کوئلہ کی وزارت نے کیلنڈر سال 2024 کے لیے کوئلے کی پیداوار اور ترسیل میں غیر معمولی پیش رفت کی اطلاع دی ہے، جس سے توانائی کے تحفظ کے حصول کے لیے اس کے لگن کو تقویت اور آتمنر بھر بھارت (خود انحصار ہندوستان) کے وژن کی حمایت ملتی ہے۔

2024 میں، کوئلے کی پیداوار 1,039.59 ملین ٹن (ایم ٹی) (عارضی) کی اب تک کی بلند ترین سطح پر پہنچ گئی، جو پچھلے سال کی کل 969.07 ایم ٹی کے مقابلے 7.28 فیصد کی نمایاں نمو ہے۔ یہ شرح نمو گھریلو کوئلے کی دستیابی کو بڑھانے اور توانائی کی بڑھتی ہوئی مانگ کو پورا کرنے کے لیے وزارت کی اسٹریٹجک کوششوں کی عکاسی کرتی ہے۔

اسی طرح، 2024 میں کوئلے کی ترسیل بھی ریکارڈ بلند ترین سطح پر پہنچی، جس میں ملک بھر میں 1,012.72 ایم ٹی  (عارضی) بھیجی گئی، جو کہ 2023 میں ریکارڈ کی گئی 950.39 ایم ٹی  کو ایک متاثر کن 6.56فیصد سے تجاوز کر گئی۔ پیداوار اور ترسیل دونوں میں یہ مسلسل اضافہ بجلی کی پیداوار اور دیگر صنعتوں کے لیے کوئلے کی بروقت دستیابی کو یقینی بنانے کے شعبے کے عزم کی نشاندہی کرتا ہے، جس سے قومی توانائی کی سلامتی کو مزید تقویت ملتی ہے۔

کوئلے کی پیداوار کو بہتر بنانے اور بنیادی ڈھانچے کی ترقی پر وزارت کی مسلسل توجہ کوئلے کی درآمدات پر انحصار کو کم کرنے، ملک کی خود کفالت کومستحکم کرنے اور طویل مدتی پائیدار ترقی میں تعاون کرنے کے ہدف کے مطابق ہے۔

۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔ رض  ۔ ن م(

4851