وزیر دفاع جناب راج ناتھ سنگھ کی صدارت میں وزارت دفاع کی مشاورتی کمیٹی کا اجلاس 17 دسمبر 2024 کو نئی دہلی میں ہوا ۔ میٹنگ کے دوران سابق آرڈیننس فیکٹری بورڈ کی کارپوریٹ کاری کے بعد بنائے گئے نئے ڈی پی ایس یو کے رولز اور  کام کاج پر غور کیا گیا ۔ کمیٹی کے اراکین کو مالیاتی اعداد و شمار ، جدید کاری ، سرمائے کے اخراجات ، برآمدات ، تیار کردہ نئی مصنوعات اور جاری تحقیق و ترقی کے منصوبوں سے آگاہ کیا گیا ۔

وزیر دفاع نے اہم مصنوعات کو  ملک میں ہی تیار کرنے ، پیداواری سہولیات کو جدید بنانے اور ایم ایس ایم ای کو فروغ دینے میں نئے ڈی پی ایس یو کی کوششوں کو سراہا ۔ انہوں نے اس حقیقت کی تعریف کی کہ کارپوریٹ کاری کے بعد ، نئے ڈی پی ایس یوز نے پیداواریت اور معیار میں بہتری دکھائی ہے ۔ انہوں نے مزید کہا کہ بہت ہی کم وقت میں ان ڈی پی ایس یو کے فروخت اور منافع میں اچھی پیش رفت ہوئی ہے ۔

جناب راج ناتھ سنگھ نے اس اعتماد کا اظہار کیا کہ نئے ڈی پی ایس یو جدید کاری اور مقامی کاری کو آگے بڑھائیں گے ، اور عالمی معیار کی ٹیکنالوجیز کو شامل کرکے معیار ، کاروبار ، منافع بخش اور دیگر مالیاتی پیمانوں میں نئی جہتیں قائم کریں گے ۔ انہوں نے کہا کہ ہمارے نئے ڈی پی ایس یو دفاعی پیداوار کے شعبے میں ہندوستان کو‘‘آتم نربھر’’بنائیں گے ۔

نئے ڈی پی ایس یوز کے اندر ایچ آر سے متعلق کچھ مسائل پر کمیٹی کے کچھ اراکین کے خدشات اور تجاویز پر  رکشا منتری نے انہیں یقین دلایا کہ ڈی پی ایس یوز کی کارپوریٹ کاری سے پیدا ہونے والے تمام مسائل کو تمام  متعلقہ فریقین کے ساتھ مشاورت سے مناسب طریقے سے حل کیا جا رہا ہے ۔ انہوں نے تجاویز کو سراہا اور کہا کہ ان پر عمل درآمد کے لیے جانچ کی جائے گی ۔

وزیر مملکت برائے دفاع جناب سنجے سیٹھ ، چیف آف ڈیفنس اسٹاف جنرل انیل چوہان ، سکریٹری (دفاعی پیداوار) جناب سنجیو کمار اور وزارت دفاع کے دیگر سینئر افسران میٹنگ میں موجود تھے ۔

*****

ش ح۔ ش ب ۔ ش ب ن 

U-No. 4194