صنعت اور اندرونی تجارت کے فروغ کے شعبے نے آڈیو اور وئیر ایبلس مارکیٹ میں ایک ہندوستانی کمپنی بورڈ آف اپرنٹس شپ ٹریننگ کے ساتھ ایک حكمت انگیز اتحاد کیا ہے۔اس تعاون کا مقصد جدت کو فروغ دینا اور صنعت اور اندرونی تجارت کے فروغ کے شعبے کے تسلیم شدہ اسٹارٹ اپس بشمول ڈی2سی اور مینوفیکچرنگ ڈومینز میں اسٹارٹ اپس کو مناسب مدد فراہم کرنا ہے۔

اس باہمی شراکت داری کی اہم خصوصیات میں در ذیل شامل ہیں: اسٹارٹ اپس، اختراع کرنے والوں اور کاروباری لوگوں کی رہنمائی کے لیے وقف کردہ پروگرام/ پہل وسائل، رہنمائی كی فراہمی اور مختلف اہم كامیابیوں کے لیے معاونت جیسے پروٹوٹائپ ڈیولپمنٹ اور جہاں بھی قابل اطلاق اور ممکن ہو بین الاقوامی توسیع کے لیے روابط اور داخلی معلومات پیش کش۔

اس موقع پر بات کرتے ہوئے جوائنٹ سکریٹری اسٹارٹ اپ انڈیا، جناب سنجیو نے کہا كہ "یہ کوشش ہمارے اسٹارٹ اپس کو بہترین مہارت اور بے پناہ وسائل سے آراستہ کرنے میں معاون ثابت ہو گی تاکہ کارکردگی کی بار کو بڑھایا جا سکے اور عالمی درجے كی  مینوفیکچرنگ اور انٹرپرینیورشپ میں دنیا کے لیے ایک مرکز بننے کے ہندوستان کے وژن كے ساتھ تعاون کیا جا سکے۔ بورڈ آف اپرنٹس شپ ٹریننگ جیسے صنعتی ٹائیکونز کے ساتھ اسٹارٹ اپس کو جوڑ کر، ہمارا مقصد جدت کو فروغ دینا، مصنوعات کی ترقی کو بڑھانا اور عالمی سطح پر مسابقتی برانڈز کے قیام کی حمایت کرنا ہے۔

شراکت داری کو سراہتے ہوئے بورڈ آف اپرنٹس شپ ٹریننگ کے شریک بانی جناب امن گپتا نے انکشاف کیا كہ "صنعت اور اندرونی تجارت کے فروغ کے شعبے کے ساتھ یہ شراکت داری 'میک ان انڈیا' پہل میں ہماری وابستگی کی ترجمانی کرتی ہے۔ حکومت کے ساتھ ہاتھ ملا کر، ہم پروڈکٹ اسٹارٹ اپس، جدت طرازوں اور کاروباری لوگوں کے لیے ایک فروغ پزیر ماحولیاتی نظام کو فروغ دینے کے لیے تیار ہیں۔ "

*****

U.No:4640

ش ح۔ع س۔س ا

(Release ID: 2088534) Visitor Counter : 12