نئی دہلی میں اپنے صدر دفتر میں نیشنل ریسرچ ڈیولپمنٹ کارپوریشن (این آر ڈی سی) کے 71 ویں یوم تاسیس کے موقع پر ڈیزائن کلینک سہولت (مرکز) کی نقاب کشائی کی گئی۔ این آر ڈی سی فی الحال محکمہ سائنسی و صنعتی تحقیق (ڈی ایس آئی آر)، وزارت سائنس و ٹیکنالوجی، حکومت ہند کے انتظامی کنٹرول میں ہے۔

ڈی ایس آئی آر کے سکریٹری اور کونسل آف سائنٹفک اینڈ انڈسٹریل ریسرچ (سی ایس آئی آر) کے ڈائریکٹر جنرل ڈاکٹر این کلیسلوی نے تقریب کی صدارت کی اور نیشنل انسٹی ٹیوٹ آف ڈیزائن، مدھیہ پردیش کے ساتھ شراکت داری میں ڈیزائن کلینک سہولت کا افتتاح کیا۔ یہ جدید ترین مرکز اسٹارٹ اپس، چھوٹے اور درمیانے درجے کے کاروباری اداروں (ایس ایم ایز) اور صنعتوں میں ڈیزائن کی اختراعات کو فروغ دینے کے لیے ڈیزائن کیا گیا ہے۔

ڈاکٹر کلیسلوی کے ذریعے افتتاح کردہ یہ مرکز ہندوستان کے کاروباری ماحولیاتی نظام کے لیے گیم چینجر ثابت ہونے والا ہے ۔ یہ این آر ڈی سی کے ذریعے اسٹارٹ اپس کی مدد کے لیے تیار کیے جانے والے ون اسٹاپ- شاپ سالیوشن کا ایک لازمی حصہ ہوگا۔

تقریب کے دوران ، این آر ڈی سی کے سی ایم ڈی کموڈور امت رستوگی (ریٹائرڈ) نے تکنیکی مہارت کو فروغ دینے اور اختراع کو فروغ دے کر اور اسٹارٹ اپ ماحولیاتی نظام کی حمایت کرکے ہندوستان کی خود انحصاری کو آگے بڑھانے کی کارپوریشن کی بھرپور میراث کا اشتراک کیا۔ انہوں نے اختراع پر مبنی معیشت کو فروغ دینے کے لیے کارپوریشن کے عزم کو اجاگر کرتے ہوئے تکنیکی ترقی اور صنعت میں ان کے استعمال کے درمیان فرق کو ختم کرنے میں این آر ڈی سی کے اہم کردار پر بھی روشنی ڈالی۔

این آر ڈی سی کے بورڈ آف ڈائریکٹرز اور ڈی ایس آئی آر اور سی ایس آئی آر کے معززین کی موجودگی میں این آر ڈی سی اور نیشنل انسٹی ٹیوٹ آف ڈیزائن ، مدھیہ پردیش کی ڈائریکٹر ڈاکٹر ودیا راکیش کے درمیان ایک مفاہمت نامے (ایم او اے) پر بھی دستخط کیے گئے ۔ اس شراکت داری کا مقصد اختراع ، تحقیق اور ڈیزائن کی بہترین کارکردگی کو فروغ دینا ہے، جو ہندوستان کے ڈیزائن کے منظر نامے کو آگے بڑھانے کی سمت میں ایک اہم قدم ہے۔ ایم او اے ایکسچینج ایک ڈیزائن مرکز بنانے کے لیے این آر ڈی سی کی جاری کوششوں کی علامت ہے، جو این آر ڈی سی انکیوبیشن سینٹر میں انکیوبیٹ کیے گئے اسٹارٹ اپس کی مدد کرتا ہے اور ملک بھر کے دیگر حصص داروں کی خدمت کرتا ہے۔

مہمان خصوصی ڈاکٹر این کلیسلوی نے اپنے خطاب میں ہندوستان کے آر اینڈ ڈی ماحولیاتی نظام کے مستقبل کی تشکیل میں تحقیق ، اختراع اور تعاون کی اہمیت پر زور دیا ، وہ کردار جو این آر ڈی سی، انوسندھان نیشنل ریسرچ فاؤنڈیشن، این آر ڈی سی اور سی ایس آئی آر کے درمیان گہری وابستگی اور بہت کچھ

میں ادا کرسکتا ہے۔ ان کے خطاب نے اس کردار کے لیے ایک وژن فراہم کیا کہ این آر ڈی سی جیسی تنظیمیں ہندوستان کی خود انحصاری کی حمایت میں اپنا کردار ادا کرتی رہیں گی۔

اختراع اور صنعت کاری کی حمایت کے لیے وقف ایک اہم تنظیم این آر ڈی سی نے ٹیکنالوجی ڈیولپمنٹ اینڈ ویلیڈیشن (ٹی ڈی وی سی) اسکیم فیز 2 کے تحت اِڈیوو ڈائگناسٹکس پرائیویٹ لمیٹڈ کو ایک کروڑ روپے کی فنڈنگ دی ہے۔ ایکویٹی کے بدلے میں فراہم کی جانے والی یہ فنڈنگ، اعلیٰ درجے کی تشخیص کے شعبے میں اسٹارٹ اپس اور ایم ایس ایم ایز کی ترقی کو فروغ دینے کے لیے این آر ڈی سی کے عزم کی نشان دہی کرتی ہے، جس سے انہیں مارکیٹ میں آگے بڑھنے اور جدید حل دریافت کرنے میں مدد ملتی ہے۔

مزید برآں، این آر ڈی سی کے بیسٹ ایمپلائی ایوارڈ غیر معمولی کارکردگی کا مظاہرہ کرنے والے عملے کے اراکین ڈاکٹر بھاویا منجیرا، ڈپٹی منیجر، (ٹیکنیکل) زمرہ اور جناب ہری چند، سینئر اسسٹنٹ-ٹرانسپورٹ (نان ٹیکنیکل) زمرے کو پیش کیے گئے، جنہوں نے کارپوریشن کی کامیابی میں مسلسل تعاون کیا ہے۔

حال ہی میں فوت شدہ ہندوستان کے سابق وزیر اعظم ڈاکٹر منموہن سنگھ کی یاد میں ایک منٹ کی خاموشی اختیار کی گئی، یہ کام قوم کے تئیں ان کے تعاون اور خدمات کے احترام میں کیا گیا۔

 

۔۔۔۔۔۔۔۔۔۔۔۔۔۔۔۔۔

ش ح۔ م م ۔ م ر

Urdu No. 4810

 

(Release ID: 2089878) Visitor Counter : 12