দিপার্তমেন্ত ওফ ফিসরিসজ, ফিসরিজ, এনিমেল হজবেন্দ্রী অমদি দেরীইংগী কেন্দ্র মন্ত্রী শ্রী রাজিব রঞ্জন সিংহ এলিয়স ললন সিংহনা ঙসি গুৱাহাতি, অসামদা অরুনাচল প্রদেশ অমদি  মিজোরম য়াওদনা অতৈ অৱাং নোংপোক্কী স্তেত পুম্নমক কোনশিল্লবা লুপা করোর ৫০গী ওইগদবা মরুওইবা প্রোজেক্ত ৫০ প্রধান মন্ত্রী মতস্য সম্পদ য়োজনা (PMMSY) গী মখাদা শঙ্গাখ্রে অমদি উরেপ উয়ুং তমখ্রে‍। প্রধান মন্ত্রী মতস্য সম্পদ য়োজনা (PMMSY) পায়খৎপগী ফীভম য়েংশিন্নবা পাঙথোকপা নোর্থইস্তর্ন স্তেতস মীতসু কেন্দ্রগী রাজ্য মন্ত্রী প্রোফঃ এস.পি. বঘেল অমদি শ্রী জোর্জ কুরিয়ন, অৱাং নোংপোক স্তেতশিংদগী ফিসরিজকী ফম পায়রিবা মন্ত্রীশিং, ফিসরিজ সেক্রেতরী দোক্তর অভিলক্স লিখিগা লোয়ননা অতৈ মশক নাইবা মীওই কয়ানা শরুক য়াদুনা পাঙথোকখ‍ি‍।

অৱাং নোংপোক লমদমদা ঙা য়োকপগী থবক থৌরমদা তুং কোইগদবা মওংদা চাওখৎপা পুরক্নবা মখা তানা হোৎননবা, শ্রী রাজিব রঞ্জন সিংহনা ঙসি অসামগী গুৱাহাতিদা পাঙথোকখিবা নোর্থ ইস্তর্ন রিজন স্তেত মীত ২০২৫ দা, PMMSY গী মখাদা সিক্কিমদা ওর্গানিক ফিসরিজ অমদি এক্বাকলচর চাওখৎহন্নবা ভারতকী ইহান হান্বা ওর্গানিক ফিসরিজ ক্লস্তর সিক্কিমগী সোরেং দিস্ত্রিক্ততা নোতিফাইদ তৌখি অমদি হৌদোক্তুনা, স্তেত অসিদা ঙা য়োকপগী থবক থৌরমদা তুং কোইগদবা মওংদা চাওখৎহন্নবা মশক থোকপা খোঙথাঙ অমা পায়খৎখি‍। সিক্কিম লৈঙাক্না হান্নদগী ওর্গানিইক ফার্মিং পায়খত্তুনা তুং কোইগদবা অমদি মহৌশাগী ফীভমগা চুনবা লৌউ-শিংউগী থবক থৌরমশিংগী অচৌবা মিংচৎ অমা শেমগৎপদা মতেং পাংলি‍। ওর্গানিক ফিসরিজ অমদি এক্বাকলচর হৌদোকপনা স্তেত অসিনা সেক্তর পুম্নমক্তা ওর্গানিক, সস্তেনেবল অমদি  অকোয়বগী ফীভমগা চুনবা থবক থৌওংশিং য়োকখৎনবগী থম্লিবা মীৎয়েঙ পরিংগা চুশিন্নহল্লি‍।

তুং কোইগদবা মায়কৈদা চঙশিন্বা: ওর্গানিক্না মাঙদা চঙশিনগদবা লম্বীনি

ওর্গানিক ফিসরিজ ক্লস্তর অসিনা হকচাঙ শোক্নিংঙাই ওইবা কেমিকেল, এন্তিবাইওতিক্স অমসুং পেস্তিসাইদশিং শীজিন্নদনা মহৌশাগী ফীভমদা শাফগদবা মখলগী ঙা য়োকপগী সিস্তেমদা মীৎয়েঙ থম্লি‍। মসিনা অকোয়বগী ফীভমদা মোৎশিনবগী চাং য়াম্না নেমহন্দুনা অমদি এক্বাতিক ইকোসিস্তেমদা মাঙ তাকহন্বা থিংদুনা তুং কোইগদবা ঙা পুথোকপগী থবক থৌওংদা মতেঙ পাংই‍। ওর্গানিক ওইবা পোত্থোকশিংনা লমদমসিগী অমদি মালেমগী কৈথেলশিংদা প্রেমিয়ম ওইবা মীৎয়েঙ অমগী মায়কৈদা পুক্নিং চিংশিল্লি‍। ওর্গানিক এক্বাকলচর ক্লস্তর অমা শেমগত্তুনা, সিক্কিম্না হেনগৎলক্লিবা মার্কেত অসিদা চঙশিন্দুনা ওর্গানিক ওইবা ঙা অমদি ঙাগী পোত্থোকশিং মপান্দা থাদোকপা ঙমহনগনি‍। অমুর কার্প অমদি অতৈ ঙা মখলশিংদা অখন্নবা মীৎয়েঙ থমবা ওর্গানিক ফিসরিজ অমদি এক্বাকলচর ক্লস্তর অমা সিক্কিমদা শেমগৎপনা শেন্মিৎলোন, অকোয়বগী ফীভম অমদি খুন্নাইদা মখল মখা কয়াগী কান্নবা পীগনি‍। স্তেত অসিগী হান্নদগী মায় পাক্লবা ওর্গানিক ফার্মিং ফ্রেমৱর্ক অসসিদা ওর্গানিক ফিস ফার্মিং পুশিনবনা, সিক্কিম্না স্তেত অসিবু তুং কোইগদবা এক্বাকলচরদা লময়ানবা অমা ওইহন্বা ঙমগনি‍। মসিনা স্তেত অসিগী লৌউ-শিংউগী শেন্মিৎলোন হেনগৎহনবতা নত্তনা তুং কোইগদবা, মহৌশাগী ফীভমগা চুনবা চীঞ্জাক পুথোকপগী মায়কৈদা মালেমগী ওইনা মীৎয়েঙ থম্লক্লিবা অসিদা মতেঙ পাংগনি‍।

নেস্নেল বেঙ্ক ফোর এগ্রিকলচর এন্দ রুরেল দিভেলপমেন্ত (NABARD) না সিক্কিমদা ফিসরিজ অমদি এক্বাকলচরগী ওর্গানিক ক্লস্তর শেমগৎপদা মরুওইবা স্তেকহোল্দর অমা ওইরি‍। NABARD মথৌ তাবা ফিসরিজ ইনফ্রাস্ত্রকচর অমদি কেপাসিতী বিল্দিংগী লমদা শেলথুমগী অমদি তেক্নিকেলগী ওইবা মতেঙ ফংহনবগী মথক্তা, স্তেত অসিগী ঙামীশিংগী কোওপরেতিবশিং এঙ্গেজ তৌদুনা অমদি ফিসরিজ-বেজ ফার্মর প্রদ্যুসর ওর্গনাইজেসনশিং (FFPOs) শেমদুনা ওর্গানিক ক্লস্তর চাওখৎহন্বদা মতেঙ পাংগনি‍। থৌশিল অসিনা এক্বাকলচর ইনফ্রাস্ত্রকচর অমদি তেক্নোলোজীদা প্রাইভেত ইনভেস্তমেন্ত পুক্নিং থৌগত্তুনা, সিক্কিমবু কোল্দ ৱাতর ফিসরিজকী ব্রান্দিং তৌগনি, তুরিজমগী পুক্নিং চিংশিনগনি লোয়ননা ভেল্যু চেনশু মপাঙ্গল কনখৎহন্দুনা লমদমদুগী ঙামীশিং মপাঙ্গল হাপকনি অমদি সিক্কিম স্তেতকী ফিসরিজ সেক্তরদা তুং কোইগদবা মওংদা চাওখৎপা পুরক্কনি‍।

ক্লস্তর বেজ এপ্রোচ: লৌমীশিংগী শেন্থোক হেনগৎহন্নবা, ফিসরিজ ভেল্যু চেন মপাঙ্গল কনখৎহন্নবা

ভারতকী ফিসরিজ সেক্তরবু তুং কোইনা অমদি থৌদাং লৈনা চাওখৎপা পুরক্তুনা ব্লু রিভোলুসন পুরক্নবা ফিসরিজ, এনিমেল হজবেন্দ্রী অমদি দেরীইং মন্ত্রালয়গী দিপার্তমেন্ত ওফ ফিসরিজনা স্তেত অমদি য়ুনিয়ন তেরিতরী (UTs) পুম্নমক্তা পায়খৎলিবা প্রধান মন্ত্রী মতস্য সম্পদ য়োজনা (PMMSY) হায়রিবা স্কিম অসিনা ফিসরিজ সেক্তরদা হিদান্নবা হেনগৎহন্নবা, শেন্মিৎলোন হেনগৎহন্বদা মতেং পাংনবা, শেন্থোক হেনগৎহন্নবা, ফিসরিজ অমদি এক্বাকলচরবু মওং মরিল নাইনা চাওখৎহন্নবা অমদি পাকথোক চাউথোকহন্নবা ক্লস্তর-বেজ এপ্রোচ পায়খৎনবা ৱাফম থম্লি‍।

ক্লস্তর-বেজ এপ্রোচ অসিনা পুথোকপদগী হৌরগা মপান্দা থাদোকপা ফাওবদা ফিসরিজ ভেল্যু চেন পুম্বদা লৈরিবা মফম পুন্বা/শম্নবা মাইক্রো, স্মোল, মেদিয়ম, অমদি লার্জ হায়রিবা মখল পুম্নমক্কী এন্তরপ্রাইজশিং পুনশিন্দুনা হিদান্নবা অমদি মতিং লৈবা হেনগৎহল্লি‍। খুৎশম্ননা চৎমিন্নবগী মওং অসিনা মপাঙ্গল কন্বা লিঙ্কেজকী খুত্থাঙদা শেন্থোক লৈবা হেনগৎহল্লি, ভেল্যু চেন্দা লৈরম্বা অহোবশিং মেনশিল্লি, অমদি অনৌবা বিজিনেসকী খুদোংচাবশিং অমসুং পুন্সি হিংনবগী লম্বীশিং শেম্মি‍। খোঙবু ওইবা অমদি মচাক মথুম য়েন্থোক য়েনশিন তৌবগী ফীভম পুরক্তুনা, মসিনা শেঞ্জং হন্থহন্নবা, ইনোভেসন য়োকখৎনবা, অমদি তুং কোইগদবা থবক থৌওংদা মতেঙ পাংনবা পান্দম থম্লি‍।

দিপার্তমেন্ত ওফ ফিসরিজনা ক্লস্তর-বেজ দিভেলপমেন্তপু, পর্ল, সীৱীদ, ওর্নামেন্তেল ফিসরিজ, রিজর্বর ফিসরিজ, ফিসিং হার্বর, সেলাইন ৱাতর এক্বাকলচর, কোল্দ ৱাতর ফিসরিজ, সী কেজ কলচর, ফ্রেসৱাতর এক্বাকলচর, ব্রেকিস-ৱাতর ফিসরিজ, আইলেন্দ ফিসরিজ ক্লস্তর, ওর্গানিক ফিসরিজ, ৱেতলেন্দ ফিসরিজ, অমসুং অতৈ লমশিংদা সেক্তরগী অমদি মফম মফমগী মতুং ইন্না তোপ তোপ্পা মথৌ তাবগী মতুং ইন্না প্রদক্সন অমদি প্রোসেসিং ক্লস্তর ওইনা শেমগৎনবা অখন্নবা মীৎয়েঙ থম্লি‍। ক্লস্তরশিং অসিনা ফিসরিজ অমসুং এক্বাকলচর তুং কোইগদবা মওংদা চাওখৎহন্নবগীদমক ঙামী, এন্তরপ্রাইজশিং, লনাই মীওইশিং, সেল্ফ হেল্প গ্রুপশিং (SHGs), জোইন্ত লাইএবিলিতী গ্রুপশিং (JLGs), ফিস ফার্মর প্রদ্যুসর ওর্গনাইজেসনশিং (FFPOs), ঙা য়োকপা মীওইশিং, প্রোসেসরশিং, ত্রান্সপোর্তরশিং, রিতেলর য়াওনা ঙা য়োনবা মীওইশিং, হোলসেলরশিং, কঞ্জ্যুমরশিং, কোওপরেতিবশিং, ফিসরিজ স্তার্ত-অপশিং অমদি অতৈ এন্তিতীশিং য়াওনা মখল মখা কয়াগী ভেল্যু চেন স্তেকহোল্দরশিংগা এঙ্গেজ তৌগনি‍। ভারত লৈঙাক্কী দিপার্তমেন্ত ওফ ফিসরিজনা হান্ননা ফিসরিজকা মরী লৈনবা ক্লস্তর মরি হায়বদি ঝার্খন্দগী হজারিবাঘ দিস্ত্রিক্ততা পর্ল ক্লস্তর, তামিল নাদুগী মদুরাই দিস্ত্রিক্তকী ওর্নামেন্তেল ফিসরিজ ক্লস্তর, লক্সদ্বীপকী সীৱীদ ক্লস্তর, অমসুং অন্দমান অমদি নিকোবর ঈথৎকী তুনা ক্লস্তরশিং নোতিফাইদ তৌখ্রে‍।

অৱাং নোংপোক লমদমদা ফিসরিজতা মীৎয়েঙ থম্বা

নোর্থ ইস্তর্ন রিজন (NER) ফিসরিজ অমদি এক্বাকলচরদা মরোমদোম লেপচবা ঙম্নবা ভারতনা চঙশিল্লিবা খোঙজংদা মাঙজিল থানা লৈদুনা, লৈঙাক্না পুম্নমক কোনশিন্দুনা চাওখৎপা পুরক্নবা খোঙফম হোংদনা লেপ্লিবা অসিগী মমি তারি‍। ফ্রেসৱাতর রিসোর্স মরাং কায়না অমদি তোপ তোপ্পা এক্বাতিক বাইওদাইভর্সিতী লৈদুনা, NER না মতিং লৈবা লমদম অমা ওইবতা নত্তনা খুমাঙ চাওশিনবগী ইচঙ থৌবা মফম অমসু ওইরি‍। মালেমগী ওইনা বাইওদাইভর্সিতী হোতস্পোত অমা ওইনা খঙনরিবা NER না শেন্মিৎলোন চাওখৎহন্নবা অমদি পুন্সি হিংনবগী লম্বী ফগৎহন্নবা ভারতনা য়াৎলিবা লাল্লোংগী মরুওইবা য়ুম্বী অমা ওইরে‍।

লৈঙাক্না ফিসরিজকী লমদা পুন্না লুপা করোর ২১১৪ গী ইনভেস্তমেন্ত ব্লু রিভোলুসন স্কীম, ফিসরিজ এন্দ এক্বাকলচর ইনফ্রাস্ত্রকচর দিভেলপমেন্ত ফন্দ (FIDF), অমদি প্রধান মন্ত্রী মতস্য সম্পদ য়োজনা (PMMSY) নচিংবা ফ্লেগসিপ স্কীমশিংগী খুত্থাঙদা থাদনবা অয়াবা পীখ্রে‍। থৌশিলশিং অসিনা ইনফ্রাস্ত্রকচর মশক থোক্না ফগৎহল্লে, পোত্থোক পুথোকপগী চাং হেনগৎহল্লে, অমদি তুং কোইগদবা থবক থৌওং মপাঙ্গল কনখৎহল্লে‍। মসিগী মহৈনা, গী ইনলেন্দ ফসি প্রদক্সন ২০১৪-১৫ দা তন লাখ ৪.০৩ ওইরম্বদগী ২০২৩-২৪ দা তন লাখ ৬.৪১ দা হেনগৎলক্তুনা ৫% গী চহিগী গ্রোথ ফংবা ঙম্লে‍।

অসিগুম্বা মায় পাকপশিং অসিনা NER বু ভারতকী ব্লু ইকনমি ভিজনগী মরুওইবা মীৎয়েঙফম অমা ওইহল্লিবা ইচঙ থৌবা খুজিল থৌরাং অমদি তার্গেতেদ ইন্তরভেন্সনগী মতিং উৎলি‍। দিপার্তমেন্ত ওফ ফিসরিজ (DoF) না NER বু চাওখৎপগী মরুওইবা মীৎয়েঙফম ওইহন্নবা পান্দম থম্লি‍। মসিনা পায়খৎলিবা থৌশিলশিংগী মনুংদা মতমগা চুনবা এক্বাকলচর পার্ক, হেতচরিশিং, অমদি ফিস প্রোসেসিং য়ুনিৎশিং, লোয়ননা বাইওফ্লোক সিস্তেম অমদি রিসর্কুলেতরী এক্বাকলচর সিস্তেম (RAS) নচিংবা ইনোভেতিব ওইবা তেক্নোলোজীশিং য়োকখৎপা য়াওরি‍। হোৎনরিবশিং অসিনা পোত্থোক পুথোকপগী চাং হেনগৎহন্নবা, ভেল্যু চেন মপাঙ্গল কনখৎহন্নবা, অমদি ঙা য়োকপা মীওইশিংগী মার্কেত এক্সেস হেনগৎহন্নবা পান্দম থম্লি‍। খোঙজেল অসি মখা তানা লৈহন্নবা, ঙসি লুপা করোর ৫০ গী ওইগদবা ইথিল লৈগদবা প্রোজেক্ত ৫০ শঙ্গাখ্রে/ উরেপ উয়ুং তমখ্রে, মসিদা কেন্দ্রগী শরুক লুপা করোর ৩৮.৬৩ য়াওবগা লোয়ননা NER লমদমদা দাইরেক্ত অমদি ইন্দাইরেক্ত এমপ্লোইমেন্তকী খুদোংচাবা ৪,৫৩০ রোম শেমগৎকনি‍। অকুপ্পা ৱারোলশিং মখাদা পীরি:

 

ফিসরিজ অমদি এক্বাকলচর সেক্তরনা ভারতকী শেন্মিৎলোন্দা মরুওইবা থৌদাং অমা য়াদুনা, ঙামী অমদি ঙা য়োকপা মীওই করোর ৩ লোমদা হিংনবগী লম্বী পীবগা লোয়ননা ভেল্যু চেন পুম্বদা শিংথানিংঙাই ওইনা থবক পীরি‍। ভারতনা মালেমগী ওইনা অনিশুবা খ্বায়দগী চাউনা ঙা পুথোকপা লৈবাক ওইদুনা মালেমগী পোত্থোক্কী ৮% পুথোক্লি, এক্বাকলচর প্রদক্সন্দা অনিশুবা মফম কল্লি, খজিং পুথোকপা অমদি মপান্দা থাদোকপদা মাঙজিল থারি, অমদি কেপচর ফিসরিজগী লমদা অহুশুবা খ্বায়দগী চাউনা পুথোকপা লৈবাক ওইরি‍। ২০১৫ দগী হৌনা, ভারত লৈঙাক্না সেক্তর অসিদা তুং কোইগদবা মওংদা চাওখৎহন্নবা অমদি শেমগৎনবা ব্লু রিভোলুসন স্কিম, ফিসরিজ এন্দ এক্বাকলচর ইনফ্রাস্ত্রকচর দিভেলপমেন্ত ফন্দ (FIDF), প্রধান মন্ত্রী মতস্য সম্পদ য়োজনা (PMMSY), অমদি মসিগী সব-স্কীমশিং, প্রধান মন্ত্রী মতস্য কিসান সমৃ্দ্ধি সহ-য়োজনা (PM-MKSSY) নচিংবা মরুওইবা থৌশিলশিংগী খুত্থাঙদা লুপা করোর ৩৮,৫৭২ থাদখ্রে‍।

 

*****

(Release ID: 2090624) Visitor Counter : 33