ঙা য়োকপা, শা-শন য়োকপা অমসুং শঙ্গোম পুথোকপা মন্ত্রালয়
কেন্দ্রগী মন্ত্রী শ্রী রাজিব রঞ্জন সিংহনা PMMSYগী মখাদা অৱাং নোংপোক লমদমদা লুপা করোর 50রোমগী ফিশরিজ দিবেলপমেন্ত প্রোজেক্ত 50 শঙ্গাখ্রে অমসুং উরেপ-উয়ুং তমখ্রে
Posted On:
06 JAN 2025 12:15PM by PIB Imphal
ফিশরিজ, এনিমেল হসবেন্দ্রী অমসুং দাইরিয়িং মন্ত্রালয়গী মখাদা লৈবা ফিশরিজ বিভাগনা ঙসি নোর্থইস্তর্ন রিজন স্তেৎস মীত অমা প্রধান মন্ত্রী মতস্য সম্পদা য়োজনা (PMMSY) গী থবক পায়খৎপগী মতাংদা য়েংশিন্নবা পাংথোকখ্রে। কেন্দ্রগী মন্ত্রী শ্রী রাজিব রঞ্জন সিংহনা ময়াই তাংবল লৌদুনা পাংথোকখিবা থৌরম অদুদা MoFAH&Dগী রাজ্য মন্ত্রী, শ্রী জোর্জ কুরিয়ন, MoFAH&Dগী প্রোফেসর এস.পি. সিংহ বাঘেল, অমসুং অৱাং-নোংপোক্কী রাজ্যশিংগী অতোপ্পা মরুওইবা মীহুৎশিংনা শরুক য়াবা উবা ফংখি।
অৱাং-নোংপোক লমদম (NER) গী ফিশরিজ সেক্তরদা চাউনা শাহৌ পীরদুনা কেন্দ্রগী শরুক লুপা করোর 38.63 য়াওনা লুপা করোর 50গী অপুনবা শেনফমগা লোয়ননা কান্নরবা প্রোজেক্ত 50 শঙ্গাখি অমসুং উরেপ-উয়ুং তমখি। ইনিসিএতিবশিং অসি লমদম অসিগী ফিশরিজ ইনফ্রাস্ত্রকচর, প্রদক্তিবিতী অমসুং থবক ফংবগী খুদোংচাবশিং হেনগৎহন্নবা শেমগৎপনি।
রাজ্যগী ওইবা এল্লোকেসনশিং অমসুং মরু ওইবা প্রোজেক্তশিং
|
PMMSY_NER মীতকী মখাদা শঙ্গাখিবা/উরেপ-উয়ুং তমখিবা প্রোজেক্তকী শমলপ্পা ৱারোল (লুপা লাখতা)
|
|
সিরিএল মশিং
|
রাজ্য
|
প্রোজেক্তশিংগী মশিং
|
অপুনবা শেনফম
|
কেন্দ্রগী শরুক
|
রাজ্যগী শরুক
|
বেনিফিসরীগী শরুক
|
|
1
|
অসাম
|
12
|
4194.10
|
3320.75
|
368.85
|
504.00
|
|
2
|
মনিপুর
|
7
|
426
|
337.9
|
36.3
|
51.8
|
|
3
|
মেঘালয়
|
1
|
50
|
27
|
3
|
20
|
|
4
|
নাগালেন্দ
|
3
|
75
|
40.5
|
4.5
|
30
|
|
5
|
ত্রিপুরা
|
3
|
58
|
26.92
|
2.88
|
28.2
|
|
6
|
সিক্কিম
|
24
|
204
|
110.2
|
12.2
|
81.6
|
|
|
অপুনবা
|
50
|
5007.1
|
3863.27
|
427.73
|
715.6
|
অসামদা পায়খৎলিবা প্রোজেক্তশিং অসিগী মরক্তগী মরুওইবা অমদি দারং দিস্ত্রিক্ততা ইন্তিগ্রেতেদ এক্বা পার্ক অমা লিংখৎপা অসিনি। মসিনা চহিগী ওইনা ঙা 150 MT পুথোক্কনি হায়না পানরি। মসিনা লুপা করোর 10-15 গী রেভেন্যু পুথোক্কনি অমসুং থবক ফংবগী খুদোংচাবা 2,000 ফাওবা ফংহল্লগনি। কামরুপ দিস্ত্রিক্তকী অচৌবা ফিস ফীদ প্লান্ত অমনা চহিদা ফীদ 20,000 MT পুথোক্কনি। অদুগা তোঙান তোঙানবা দিস্ত্রিক্তশিংদা লৈরিবা হেৎচরী প্রোজেক্তশিংনা চহিদা ঙা মিলিয়ন 50 পুথোক্নবা পান্দম থম্লি। মসিনা লোকেল এক্বাকলচরদা চাউনা মতেং পাংগনি।
মনিপুরনা ঙাগী পোত্থোকশিং ঙাক-শেন্নবা অমসুং লৌরোক মতুংদা মাংখিবা হন্থহন্নবা থৌবাল অমসুং ইম্ফাল দিস্ত্রিক্তশিংদা আইস প্লান্তশিং অমসুং কোল্দ স্তোরেজ য়ুনিৎশিং লিংখৎকনি। মসিগী মথক্তা, লোকেল ওইনা মরুওইবা ঙাগী স্পেসিসশিংদা মীৎয়েং থম্লিবা হেৎচরীশিংনা রাজ্য অসিদা বাইওদাইভর্সিতী ঙাক্তুনা থম্বদা অমসুং ঙাগী পোত্থোক হেনগৎহনবদা মতেং পাংগনি।
মেঘালয়াগী প্রোজেক্তশিং অসি নোংপোক খাসি হিলস দিস্ত্রিক্ততা রিক্রিএস্নেল ফিশরিজ প্রমোৎ তৌবদা মীৎয়েং থমগনি। য়াম্না পাম্নবা তুরিস্ত এরিয়া অমদা স্ত্রেতেজিক ওইনা লৈবা ইনিসিএতিব অসিনা ভিজিতরশিং পুক্নিং চিংশিল্লগনি, লোকেল এমপ্লোইমেন্ত পুথোক্লগনি অমসুং লমদম অসিগী তুরিস্ত অপীল হেনগৎহল্লগনি হায়না পানরি।
নাগালেন্দগী প্রোজেক্ত অহুমগী মনুংদা মোকোকচোং অমসুং কিফাইর দিস্ত্রিক্তশিংদা ফ্রেশৱাতর ফিনফিশ হেৎচরীশিং শাবসু য়াওরি। হায়রিবা হেৎচরীশিং অসিনা চহিগী ওইনা পুন্না ফ্রাই মিলিয়ন 21 পুথোক্কনি। মসিনা লমদম অসিগী এক্বাকলচরদা মতেং পাংগনি অমসুং ত্রাইবেল কম্ম্যুনিতীশিংদা শেন্মিৎলোনগী খুদোংচাবা পীগনি।
ত্রিপুরাদা, প্রোজেক্তশিং অসিদা ওর্নামেন্তেল ফিশ রিয়রিং য়ুনিৎশিং অমসুং ফিনফিশ হেৎচরীশিং লিংখৎপা য়াওরি। থৌরাংশিং অসিনা ওর্নামেন্তেল ঙা ফার্মিংবু মীয়াম্না পাম্নবা হেনগৎহন্নবা, লমদমসিগী ঙাগী রিসোর্সশিং শীজিন্নবা হেনগৎহন্নবা অমসুং লোকেলগী থবক ফংহন্নবা পান্দম থম্লি।
সিক্কিমনা প্রোজেক্ত 24 পায়খৎলগনি মসিগী মনুংদা রিসর্ক্যুলেতরী এক্বাকলচর সিস্তেম (RAS) লিংখৎপা, তুং কোইনা ঙা য়োকপা হেনগৎহনবা, গেংতোক অমসুং অতোপ্পা শহরশিংদা ঙাগী কিওস্কশিং শেম্বা অমসুং ওর্নামেন্তেল ঙা য়োকপগী য়ুনিৎশিং শেম্বা য়াওরি। প্রোজেক্তশিং অসিনা লোকেল কম্ম্যুনিতীশিংগীদমক ইনকম জেনরেসন অমসুং পুন্সি মহিংগী খুদোংচাবশিং হেনগৎহনগনি হায়না পানরি।
অৱাং নোংপোক্তা লৈরিবা ফিশরিজ সেক্তরগী মতাংদা
অৱাং-নোংপোক লমদম (NER) অসি ভারতনা ঙা য়োকপা অমসুং এক্বাকলচরদা মশা-মরোমদোম লেপচবগী মায়কৈদা চংশিল্লিবা খোঙচৎ অসিগী মাং থানা লৈরি। মসিনা ইনক্লুসিব দিবেলপমেন্তকী মায়কৈদা সরকারনা লেপ্পা লৈতনা হোৎনরিবা অদু উৎলি। মরাং কায়না ফংবা ঈশিং রিসোর্স অমসুং অখন্নবা ঈশিংগী বাইওদাইবর্সিতীগা লোয়ননা NER অসি পোতেন্সিএল লৈবা লমদম অমা খক্তা নত্তনা সরকারগী মীৎয়েং চঙবা লুচিং মখাদা চাউখৎপগী থৌনা লৈরবা মফম অমা ওইরি। মালেমগী ওইনা বাইওদাইভর্সিতীগী মফম অমা ওইনা শকখঙনরিবা, NER অসি ইকনোমিক গ্রোথ অমসুং লাইবলিহুদ হেনগৎহন্নবা ভারতকী স্ত্রেতেজীগী য়ুম্ফম অমা ওইরে।
সরকারনা ব্লু রিভোলুসন স্কিম, ফিশরিজ অমসুং এক্বাকলচর ইনফ্রাস্ত্রকচর দিবেলপমেন্ত ফন্দ (FIDF), অমসুং প্রধান মন্ত্রী মতস্য সম্পাদা য়োজনা (PMMSY) গুম্বা ফ্লেগশিপ স্কিমশিংগী খুত্থাংদা ফিশরিজগীদমক লুপা করোর 2,114 গী অপুনবা ইনভেস্তমেন্ত অয়াবা পীখ্রে। খোঙথাংশিং অসিনা ইনফ্রাস্ত্রকচরদা চাউনা মতেং পাংলি, প্রদক্তিবিতী ফগৎহল্লি অমসুং সস্তেনেবল ওইবা থবকশিং মপাঙ্গল কনখৎহল্লি। মসিনা মরম ওইদুনা, NERদা ইনলেন্দ ফিস পুথোকপা অসি 2014-15দা তন লাখ 4.03দগী 2023-24দা তন লাখ 6.41দা হেনগৎখ্রে। মসিনা চহিগী ওইনা চাদা 5গী চাংদা হেনগৎলকপা ঙমহনখি।
অসিগুম্বা মাইপাকপশিং অসিনা ভারতকী ব্লু ইকনোমী ভিজনগী মরুওইবা দ্রাইভর অমা ওইনা NERবু মপুং ফানা লেপথোকখিবা দাইনামিক পোলিসীশিং অমসুং পান্দম থম্লিবা থৌশিলশিংগী কান্নবা অদু উৎলি। ফিশরিজ অমসুং এক্বাকলচরগী অচৌবা পোতেন্সিএল অসি কেতালাইজর অমা ওইনা মশক খঙলদুনা দিপার্তমেন্ত ওফ ফিশরিজ (DOF) না NERবু চাউখৎপগী মরুওইবা ফোকেল পোইন্ত অমা ওইনা মরুওইবা পীরি। মসিগী খোঙথাংশিং অসিদা বাইওফ্লোক সিস্তেমশিং অমসুং রিসর্ক্যুলেতরী এক্বাকলচর সিস্তেমশিং (RAS) গুম্বা ইন্নোবেতিব তেক্নোলোজীশিং প্রমোৎ তৌবগা লোয়ননা মোদর্ন এক্বাকলচর পার্কশিং, হেৎচরীশিং অমসুং ফিশ প্রোসেসিং য়ুনিৎশিং লিংখৎপা য়াওরি। মসিগী হোৎনরিবশিং অসিনা প্রদক্তিবিতী হেনগৎহনবা, ভেল্যু চেনশিং মপাঙ্গল কনখৎহনবা, অমসুং ঙা ফার্মরশিংগীদমক কৈথেলগী এক্সেস হেনগৎহন্নবা পান্দম থম্লি।
*****
(Release ID: 2090627)
Visitor Counter : 34