ایئر مارشل جیتندر مشرا نے یکم جنوری 2025 کو ہندوستانی فضائیہ کی ویسٹرن ایئر کمانڈ کی کمان سنبھال لی ہے۔

ایئر مارشل کو 6 دسمبر 1986 کو فائٹرپائلٹ کے طور پر ہندوستانی فضائیہ میں شامل کیا گیا تھا ۔ وہ نیشنل ڈیفنس اکیڈمی پونے ، ایئر فورس ٹیسٹ پائلٹس اسکول ، بنگلور ، ایئر کمانڈ اینڈ اسٹاف کالج ، یو ایس اے اور رائل کالج آف ڈیفنس اسٹڈیز ، یو کے کے سابق طالب علم ہیں ۔ ایک فائٹر کامبیٹ لیڈر اور ایک تجرباتی ٹیسٹ پائلٹ ، ایئر مارشل مشرا کے پاس 3000 گھنٹے سے زیادہ پرواز کا تجربہ ہے ۔

38 سال سے زیادہ  پر محیط اپنے سروس کیریئر میں ، ایئر مارشل نے اہم کمانڈ اور عملے کی تقرریوں کی ذمہ داری سنبھالی ہے ۔ ان میں فائٹر اسکواڈرن کے کمانڈنگ آفیسر ، ایئرکرافٹ اینڈ سسٹمز ٹیسٹنگ اسٹیبلشمنٹ (اے ایس ٹی ای) میں چیف ٹیسٹ پائلٹ ، دو فرنٹ لائن ہوائی اڈوں کے ایئر آفیسر کمانڈنگ ، ڈائریکٹر (آپریشنل پلاننگ اینڈ اسسمنٹ گروپ) پرنسپل ڈائریکٹر (اے ایس آر) اور ایئر ہیڈکوارٹر (وی بی) میں اسسٹنٹ چیف آف ایئر اسٹاف (پروجیکٹس) کمانڈنٹ اے ایس ٹی ای اور ڈپٹی چیف آف انٹیگریٹڈ ڈیفنس اسٹاف (اصولی ، تنظیمی اور تربیتی) شامل ہیں ۔ وہ اپنی موجودہ تقرری سنبھالنے سے پہلے انٹیگریٹڈ ڈیفنس اسٹاف (آپریشنز) کے ڈپٹی چیف تھے ۔

ایئر آفیسر ‘اتی وششٹ سیوا میڈل’ اور ‘وششٹ سیوا میڈل’سے اعزاز یافتہ ہیں ۔ ایئر مارشل جیتندر مشرا ایئر مارشل پنکج موہن سنہا کی جگہ لیں گے جو ہندوستانی فضائیہ میں 39 سال سے زیادہ کی نمایاں خدمات انجام دینے کے بعد 31 دسمبر 2024 کو ریٹائر ہوئے  ہیں۔

*******************

U.No:4743

ش ح۔م  ش ۔ ص ج