گجرات کے وڈنگر میں 24 دسمبر 2024 کو 8 کلومیٹر طویل ‘سشاسن پدیاترا’ بھارت کے سابق وزیر اعظم، جناب  اٹل بہاری واجپئی کی 100ویں سالگرہ کے موقع پر امور نوجوان اور کھیل کود اور محنت اور روزگار کے مرکزی وزیر ڈاکٹر منسکھ مانڈویا کی قیادت میں منعقد کی گئی۔  اس پدیاترا میں وزیر داخلہ، کھیل کود، امور نوجوان  اور ثقافتی امور کے  ریاستی وزیرہرش شنگھوی اور دیگر سینئر رہنما موجود تھے۔

وڈنگر، جو وزیر اعظم نریندر مودی کا آبائی شہر ہے، تاریخی اہمیت رکھتا ہے اور اس جشن کو ایک منفرد ثقافتی جہت فراہم کرتا ہے۔ اس پدیاترا میں مقامی یونیورسٹیوں، کالجوں، این جی اوز اور رضاکار تنظیموں سے 15,000 سے زائد مائی بھارت یوتھ وولنٹئرز نے فعال طور پر شرکت کی۔

اس موقع پر مرکزی وزیر ڈاکٹر منسکھ مانڈویا نے کہا کہ بھارت رتن سابق وزیر اعظم واجپئی جی کی یوم پیدائش کو اچھے حکمرانی کے دن کے طور پر منایا جاتا ہے۔ ایسی پدیاترائیں ہر ماہ دو جگہوں پر منعقد کی جائیں گی۔ مائی بھارت کا یہ پروگرام ایک نوجوانوں کا پروگرام ہے۔ وزیر اعظم مودی جی کا کہنا ہے کہ ایک ترقی یافتہ بھارت میں نوجوانوں کی شرکت ہونی چاہیے۔ مائی بھارت کو 2047 میں ملک کو ترقی یافتہ بنانے کے لیے ایک سنگل ونڈو کے طور پر دیکھا جانا چاہیے۔

جناب  منسکھ مانڈویا نے مزید کہا کہ اب تک 1.65 کروڑ نوجوان مائی بھارت پلیٹ فارم سے جڑ چکے ہیں۔ یہ پلیٹ فارم قومی کیریئر سروس پورٹل سے جڑا ہوا ہے۔ دنیا بھر سے 35 لاکھ سے زائد کمپنیاں اس پلیٹ فارم سے جڑ چکی ہیں۔ یہ پلیٹ فارم ای-شرم پورٹل کے ذریعے دنیا بھر میں حکومتوں اور کمپنیوں میں ملازمتوں کی دستیابی فراہم کرتا ہے۔ مائی بھارت پورٹل نوجوانوں کی امیدوں اور آرزوؤں کو پورا کرتا ہے۔ نوجوانوں کی جدوجہد اور لگن ایک نئے بھارت کے قیام کی طرف لے جائے گی اور وہ اپنے فرض کو ادا کرتے ہوئے ملک کی تعمیر میں تعاون کریں گے۔

نوجوان شہریوں کی شرکت کو مزید بڑھانے  کے لیے متعدد سرگرمیاں منعقد کی گئیں، جن میں تھیم پر مبنی سیلفی پوائنٹس شامل تھے۔ خصوصی طور پر ڈیزائن کی گئی جگہوں پر یادگار لمحوں کو قید کرنے کے لیے انتظامات کیے گئے تھے۔ ثقافتی پروگرامز، تعلیمی نمائشیں اور انٹریکٹو سیشنز بھی منعقد کیے گئے، جن میں اٹل بہاری واجپئی جی کی بھارت کی جمہوری خصوصیت میں شراکت کو اجاگر کیا گیا۔

یہ ڈاکٹر منسکھ مانڈویا کی جانب سے ایک سال میں کی جانے والی 12 پدیاتروں میں سے چوتھی پدیاترا ہے، ہر ایک کا مقصد نوجوانوں کو متاثر کرنا اور بھارت کی بھرپور وراثت کو منانا ہے۔ 8 کلومیٹر طویل مارچ تانریری گراؤنڈ سے شروع ہو کر تانریری مندر پر اختتام پذیر ہوئی، اور اس میں وزیر اعظم نریندر مودی کی زندگی سے جڑی مختلف جگہوں کا احاطہ کیا گیا۔

پدیاترا کے دوران راستے میں مخصوص مقامات پر ثقافتی پروگرامز کا اہتمام کیا گیا تاکہ جناب  اٹل بہاری واجپئی کی زندگی اور وراثت  کا جشن  منایا جا سکے اور آئینی قدروں کی اہمیت پر زور دیا جا سکے تاکہ ‘‘وِکست بھارت 2047’’ کی تعمیر کی جا سکے۔ یہ پدیاترا اٹل بہاری واجپئی کو ان کی بے مثال وراثت اور جمہوری  اصولوں کے تئیں ان کی پائیدار وابستگی کے لیے ایک خراجِ تحسین ہے۔ اس کے علاوہ، یہ پدیاترا وزیر اعظم کے اس وژن کو بھی اجاگر کرتی ہے کہ 2047 تک بھارت کو ایک ترقی یافتہ ملک بنانے میں نوجوانوں کا کردار بہت اہم ہے۔

************

U.No:4527

ش ح۔ع ح۔ق ر