تمباکو بورڈ نے تمباکو کی صنعت کی پائیداری اور ترقی کو یقینی بنانے کے لیے کئی اسٹریٹجک سرگرمیاں شروع کی ہیں ۔ ان میں فصلوں کی منصوبہ بندی اور گھریلو اور برآمدی دونوں مطالبات کو پورا کرنے کے لیے پیداوار کا ضابطہ شامل ہے ۔

بورڈ، درآمد کنندہ ممالک کے معیارات کو پورا کرنے کے لیے مطلوبہ معیار کےمطابق تمباکو کی پیداوار کے لیے اہم معاونت فراہم کر کے کسانوں کی مدد کرتا ہے ۔ تمباکو بورڈ کا قیام یکم جنوری 1976 کو پارلیمنٹ کے ایک ایکٹ ’’تمباکو بورڈ ایکٹ ، 1975 (1975 کا ایکٹ 4)‘‘ کے ذریعے تمباکو کی صنعت کی مجموعی ترقی کے لیے کیا گیا تھا ۔ بورڈ کا بنیادی کردار، کاشتکاری کے نظام کے تحت بلا رکاوٹ کام کاج کو یقینی بنانا اور تمباکو کے کاشتکاروں کے لیے منصفانہ اور منافع بخش قیمتوں کو یقینی بنانا اور برآمدات کو فروغ دینا ہے ۔  معیاری تمباکو کی پیداوار کے لیے ضروری معلومات کے ساتھ بینکوں کے ذریعے کسانوں کو مالی مدد فراہم کی جاتی ہے۔ بورڈ تمباکو کی پائیدار کاشت کے طریقوں کو فروغ دینے کے لیے توسیع اور ترقیاتی سرگرمیوں میں بھی مصروف ہے ۔

ہندوستان،چین کے بعد دنیا میں تمباکو پیدا کرنے والا دوسرا سب سے بڑا ملک ہے ۔ چین ، برازیل اور زمبابوے کے بعد ہندوستان دنیا میں ایف سی وی تمباکو پیدا کرنے والا چوتھا سب سے بڑا ملک ہے ۔ برازیل کے بعد ہندوستان غیر تیار شدہ تمباکو (مقدار کی شرائط) کا دوسرا سب سے بڑا برآمد کنندہ ہے ۔ تمباکو کی برآمدات کاہندوستانی خزانے میں بڑے پیمانے پر زرمبادلہ کا حصہ ہے۔ 24-2023 کے دوران ہندوستانی تمباکو کی برآمدات کی قیمت 12005.89 کروڑ روپے (1449.54 امریکی ڈالر میں) تک پہنچ گئی۔ تمباکو کسانوں کی آمدنی بھی پچھلے 5 سالوں میں دوگنی ہو گئی ہے ۔

کسانوں کے لیے بہتر قیمتوں کی دریافت اور منافع بخش قیمتوں کو یقینی بنانے کے لیے ، تمباکو بورڈ نے ایف سی وی تمباکو کے لیے آئی ٹی پر مبنی الیکٹرانک نیلامی کا نظام نافذ کیا ہے ۔ مزید برآں ، ہندوستان کی تمباکو کی برآمدات کو برقرار رکھنے اور بہتر بنانے کے لیے برآمدات کو فروغ دینے کی سرگرمیاں انجام دی جاتی ہیں ۔ تمباکو کے کاشتکاروں کو فلاحی اقدامات فراہم کیے جاتے ہیں ، جو ضرورت کے وقت گرانٹ اور قرضوں کی شکل میں مالی راحت فراہم کرتے ہیں ۔

 

ایف سی وی تمباکو کسانوں کی آمدنی کو دوگنا کرنا:

جیسا کہ بورڈ اپنے قیام کے  دن کا جشن منارہا ہے، یہ بات فخر کے ساتھ اس کہی جاسکتی ہے کہ فلو کیوڈ ورجینیا (ایف سی وی) تمباکو کسانوں کی آمدنی 20-2019 اور 24-2023 کے درمیان 20-2019 میں  124.00 روپے فی کلوگرام سے 24-2023 میں 279.54 روپے ہو گئی ہے ۔اور اس طرح کسانوں کی کمائی دوگنی سے زیادہ ہوگئی ہے۔

یہ کامیابی موثر حکومتی پالیسیوں اور موثر مارکیٹ میکانزم سے منسوب ہے، جس نے تقریبا 83,000 کسانوں کی روزی روٹی میں اضافہ کیا ہے ۔ تمباکو بورڈ کی کوششوں نے بہتر منافع کو یقینی بنانے میں اہم کردار ادا کیا ہے، جو تمباکو کے کاشتکاروں کو اسٹریٹجک سپورٹ کے مثبت اثرات کو ظاہر کرتا ہے ۔

کسانوں کی طرف سے تیار کردہ تمباکو کی فروخت کے لیے تمباکو بورڈ کی طرف سے نافذ کیے جانے والے موثر اور شفاف الیکٹرانک نیلامی کے نظام نے ایف سی وی تمباکو کے شعبے میں کسانوں کی آمدنی کو دوگنا کرنے کے حکومت کے وژن کو حاصل کرنے میں مدد کی ۔

 

ہندوستانی تمباکو کی برآمدات میں اضافہ:

حکومت کی موثر پالیسیوں اور تمباکو بورڈ کی اہم کوششوں کے نتیجے میں گزشتہ 5 سالوں کے دوران 87فیصد تک برآمدات میں اضافہ ہوا ہے یعنی، بورڈنے 20-2019 میں 6,408.15 کروڑ روپے کے مقابلے میں سال 24-2023 میں 12,005.89 کروڑ روپے کی ریکارڈ اعلیٰ سطح پر  برآمدی قدر حاصل کی۔اس عرصے کے دوران برآمدات کی مقدار 218.84 ملین کلوگرام سے بڑھ کر 315.51 ملین کلوگرام ہو گئی ہے ۔

 

آندھرا پردیش میں 24-2023 ایف سی وی تمباکو سیزن شاندار رہا: کسانوں اور ایف سی وی تمباکو کی برآمدات کے لیے ایک نعمت ثابت ہوئی۔

24-2023  میں فصل کا موسم پورے آندھرا پردیش میں ایف سی وی (فلو-کیوڈ ورجینیا) تمباکو کے کاشتکاروں کے لیے ایک شاندار سال ثابت ہوا ہے ۔  قدرتی آفات کا سامنا کرنے کے باوجود ، ہمارے کسانوں کے عزم اور لچک کے نتیجے میں 215.35 ملین کلو گرام تمباکو کی ریکارڈ اعلیٰ پیداوار ہوئی ۔  یہ ایک شاندار کامیابی ہے ، جس کی مزید تکمیل 288.65 روپے فی کلوگرام کی ریکارڈ اعلیٰ قیمت کی وصولی سے ہوتی ہے ۔

اس سال ہندوستانی ایف سی وی تمباکو کی بین الاقوامی مانگ میں اضافے نے ان بے مثال اعداد و شمار کو حاصل کرنے میں اہم کردار ادا کیا ہے ۔  اس سے نہ صرف کسانوں کو فائدہ ہوا ہے ، جنہوں نے اپنی محنت کا صلہ حاصل کیا ہے ، بلکہ اس نے برآمدات کے ذریعے زرمبادلہ پیدا کرکے قومی خزانے میں بھی نمایاں اضافہ کیا ہے ۔

24-2023 آندھرا پردیش ایف سی وی تمباکو کی فصل کی فروخت کے لیے نیلامی 29 فروری 2024 کو شروع ہوئی اور 14 اکتوبر 2024 کو اختتام پذیر ہوئی ۔ نیلامی کے کل 16 پلیٹ فارم چلائے گئے ، جنہیں مندرجہ ذیل طریقے سے تقسیم کیا گیا: این ایل ایس میں 5 پلیٹ فارم ، ایس بی ایس میں 5 اور ایس ایل ایس میں 6 پلیٹ فارم ۔ نیلامی کے 178 دنوں کے دوران ، 43,021 کاشتکاروں نے حصہ لیا ، جس کے نتیجے میں 215.35 ملین کلو گرام ایف سی وی تمباکو کی ریکارڈ سطح پر فروخت ہوئی ، جس میں 9.46 ملین کلو گرام غیر مستعمل اشیاء  اور تمباکو کے فضلہ شامل ہیں۔ کسانوں نے 288.65 روپے فی کلو کی اوسط قیمت حاصل کی ، جو اب تک کی سب سے زیادہ اوسط قیمت ہے  اور مجموعی طور پر سیزن کے دوران 6,313.58 کروڑ روپے کمائے ۔ اس سیزن کی اوسط قیمت 62.92 روپے فی کلوگرام تھی، جو پچھلے سال کی اوسط 225.73 روپے فی کلوگرام سے زیادہ تھی ، جس میں سب سے زیادہ قیمت 411 روپے فی کلوگرام تھی ، جبکہ پچھلے سال یہ 289 روپے فی کلوگرام تھی ۔

اس کے علاوہ، 38,751 رجسٹرڈ کاشتکاروں نے 76.84 ملین کلو گرام اضافی تمباکو کی فروخت پر جرمانہ معافی سے فائدہ اٹھایا ، جس کے نتیجے میں کسانوں کو 184 کروڑ روپے کی بچت ہوئی ۔ تمباکو بورڈ کے ملازمین اور کاشتکاروں نے آندھرا پردیش میں حالیہ طوفانوں کے متاثرین کی مدد کے لیے وزیر اعلیٰ کے ریلیف فنڈ میں 92.70 لاکھ روپے کا تعاون بھی کیا ۔

************************************

 

ش ح۔ع ح۔ش ہ ب

 (U: 4747)

               

(Release ID: 2089284) Visitor Counter : 21