دکھاتا ہے۔

تصویر 1: مستقل قیمتوں پر سال بسال  شرح نمو کے ساتھ سالانہ جی ڈی ڈی پی اور جی وی اے تخمینے

تصویر 2: سالانہ جی وی اے کی سیکٹرل کمپوزیشن اور شرح نمو

تصویر 3: وسیع شعبوں میں سالانہ جی وی اے کی تشکیل اور شرح نمو

[Primary Sector: Agriculture, Livestock, Forestry & Fishing and Mining & Quarrying

Secondary Sector: Manufacturing, Electricity, Gas, Water supply & Other Utility Services and Construction

Tertiary Sector: Trade, Hotels, Transport, Communication and Services related to Broadcasting, Financial, Real Estate & Professional Services and Public Administration, Defence & Other Services]

 

 

[بنیادی شعبہ: زراعت، مویشی، جنگلات اور ماہی گیری اور کان کنی اور کھُدائی

ثانوی شعبہ: مینوفیکچرنگ، بجلی، گیس، پانی کی فراہمی اور دیگر یوٹیلٹی سروسز اور تعمیرات

ٹرشیری سیکٹر: تجارت، ہوٹل، ٹرانسپورٹ، مواصلات اور نشریات، مالیاتی، رئیل اسٹیٹ اور پیشہ ورانہ خدمات اور پبلک ایڈمنسٹریشن، دفاع اور دیگر خدمات سے متعلق خدمات]

II طریقہ کار اور ڈیٹا کے  اہم ذرائع

 جی ڈی پی کے پیشگی تخمینے اشارے پر مبنی ہوتے ہیں اور بینچ مارک انڈیکیٹر طریقہ استعمال کرتے ہوئے مرتب کیے جاتے ہیں یعنی پچھلے مالی سال (2023-24) کے لیے دستیاب تخمینے شعبوں کی کارکردگی کی عکاسی کرنے والے متعلقہ اشاریوں کا استعمال کرتے ہوئے نکالے جاتے ہیں۔ مختلف وزارتوں/محکموں/نجی ایجنسیوں سے حاصل کردہ ڈیٹا ان تخمینوں کی تالیف میں قابل قدر معلومات کا کام کرتا ہے۔

 سیکٹر کے حساب سے تخمینہ اشارے/ڈیٹا ذرائع کا استعمال کرتے ہوئے مرتب کیا گیا ہے۔ (i) صنعتی پیداوار(آئی آئی پی)  کا اشاریہ، (ii) 2024-25 کے  پہلی سہ ماہی  اور  دوسری سہ ماہی  کے لیے ان کمپنیوں کے دستیاب سہ ماہی مالیاتی نتائج کی بنیاد پر درج کمپنیوں کی مالی کارکردگی، iii)) 2024-25کے لیے اہم زرعی فصلوں اور باغبانی فصلوں کے تخمینے جیسا کہ وزارت برائے  زراعت اور کسانوں کی بہبود  کی طرف سے فراہم کیا گیا ہے، (iv) پیداواری اہداف اور موسم گرما کے ساتھ ساتھ 2024-25 کے لیے بڑے لائیو اسٹاک مصنوعات کے برسات کے موسم کی پیداوار کے تخمینے؛ (v) مچھلی کی پیداوار، (vi) کوئلے ، خام پیٹرولیم، قدرتی گیس، سیمنٹ کی پیداوار اور اسٹیل کی کھپت، (vii) ریلوے کے لیے خالص ٹن کلومیٹر اور مسافر کلومیٹر، (viii) مسافر اور کارگو ٹریفک جو شہری ہوا بازی  کے زیر انتظام ہے، (ix) بڑے اور چھوٹے سمندری بندرگاہوں پر کارگو ٹریفک کا انتظام، (x) تجارتی گاڑیوں کی فروخت، (xi) بینک ڈپازٹس اور کریڈٹس، (xii) لائف اور نان لائف انشورنس کمپنیوں کی پریمیم سے متعلق معلومات، xiii) ) جی ایس ٹی این سے نومبر 2024 تک دستیاب سامان اور خدمات کی باہری  فراہمی کا ڈیٹا، (xiii) مرکزی اور ریاستی حکومتوں کے اکاؤنٹس ، (xiv) گڈز اینڈ سروسز ٹیکس کی وصولی وغیرہ، مالی سال 2024-25کے پہلے 6-9 ماہ کے لیے دستیاب۔ تخمینہ میں استعمال ہونے والے اہم اشاریوں میں سال بہ سال نمو  کی شرح (فیصد) ضمیمہ بی میں دی گئی ہے۔

 جی ڈی پی کی تالیف کے لیے استعمال ہونے والی کل ٹیکس آمدنی میں نان جی ایس ٹی ریونیو کے ساتھ ساتھ جی ایس ٹی ریونیو بھی شامل ہے۔ 2024-25 کے لیے ٹیکس ریونیو کے بجٹ کے تخمینے کے ساتھ ساتھ کنٹرولر جنرل آف اکاؤنٹس (سی جی اے) اور کمپٹرولر اینڈ آڈیٹر جنرل آف انڈیا (سی اے جی) سے تازہ ترین دستیاب معلومات کو موجودہ قیمتوں پر مصنوعات پر ٹیکس کا تخمینہ لگانے کے لیے استعمال کیا گیا ہے۔ مستقل قیمتوں پر مصنوعات پر ٹیکس، کو مرتب کرنے کے لیے، ٹیکس والے سامان اور خدمات کے حجم میں اضافے کا استعمال کرتے ہوئے حجم میں اضافہ کیا جاتا ہے۔ موجودہ قیمتوں پر کل مصنوعات کی سبسڈیز کو بڑی سبسڈی یعنی سبسڈی کے بارے میں معلومات کا استعمال کرتے ہوئے مرتب کیا گیا تھا یعنی مرکز کے لیے خوراک، یوریا، پیٹرولیم اور غذائیت پر مبنی سبسڈی جیسا کہ سی جی اے ویب سائٹ پر دستیاب ہے اور نومبر 2024 تک زیادہ تر ریاستوں کی جانب سے سبسڈی پر کیے جانے والے اخراجات جو کہ سی اے جی کی ویب سائٹ پر دستیاب ہیں اور 2024-25 کے لیے مرکز/ریاست وار بی ای پروویژن کے ساتھ۔ 2024-25 کے لیے مرکز اور ریاستوں سے محصولات کے اخراجات، سود کی ادائیگی، سبسڈی وغیرہ پر دستیاب معلومات کا استعمال حکومت کے حتمی کھپت کے اخراجات (جی ایف سی ای) کا تخمینہ لگانے کے لیے کیا گیا۔

 ماخذ ایجنسیوں کی طرف سے کئے گئے ان پٹ ڈیٹا میں بہتر ڈیٹا کوریج اور نظرثانی کا اثر ان تخمینوں کے بعد کی نظرثانی پر پڑے گا۔ اس لیے، ریلیز کے کیلنڈر کے مطابق، تخمینوں میں مذکورہ وجوہات کے لیے مناسب وقت پر نظر ثانی کیے جانے کا امکان ہے۔ صارفین کو اعداد و شمار کی تشریح کرتے وقت ان کو مدنظر رکھنا چاہیے۔ مالی سال 2024-25 کے سالانہ جی ڈی پی کے دوسرے پیشگی تخمینے کے ساتھ ساتھ 2024-25 کی سہ ماہی اکتوبر-دسمبر (2024-25 کی سہ ماہی) کے سہ ماہی جی ڈی پی تخمینے 28.02.2025 کو جاری کیے جائیں گے۔

ضمیمہ اے

ضمیمہ بی

اس پریس ریلیز کو پی ڈی ایف فارمیٹ میں ڈاؤن لوڈ کرنے کے لیے یہاں کلک کریں۔

********

ش ح۔ا ک۔ رب

U-4949

(Release ID: 2090948) Visitor Counter : 25