زراعت اور کسانوں کی بہبود کے وزیر مملکت جناب رام ناتھ ٹھاکر نے آج لوک سبھا میں ایک تحریری جواب میں کہا  کہ زراعت ریاست کا موضوع ہونے کی وجہ سے ریاستی حکومتیں ریاست میں زراعت کی ترقی کے لیے مناسب اقدامات کرتی ہیں، جبکہ حکومت ہند مناسب پالیسی اقدامات، بجٹ مختص اور مختلف اسکیموں/ پروگراموں کے ذریعے ریاستوں کی کوششوں کی حمایت کرتی ہے۔ حکومت ہند کی مختلف اسکیمیں / پروگرام کسانوں کی فلاح و بہبود کے لیے ہیں جن کا مقصد پیداوار میں اضافہ، منافع بخش منافع اور کسانوں کو آمدنی میں مدد فراہم کرنا ہے۔ کسانوں کی آمدنی بڑھانے کی حکمت عملیوں میں فصل کی پیداواری صلاحیت کو بہتر بنانا، پیداواری لاگت کو کم کرنا، زرعی تنوع، پائیدار زراعت کے لیے موسمیاتی تبدیلیوں کے ساتھ موافقت اور کسانوں کے نقصانات کا ازالہ شامل ہیں۔

مختلف اصلاحات اور پالیسیاں کاشتکاروں کی زیادہ آمدنی پر توجہ مرکوز کرتے ہوئے ان پٹ کے استعمال کو جدید اور معقول بنا کر، لاگت میں کمی، پیداوار میں اضافہ، منافع بخش منافع، آمدنی میں مدد، بڑھاپےمیں  حفاظت وغیرہ۔ حکومت نے محکمہ زراعت اور کسانوں کی بہبود (ڈی اے اینڈ ایف ڈبلیو) کے بجٹ کی مختص رقم کو 14-2013 کے دوران 21933.50 کروڑ روپے سے بڑھا کر 25-2024 میں 122528.77 کروڑ روپے  کر دیا ہے۔ محکمہ زراعت اور کسانوں کی بہبود کے زیر انتظام مختلف پروگراموں/ اسکیموں کی فہرست درج  ذیل ہے۔

ڈی اے اینڈ ایف ڈبلیو  کے ذریعے شروع کی گئی بڑی اسکیمیں/پروگرام

1. پردھان منتری کسان سمان ندھی (پی ایم-کسان)
2. پردھان منتری کسان مان دھن یوجنا (پی ایم-کے ایم وائی)
3. پردھان منتری فصل بیمہ یوجنا (پی ایم ایف بی وائی) / دوبارہ منظم موسم پر مبنی فصل بیمہ اسکیم (آر ڈبلیو بی سی آئی ایس)
4. ترمیم شدہ سود کی امدادی اسکیم (ایم آئی ایس ایس)
5. ایگریکلچر انفرااسٹرکچر فنڈ (اے آئی ایف)
6. 10,000 فارمرز پروڈیوسرز آرگنائزیشنز (ایف پی اوز) کی تشکیل اور فروغ
7. پردھان منتری انّ داتا آئے سنرکشن ابھیان (پی ایم- آشا)
8. ایگری فنڈ برائے اسٹارٹ اپس اینڈ رورل انٹرپرائزز (ایگری شیور)
9. فی ڈراپ مور کراپ (پی ڈی ایم سی)
10. زرعی توسیع پر ذیلی مشن (ایس ایم اے ای)
11. زرعی میکانائزیشن پر ذیلی مشن (ایس ایم اے ایم)
12. بیج اور پودے لگانے کے مواد پر ذیلی مشن (ایس ایم ایس پی)
13. پرمپراگت کرشی وکاس یوجنا (پی کے وی وائی)
14. نیشنل فوڈ سیکورٹی اینڈ نیوٹریشن مشن (این ایف ایس این ایم)
15. ڈیجیٹل زراعت مشن
16. انٹیگریٹڈ اسکیم فار ایگریکلچر مارکیٹنگ (آئی ایس اے ایم) - ناٹینل ایگریکلچر مارکیٹ (آئی ایس اے ایم-ای نیم)
17. انٹیگریٹڈ اسکیم فار ایگریکلچر مارکیٹنگ (آئی ایس اے ایم-دیگر) (آئی ایس اے ایم-دیگر)
18. باغبانی کی مربوط ترقی کے لیے مشن (ایم آئی ڈی ایچ)
19. سوائل ہیلتھ کارڈ (ایس ایچ سی)
20. رین فیڈ ایریا ڈیولپمنٹ (آر اے ڈی)
21. خوردنی تیل پر قومی مشن (ایم ایم ای او)-آئل پام
22. خوردنی تیل پر قومی مشن (این ایم ای او)-تیل بیج
23. شہد کی مکھیوں کی حفاظت اور شہد کا مشن (این بی ایچ ایم)
24. شمال مشرقی خطے کے لیے مشن آرگینک ویلیو چین ڈیولپمنٹ
25. ایگرو فار یسٹری
26. فصلوں کی تنوع کا پروگرام (سی ڈی پی)
27. نیشنل بمبو مشن

انڈین کونسل آن ایگریکلچرل ریسرچ (آئی سی اے آر) نے 75,000 کسانوں کی کامیابی کی روداد  کا ایک مجموعہ جاری کیا ہے جنہوں نے زراعت اور کسانوں کی بہبود کی وزارت اور اس سے منسلک وزارتوں/محکموں کی طرف سے چلائی جا رہی اسکیموں کو ملا کر اپنی آمدنی میں دو گنا سے زیادہ اضافہ کیا ہے۔

موجودہ بنیادی ڈھانچے کے خلا کو دور کرنے اور زراعت کے بنیادی ڈھانچے میں سرمایہ کاری کو متحرک کرنے کے لیے، زراعت کے بنیادی ڈھانچے کو تبدیل کرنے کے لیے ایگریکلچر انفراسٹرکچر فنڈ (اے آئی ایف) شروع کیا گیا۔اے آئی ایف ایک درمیانی مدتی قرض کی مالی اعانت کی سہولت ہے جو کہ سود میں اعانت  اور کریڈٹ گارنٹی سپورٹ کے ذریعے فصل کے بعد کے انتظام کے بنیادی ڈھانچے اور قابل عمل کاشتکاری کے اثاثوں کے قابل عمل منصوبوں میں سرمایہ کاری کے لیے مختص ہے۔ مرکزی کابینہ نے 28 اگست 2024 کو  اہل پروجیکٹوں کے دائرہ کار کو بڑھاتے ہوئے اے آئی ایف کی ترقی پسند توسیع کو منظوری دی۔ اس میں انفرادی طور پر اہل استفادہ کنندگان کو بنیادی ڈھانچے کی تخلیق کی اجازت دینا شامل ہے جس کا احاطہ 'کمیونٹی کاشتکاری کے اثاثوں کی تعمیر کے قابل عمل پروجیکٹس'، مربوط پروسیسنگ پروجیکٹس اور پی ایم کسم 'اے' کے کنورژنس کے تحت کیا گیا ہے۔ اے آئی ایف  کے تحت منظور شدہ کلیدی پروجیکٹوں میں 18,606 کسٹم ہائرنگ سینٹرز، 16,276 پرائمری پروسیسنگ یونٹس، 13,724 گودام، 3,102 چھنٹائی اور گریڈنگ یونٹس، 1,909 کولڈا سٹوریج پروجیکٹس اور تقریباً 21,394 دیگر قسم کے پوسٹ ہارویسٹس کمیونٹی مینجمنٹ پروجیکٹس  شامل ہیں۔

************

 

U.No:4193

ش ح۔ع و۔ع ر

(Release ID: 2085526) Visitor Counter : 5