عالمی سطح پر کوئلے کے پانچویں سب سے بڑے ذخائر رکھنے کے باوجود، ہندوستان کوکوئلے کی کچھ اقسام، خاص طور پر رسوئی کوئلے اور ہائی گریڈ تھرمل کول کی نمایاں کمی کا سامنا ہوتا ہے، جو گھریلو ذرائع سے مناسب مقدار میں دستیاب نہیں ہوتے ہیں۔ سپلائی کے اس خلاء سےاہم صنعتوں بشمول اسپات کی پیداوار کو برقرار رکھنے اور توانائی کی بڑھتی ہوئی طلب کو پورا کرنے کے لیے کوئلے کی درآمدات کی ضرورت پڑتی ہے۔

مالی سال 2024-25 کے اپریل تا اکتوبر کے دوران کوئلے کی درآمدات میں 3.1 فیصد کی نمایاں کمی واقع ہوئی، جو گزشتہ سال کی اسی مدت میں درج ہونے والی 154.17 ملین ٹن کی کمی کے مقابلے میں 149.39 ملین ٹن (ایم ٹی) تک پہنچ گئی ہے۔ مزید برآں، گزشتہ سال کی اسی مدت کے مقابلے میں اپریل-اکتوبر 24 کے دوران غیر منظم سیکٹر (بجلی کے علاوہ) میں 8.8 فیصد کی زیادہ نمایاں کمی درج کی گئی ہے۔

اگرچہ اپریل 2024 سے اکتوبر 2024 تک گزشتہ سال کی اسی مدت کے مقابلے کوئلے پر مبنی بجلی کی پیداوار میں 3.87 فیصد کا نمایاں اضافہ ہوا ہے، تاہم اسی عرصے کے دوران تھرمل پاور پلانٹس کے ذریعے  مرکب مقاصد کے لیے کی جانے والی درآمدات میں 19.5 فیصد کی نمایاں کمی واقع ہوئی۔ یہ تخفیف  کوئلے کی پیداوار میں خود کفیل ہونے اور درآمدات پر انحصار کو کم کرنے کے لیے ہندوستان کی ثابت قدمی کے عزم کی نشاندہی کرتی ہے۔ پاور سیکٹر کے لیے کوئلے کی درآمد میں اضافہ درآمدی کوئلے پر مبنی پاور پلانٹس (جوصرف درآمدی کوئلے کو استعمال کرنے کے لیے ڈیزائن کیا گیا ہے) کے ذریعے کوئلے کی درآمد سے  منسلک ہے،جو کہ 30.04 میٹرک ٹن ہے، جوگزشتہ سال کی اسی مدت کے دوران 21.71 میٹرک ٹن  کے مقابلے میں بڑھ کر 38.4 فیصد تک پہنچ گئی۔

مزید برآں، اپریل تا اکتوبر 2024 کی مدت کے دوران کوئلے کی پیداوار میں قابل لحاظ اضافہ ہوا، جو مالی سال 2023-24 کی اسی مدت میں 506.93  میٹرک ٹن کے مقابلے 537.57 میٹرک ٹن تک پہنچ گئی ہے، جس میں 6.04 فیصد کااضافہ درج ہوا ہے۔ یہ اضافہ  کا رجحان کوئلے کے استعمال کو ہموار کرنے اور گھریلو پیداوار کو بڑھانے کے لیے حکومت کی جاری کوششوں کی عکاسی کرتا ہے۔

کوئلہ کی وزارت کوئلے کی پیداوار کو بڑھانے اور دستیابی کو بہتر بنانے کے مقصد سے اسٹریٹجک اقدامات کوعملی جامہ پہنانا جاری رکھی ہوئی ہے۔ یہ کوششیں نہ صرف غیر ملکی زرمبادلہ کےذخائر کے تحفظ پر مرکوز ہیں بلکہ ملک کی توانائی کے تحفظ کو بہتر کرنے پر بھی مرکوز ہیں۔ گھریلو کوئلے کی پیداوار کو بڑھانے کے لیے حکومت کی طرف سے کئے جانے والے فعال اقدامات سےبالآخر درآمدات پر انحصار کم ہوگا اور ہندوستان کے توانائی کے منظر نامے کی مجموعی پائیداری میں اہم کردار ادا ہوگا۔

 

********

ش ح۔ م ش ع ۔ف ر

 (U: 4280)

(Release ID: 2086074) Visitor Counter : 8