ఎక్కువ మందికి చేరువయ్యేలా తన పరిధిని విస్తృతం చేసే దిశగా మెరుగుపరిచిన వెబ్‌సైట్‌ను ట్రాయ్ అందుబాటులోకి తీసుకువచ్చింది. పెరుగుతున్న సోషల్ మీడియా ప్రాధాన్యతను గుర్తించి సమాచారాన్ని ప్రజలందరికీ అందించేలా సరికొత్త ఫీచర్లను తీసుకొచ్చారు. భారతదేశంలో టెలికాం, బ్రాడ్‌కాస్టింగ్ నిబంధనలు, విధానాలు, చట్టాలు, గణాంకాలు, పోకడలపై సమగ్ర సమాచారాన్ని ఈ వెబ్‌సైట్ అందిస్తుంది. ఈ వనరులు ప్రజలకు, నిబంధనలు, పరిశోధకులు, అంతర్జాతీయ వీక్షకులకు సులభంగా అందుబాటులో ఉంటాయి.

కొత్త వెబ్‌సైట్లో అందుబాటులో ఉన్న అదనపు ఫీచర్లు:

·         టెలికాం, బ్రాడ్‌కాస్టింగ్ రంగానికి కొత్త డ్యాష్ బోర్డు పరిచయం

·         పరిశోధన నిమిత్తం డేటా డౌన్లోడ్ చేసుకొనే సదుపాయం

·         గ్రిడ్ వ్యూ ఫీచర్, సమాచారాన్ని కొత్తగా ఇంటరాక్టివ్ పద్ధతిలో వీక్షించే విధంగా వినియోగదారులను అనుమతిస్తుంది.

·         ఈ-మెయిల్ ద్వారా మాత్రమే కాకుండా ఇన్ స్టాగ్రామ్, యూట్యూబ్, లింక్డిన్, వాట్సాప్, పేస్బుక్, ఎక్స్ తదితర ప్రధాన సామాజిక మాధ్యమ వేదికల ద్వారా నేరుగా డాక్యుమెంట్లను పంచుకోవచ్చు.

·         ట్రాయ్ విడుదల చేసే తాజా సమాచారం పొందేందుకు ఆన్ లైన్ నమోదు

·         సంస్థకు సంబంధించిన సంక్షిప్త సమాచారం.

·         ఈ కొత్త వెబ్‌సైట్ ఐఓఎస్, ఆండ్రాయిడ్, ఇతర వేదికలకు అనుగుణంగా ఉంటుంది.

·         నమోదు చేసుకున్న వినియోగదారులు తమ వ్యాఖ్యలు తెలియజేసేందుకు వీలుగా బ్లాగ్ సౌకర్యం.

·         జరగబోయే కార్యక్రమాలకు సంబంధించిన సమాచారాన్ని ప్రచురించే సదుపాయం

·         బహిరంగ చర్చల్లో పాల్గొనేందుకు ఆన్ లైన్ నమోదు

·         సౌకర్యాలను వినియోగించుకొనేందుకు వెసులుబాటు

·         టెండర్లు, నోటీసులు

·         వెబ్‌సైట్ చివరన పేర్కొన్న సవరణలతో ఒకే చోట సంక్షిప్తంగా సంకలనం చేసిన నిబంధనలు

కొత్త వెబ్సైట్‌ ఎన్ఐసీ క్లౌడ్‌ ద్వారా సేవలు అందిస్తుంది. కొత్త వెబ్‌సైట్ ప్రారంభమైన మూడు నెలల వరకు పాత వెబ్‌సైట్ కూడా అందుబాటులో ఉంటుంది. ఇంటరాక్టివ్ సెర్చ్ సౌకర్యం కోసం ‘తార’ (టెలికాం అథారిటీ రెస్పాన్సివ్ అడ్వైజర్) అనే చాట్‌బాట్‌ను కూడ పరిచయం చేశారు.

ఈ కొత్త ఫీచర్లు టెలికాం, బ్రాడ్‌కాస్టింగ్ రంగంలో ట్రాయ్ నింయత్రణ కార్యక్రమాల్లో పారదర్శకతను, సౌలభ్యాన్ని, ప్రజా భాగస్వామ్యాన్ని మెరుగుపరచడమే లక్ష్యంగా పెట్టుకున్నాయి.

ఏదైనా స్పష్టత/సమాచారం కోసం సలహాదారు (ఐటీ) శ్రీమతి అర్చనా సావంత్‌ను 011-20907756 ద్వారా సంప్రదించవచ్చు. లేదా jait@trai.gov.in ద్వారా వెబ్ మేనేజర్‌ను సంప్రదించవచ్చు.

****