ন্যু অমসুং রিন্যুএবল মন্ত্রালয়
ভারতনা মালেমগী রিন্যুএবল ইনর্জীগী কেপিতেল ওইরগনি: কেন্দ্রগী মন্ত্রী প্রলহাদ জোশি
কেন্দ্রগী মন্ত্রী জোশিনা নই দিল্লীদা পাংথোকপা 5শুবা CII ইন্তর্নেস্নেল ইনর্জী কনফরেন্স এন্দ একজিবিসনদা ৱা ঙাংখ্রে
Posted On:
17 DEC 2024 1:20PM by PIB Imphal
রিন্যুএবল ইনর্জীদা ভারতনা চাউনা চাউখৎলকপগী মতাংদা পল্লদুনা, কেন্দ্রগী ন্যু অমসুং রিন্যুএবল ইনর্জীগী মন্ত্রী, শ্রী প্রলহাদ জোশীনা হায়খি মদুদি ভারতনা ইনর্জীগী অহোংবা অমা উবা ফংবতা নত্তনা মালেমগী রিন্যুএবল ইনর্জীগী কেপিতেল ওইরক্লি। মন্ত্রীনা ন্যু দিল্লীদা 5শুবা CII ইন্তর্নেস্নেল ইনর্জী কনফরেন্স এন্দ একজিবিসন (IECE)দা ৱা ঙাংখি। প্রধান মন্ত্রী শ্রী নরেন্দ্র মোদীগী লুচিং মখাদা ভারত অসি হৌজিক ক্লিন ইনর্জীগী লমদা মালেমগী খ্বাইদগী থোইদোক হেন্দোকপা লৈবাকশিংগী মনুংদা অমনি হায়না শ্রী জোশীনা হায়খি।
ভারতনা রিন্যুএবল ইনর্জীদা তৌরিবা অসি মালেম্না কুপ্না য়েংবতা নত্তনা লৈবাক কয়ানা এদোপ্ত তৌরি। মহাক্না ইন্তর্নেস্নেল সোলর এলাইন্সকী থৌদাং অসি লৈবাক 120না খুৎয়েক পীনরিবা ভারতকী ইনিসিএতিবকী মখাদা মালেমগী থাক্তা পুন্না থবক তৌমিন্নবগী ফোর্মেল সেতঅপ অমা ওইনা শন্দোক্না তাকখি।
কেন্দ্রগী মন্ত্রী শ্রী প্রলহাদ জোশীনা হায়খি, “চৎলিবা শেনবা চহি অসিগী এপ্রিল অমসুং নবেম্বরগী মরক্তা, ভারতনা রিন্যুএবল ইনর্জী কেপাসিতীগা লোয়ননা চাউরাক্না 15 GWগী ময়াদা হাপখি, মমাং চহিগী চপ মান্নবা মতম অসিদা হাপখিবা 7.54 GWগী শরুক অনি ওইখ্রে”। মহাক্না মখা তানা ফোংদোকখি মদুদি নন-ফোসিল ফ্যুএল ইনর্জী সেক্তরদা ভারতকী অপুনবা ইনস্তোল তৌরবা কেপাসিতী অসি 214 GW য়ৌখ্রে। মসিনা মমাং চহিগী চপ মান্নবা মতমগা চাংদম্নবদা 14% হেনগৎলক্লি। মসিগী মথক্তা মহাক্না পনখি মদুদি নবেম্বর ২০২৪ খক্তদা ২.৩ গিগাৱাৎকী অনৌবা কেপাসিতী হাপচিল্লে, মসিনা নবেম্বর 2023দা হাপচিল্লকখিবা 566 MWদগী শরুক মরি হেনগৎলকপনি।
2030 ফাওবগী মনুংদা নোন-ফোসিল ফ্যুএল-বেজ কেপাসিতিগী 500GW ফংহন্নবা কেন্দ্র সরকারগী অচেৎপা ফিরেপ অদু কেন্দ্র মন্ত্রী জোশীনা অমুক হন্না ফোংদোকখি। মালেমগী ওইনা খ্বাইদগী চাউবা কোইলাগী রিসোর্স অমা লৈজরবসু, ভারতনা মালেমগী চাংচৎকী শরুক অহুম থোকপগী অমা ওইরিবা, পর কেপিতা ইমিসন খ্বাইদগী নেম্না লৈরি। 2015দা পেরিস ক্লাইমেৎ চেঞ্জ সম্মিৎতা য়ানখিবা সস্তেনেবল দিবেলপমেন্ত গোলশিং অদু মতমগী মতুং ইন্না মপুং ফাহন্নবগীদমক ভারত অসি G20গী লৈবাকশিংদগী অমত্তা ঙাইরবা লৈবাকনি হায়না মন্ত্রীনা ফোংদোকখি। ভারতকী ইনর্জী সেক্তরদা হৌজিক ওইরক্লিবা অহোংবা অসি 2047 ফাওবদা বিক্সিত ভারত অমা ওইহনবা অসি তুংকোইনা চৎনগদবা অমসুং গ্রীন গ্রোথকা মরী লৈনৈ হায়বা মপাঙ্গল কনবা থাজবদগী লাকপনি হায়না মন্ত্রীনা হায়খি।
ভারতকী RE সেক্তরদা চাউখৎপা পুরক্নবা কেন্দ্র সরকারনা লৌখৎলিবা মরুওইবা খোংথাং কয়া অমসু মন্ত্রীনা পনখি। খুদম ওইনা, সোলর পেনেলশিং অমসুং মোদ্যুলশিংগী দোমেস্তিক মেন্যুফেকচরিং হেনগৎহন্নবা পান্দম থমদুনা লুপা করোর 24,000গী শেনফমগা লোয়ননা প্রদক্সন-লিঙ্ক ইন্সেন্তিব (PLI) হৌদোকখি। 2025-26 ফাওবদা 38 GWগী অপুনবা কেপাসিতীগা লোয়ননা সোলর পার্ক 50 লিংখৎনবা পায়খৎলিবা খোঙথাং অদুসু মন্ত্রীনা পনখি।
মসিগী মথক্তা, চহি 2029-30 ফাওবদা রিন্যুএবল পর্চেস ওব্লিগেসন (RPO) গী ত্রেজেক্তরী অমা দিক্লারেসন তৌনবগী প্রোভিজনশিং শেমখ্রে। শ্রী জোশীনা হায়খি মদুদি পি.এম. সুর্য় গার মুফ্ত বিজলী য়োজনা অসি 2026-27 ফাওবদা ইনস্তোলেসন করোর 1 তৌনবা পান্দম থম্লি, মসিদা লুপা করোর 75,021গী শেনফম থাদগনি।
কেন্দ্রগী মন্ত্রী জোশীনা হায়খি মদুদি ন্যু অমসুং রিন্যুএবল ইনর্জী মন্ত্রালয়না RE সেক্তরদা পুক্নিং থৌগৎনবা সেপ্তেম্বর 2024দা REইনভেস্ত অমসুং নবেম্বর 2024দা চিন্তন শিভির পাংথোকখ্রে। মন্ত্রী জোশীনা হায়খি মদুদি RE সেক্তরদা লৈরিবা বোতল নেকশিং অসিগী সোলুসন পুথোক্নবা বেঙ্কশিং, ইন্দস্ত্রী অমসুং রাজ্য সরকারগী ওফিসিএলশিংগী মীহুৎশিংগা লোয়ননা জনুৱারীদা মুম্বাইদা মীফম অমা পাংথোক্নবা থৌরাং তৌরি। মহাক্না মালেমগী লুচিংবশিং অমসুং ইন্দস্ত্রীগী স্তেকহোল্দরশিংবু ভারতকা লোয়ননা গ্রীন অমসুং সস্তেনেবল ওইবা তুংলমচৎ অমগী মায়কৈদা চৎপা খোঙচৎ অসিদা শরুক য়ানবা কৌখি।
থৌরম অদুদা কেন্দ্রগী মন্ত্রী প্রলহাদ জোশীনা CII-EY ইনর্জী ত্রাঞ্জিসন ইনভেস্তমেন্ত মোনিতর রিপোর্তসু লোঞ্চ তৌখি। "ইনর্জী ত্রান্সফোর্মেসনগী মতাংদা গ্লোবেল দাইলোগ" হায়বা থিমদা পাংথোকপা কনফরেন্স অসিদা ইন্দস্ত্রীগী লুচিংবশিং, পোলিসী মেকরশিং অমসুং এক্সপর্তশিংগী শক্নাইরবা মীওইশিংনা শরুক য়াখি।
*****
(Release ID: 2085190)
Visitor Counter : 60