نشنل  ہوامن رائٹس کمیشن (این ایچ آر سی) انڈیا نے پوسٹ گریجویٹ سطح کے طلباء کے لئے 4 ہفتوں کی انفر ادی  سرمائی انٹرنشپ-2024 کا آغاز کیا۔ جس میں ملک کی مختلف یونیورسٹیوں اور کالجوں سے مختلف تعلیمی شعبوں کے 80 طلباء حصہ لے رہے ہیں۔ انھیں ایک ہزار سے زائد درخواست دہندگان میں سے منتخب کیا گیا تھا۔

انٹرن شپ کا افتتاح کرتے ہوئے، محترمہ وجیا بھارتی سیانی، قائم مقام چیئرپرسن،این ایچ آر سی، انڈیا نے تربیت حاصل کرنے والوں پر زور دیا کہ وہ ہندوستان میں انسانی حقوق کے مستقبل کی تشکیل میں اپنے کردار پر غور کریں۔ انہوں نے ایک ایسے معاشرے کی تعمیر میں اپنا فعال کردار ادا کرنے حوصلہ افزائی کی جس میں سب کو حقوق اور مواقع تک یکساں رسائی حاصل ہو اور کوئی بھی پیچھے نہ رہے۔ عالمی لیڈر بننے کے ہندوستان کے راستے پر روشنی ڈالتے ہوئے، انہوں نے اس بات پر زور دیا کہ یہ سفر صرف اقتصادی ترقی کے بارے میں نہیں ہے، بلکہ انصاف، شمولیت اور ہمدردی کے اصولوں کو برقرار رکھنے کے بارے میں بھی ہے۔

اپنے خطاب میں ، این ایچ آر سی ، انڈیا کے سکریٹری جنرل ، جناب بھرت لال نے انٹرنز کو اس باوقار انٹرن شپ پروگرام کے لیے ان کے انتخاب پر مبارکباد دی اور ان کی حوصلہ افزائی کی اورکہا کہ وہ اس موقع کو زیادہ سے زیادہ سیکھنے اور سماجی مسائل کے تئیں حساسیت پیدا کرنے اور ہمدردی کے ساتھ ان کا جواب دینے کے لیے استعمال کریں ۔ انہوں نے تربیت حاصل کرنے والوں پر زور دیا کہ وہ ہندوستان کے آئین میں درج مساوات ، انصاف ، آزادی اور بھائی چارے کی بنیادی اقدار کو اپنائیں اور معاشرے میں ہر فرد کے انسانی حقوق کو برقرار رکھنے میں فعال کردار ادا کریں  ۔

این ایچ آر سی کے جوائنٹ سکریٹری جناب دیویندر کے نیم نے سرمائی انٹرن شپ پروگرام کا جائزہ پیش کرتے ہوئے کمیشن کے کام کاج اور انسانی حقوق کے فروغ اور تحفظ کے لیے مختلف سرگرمیوں پر روشنی ڈالی ۔ انہوں نے اس بات پر زور دیا کہ انٹرایکٹو سیشن اور مختلف دیگر سرگرمیاں بشمول گروپ ریسرچ پروجیکٹس ، کتابی جائزے وغیرہ  کا مقصد انٹرن شپ کے دوران تربیت حاصل کرنے والوںکو انسانی حقوق اور متعلقہ چیلنجز کی جامع تفہیم فراہم کرنا ہے تاکہ ان کا حل تلاش کیاجا سکے، اور مقصد کے لیے گہری وابستگی کو فروغ دیا جا سکے ۔

انٹرن شپ کے دوران ، طلباء کو نہ صرف موضوع کے ماہرین کے ذریعہ انسانی حقوق کے مختلف پہلوؤں سے آگاہ کیا جائے گا بلکہ مختلف اداروں کے کام کاج اور زمینی حقائق کو سمجھنے کے ساتھ ساتھ معاشرے کے مختلف طبقات کے انسانی حقوق کے تحفظ کے تقاضوں کے لیے فیلڈ وزٹ کے لیے بھی لے جایا جائے گا ۔ انٹرن شپ مکمل کرنے والے انٹرنز کو Rs.12,000/- کا وظیفہ بھی دیا جائے گا ۔ ڈائریکٹر لیفٹیننٹ کرنل وریندر سنگھ نے شکریہ ادا کیا ۔

*********

ش ح۔ش آ۔ ع ر۔

U NO:4134

(Release ID: 2085157) Visitor Counter : 30