لوک سبھا کے اسپیکر جناب اوم برلا نے آج مشاہدہ کیا کہ پارلیمنٹ کے وقار اور آداب کو برقرار رکھنا تمام اراکین کی اجتماعی ذمہ داری ہے۔ 18ویں لوک سبھا کے تیسرے سیشن (سرمائی اجلاس) کے اختتام پر انہوں نے کہا کہ پارلیمنٹ کے کسی بھی دروازے پر ‘دھرنا’ یا مظاہرے کرنا مناسب نہیں ہے۔ انہوں نے مزید کہا کہ اگر ایسے ضابطوں کی خلاف ورزی کرنے پر پارلیمنٹ کے پاس اپنےوقار اور آداب کو برقرار رکھنے کے لیے ضروری کارروائی کرنے کا حق ہے۔ انہوں نے تمام اراکین سے درخواست کی کہ وہ ہر طرح کے حالات  میں ضوابط کی تعمیل کو یقینی بنائیں۔

پارلیمنٹ کا سرمائی اجلاس 25 نومبر سے 20 دسمبر 2024 کے درمیان منعقد ہوا۔ تقریباً باسٹھ گھنٹے تک جاری رہنے والے سیشن کے دوران بیس نشستیں ہوئیں۔ ہندوستان کے آئین کو اپنانے کے 75 سال کے شاندار سفر پر بحث 13 دسمبر 2024 کو شروع ہوئی اور 14 دسمبر 2024 کو اختتام پذیر ہوئی۔

اس سیشن کے دوران پانچ حکومتی بل پیش کیے گئے اور چار بل منظور ہوئے۔ 61 مخصوص سوالوں کے زبانی جواب دیے گئے اور ممبروں کی جانب سے  گھنٹے صفرکے دوران کل 182 عوامی اہمیت کے مسائل اٹھائے گئے۔ ضابطہ377 کے تحت کل 397 مسائل زیر بحث لائے گئے۔ مجموعی طور پر سیشن کے دوران ایوان 57.87 فیصد کام کاج ہوا ۔

 28 نومبر 2024 کو، دو نئے منتخب اراکین نے حلف اٹھایا۔ سیشن کے دوران، 17 دسمبر 2024 کو لوک سبھا نے جمہوریہ آرمینیا کے قومی اسمبلی کے صدر عزت مآب مسٹر ایلین سیمونیان کی قیادت میں آرمینیا کے پارلیمانی وفد کا بھی خیرمقدم کیا۔

******************** 

ش ح-م ع ن۔ق ر

U No.4376