سائنس اور ٹکنالوجی کے مرکزی وزیر مملکت (آزادانہ چارج)، ارتھ سائنسز کے وزیر مملکت (آزادانہ چارج)، وزیر مملکت برائے وزیراعظم دفتر، جوہری توانائی کا محکمہ، خلائی محکمہ، عملہ، عوامی شکایات اور پنشن، ڈاکٹر جتیندر سنگھ نے آج " ہاسپٹل ایڈمنسٹریشن ایکسیلنس ایوارڈز" سے ممتاز ہسپتال منتظمین کو نوازا اور ان کے طبی دیکھ بھال کو مربوط کرنے میں ان کے اہم کردار پر زور دیا۔ انہوں نے ان منتظمین کو ایک اہم آلہ قرار دیا جو صحت کے نظام کے انضمام میں اہم کردار ادا کرتے ہیں۔

ڈاکٹر جتیندر سنگھ نے تیسری ایڈیشن کے دوران سائنس اور ٹیکنالوجی کے کردار کو اجاگر کیا جو صحت کے نظام میں انقلاب لا رہا ہے۔ اس ایونٹ میں ہسپتال انتظامیہ کے ان اداروں اور منتظمین کی کامیابیوں کو سراہا گیا جنہوں نے مریضوں کی دیکھ بھال، آپریشنل کارکردگی اور صحت کی فراہمی میں جدت میں بہترین کارکردگی دکھائی ہے۔

ڈاکٹر جتیندر سنگھ نے ہسپتال انتظامیہ کے منتظمین کی خدمات کی تعریف کی، جنہوں نے صحت کے نظام کو ہموار طریقے سے چلانے میں اہم کردار ادا کیا۔ انہوں نے صحت کی دیکھ بھال کی انتظامیہ اور سائنس و ٹیکنالوجی کے مابین اہم تعلق کو اجاگر کیا، اور بتایا کہ کس طرح ٹیکنالوجی میں ترقی نے صحت کے طریقوں کو دوبارہ تشکیل دیا ہے۔ انہوں نے کہا، "سائنس اور ٹیکنالوجی جدید صحت کی دیکھ بھال کی فراہمی کی ریڑھ کی ہڈی ہیں۔"

"ان ٹولز کا مؤثر طریقے سے استعمال کرنے کی صلاحیت نے منتظمین کو بڑھتے ہوئے صحت کے تقاضوں کو پورا کرنے کے قابل بنایا ہے، جس سے مریضوں پر مرکوز دیکھ بھال کو یقینی بنایا جا رہا ہے۔" ڈاکٹر جتیندر سنگھ نے مزید وضاحت کی کہ کس طرح پہلے پرائیویٹ اور پبلک سیکٹر کے درمیان تفریق اب ختم ہو چکی ہے، جس سے ایک مربوط ماحولیاتی نظام کی راہ ہموار ہوئی ہے، جو شہریوں کے لیے بہتر صحت کی سہولت فراہم کرتا ہے۔

سائنس اور ٹیکنالوجی کے وزارت کے تعاون پر روشنی ڈالتے ہوئے، ڈاکٹر جتیندر سنگھ نے ان متعدد کلیدی اقدامات کو اجاگر کیا جو بھارت کے صحت کے نظام کو مضبوط کرنے میں مددگار ثابت ہوئے ہیں۔ وزارت کے تحت بایوٹیکنالوجی کے محکمے (ڈی بی ٹی) نے کووڈ۔19 وبا کے دوران مقامی ویکسینوں کی تیاری اور وائرس کی اقسام کا پتہ لگانے کے لیے بڑے پیمانے پر جینیاتی تجزیہ کی سہولت فراہم کی۔ مزید برآں، بایوٹیکنالوجی کے محکمے کی کوششوں نے سستی تشخیصی کٹس کی تیاری اور بایوفارماسوٹیکل اختراعات کی حمایت میں اہم کردار ادا کیا ہے، جس سے ملک بھر میں صحت کی سہولتوں کی رسائی میں بہتری آئی ہے۔

مرکزی وزیر ڈاکٹر جتیندر سنگھ کانسٹی ٹیوشن کلب، نئی دہلی میں اکیڈمی آف ہاسپٹل ایڈمنسٹریشن کی ایک ایوارڈ تقریب کے دوران خطاب کرتے ہوئے

ڈاکٹر جتیندر سنگھ نے محکمہ سائنس اور ٹیکنالوجی(ڈی ایس ٹی) کے کردار پر بھی بات کی، جو صحت کی دیکھ بھال  میں( اے آئی  ڈرائیون)  اے آئی کی چلائی گئی تشخیص، استعمال کے قابل صحت کے آلات اور ٹیلی میڈیسن پلیٹ فارمز جیسی جدتوں کے ذریعے بہتری لا رہا ہے۔ انہوں نے کہا کہ یہ ٹیکنالوجیز شہری اور دیہی علاقوں کے صحت کے نظام کے درمیان فرق کو کم کرنے میں اہم کردار ادا کر رہی ہیں، اور یہ سب کو طبی سہولتوں تک مساوی رسائی فراہم کر رہی ہیں۔ "وبا کے تیاری سے لے کر روزمرہ کے صحت کے چیلنجز تک، ہمارے سائنسی ادارے مسلسل ایسی حل فراہم کر رہے ہیں جو ہماری آبادی کی ضروریات کو پورا کرتے ہیں،" انہوں نے کہا۔

مرکزی وزیر  نے وزیر اعظم نریندر مودی کے ذریعہ شروع کیے گئے مشن کووڈسورکشا کے بارے میں بھی بات کی، جس نے بھارت کو احتیاطی صحت  کی دیکھ بھال کے شعبے میں نئی راہ دکھائی۔

یہ ایوارڈزلیجنڈری انڈین فیگرس (معتبہ ہندوستانی شخصیات) جیسے ، بھیشما کے نام سے طویل مدتی کامیابی اور چانکیا کے نام سے حکمت عملی میں عمدگی کے لیے دیے گئے ہیں، صحت کے پیشہ ور افراد کو حوصلہ افزائی اور تحریک دینے کے لیے ڈیزائن کیے گئے تھے۔ اس تقریب نے وزارت ارضیاتی سائنسز کے صحت کی دیکھ بھال میں اہم کردار کو بھی اجاگر کیا، جس میں ماحولیاتی صحت کی نگرانی اور اس کا عوامی صحت کے نتائج پر اثر شامل ہے۔ مزید برآں، 2024 میں ہونے والی 10ویں سیف اینڈ سسٹین ایبل ہاسپٹلز (ایس اے ایس ایچ) کانفرنس کے پیش نظر، اس ایونٹ نے صحت کی دیکھ بھال میں پائیداری کے کردار کو اجاگر کیا۔

آگے دیکھتے ہوئے، ڈاکٹر جتیندر سنگھ نے بھارت کے صحت کی دیکھ بھال کی جدت میں عالمی رہنما کے طور پر پوزیشن کے بارے میں امید ظاہر کی۔ انہوں نے صحت کے شعبے میں پریسیژن میڈیسن، بایوٹیکنالوجی کی تحقیق، اور ڈیٹا پر مبنی فیصلہ سازی کی ترقی کو بھارت کے سائنس کے ذریعے فلاح کے لیے کیے گئے اقدامات کی مثالیں قرار دیا۔ "سائنس اور ٹیکنالوجی، انسانی ہمدردی کے ساتھ مل کر، ایک مضبوط اور جامع صحت کے نظام کی تعمیر کے لیے کلیدی حیثیت رکھتے ہیں،" انہوں نے زور دیا۔

آخر میں، ڈاکٹر جتیندر سنگھ نے وزارت سائنس اور ٹیکنالوجی کی صحت کی دیکھ بھال کی جدت کو فروغ دینے کے لیے اپنی پختہ عزم کا اعادہ کیا۔ ایوارڈ تقریب نے سائنس، ٹیکنالوجی اور ہسپتال انتظامیہ کے درمیان لازم و ملزوم ہم آہنگی کو اجاگر کیا، جو حکومت کے مضبوط، جامع اور مستقبل کے لیے تیار صحت کے نظام کے وژن کو تقویت دیتی ہے۔ مسلسل جدت اور تعاون کے ذریعے، بھارت کو صحت کی دیکھ بھال کی فراہمی میں نئے سنگ میل تک پہنچنے کے لیے تیار کیا جا رہا ہے۔

***********

(ش ح۔اس ک۔ق ر)

U:4371