مرکزی وزیر تعلیم جناب دھرمیندر پردھان نے ایک نئے این سی ای آر ٹی آڈیٹوریم کے لیے بھومی پوجن انجام دیا، جس میں تقریباً 900 افراد بیٹھ سکتے ہیں۔ انہوں نے این سی ای آر ٹی اور ای کامرس مارکیٹ پلیس، فلپ کارٹ کے درمیان مفاہمت کی یادداشت (ایم او یو) پر دستخط کی بھی صدارت کی تاکہ پورے ملک میں، خاص طور پر ٹائر 2 اور ٹائر 3 شہروں میں این سی ای آر ٹی کی اشاعتوں کی سستی اور بغیر کسی رکاوٹ کے دستیابی کو یقینی بنایا جا سکے۔ وزیر نے گوگل لرننگ سنٹر کا بھی افتتاح کیا، جو اے آئی سمیت ڈیجیٹل ٹولز پر اساتذہ اور معلمین کی صلاحیت سازی میں سہولت فراہم کرے گا۔ یہ جدید ترین لیب 40 افراد کے لیے بنائی گئی ہے جس میں کمپیوٹر اور نیٹ ورکنگ کی مناسب سہولیات موجود ہیں۔ اس کے ساتھ ساتھ پی ایم ای ودیہ ڈی ٹی ایچ ٹی وی چینلز کے ایک ساتھ نشریے کے لیے 200 یوٹیوب چینلز بنائے گئے ہیں۔ وزیر موصوف نے نشٹھامربوط ٹیچر ٹریننگ ماڈیول، نشٹھا – ای ٹی ، کوشل اور ایجو-لیڈر بھی جاری کیا۔

جناب دھرمیندر پردھان نے سامعین سے خطاب کرتے ہوئے کہا کہ این سی ای آر ٹی اور فلپ کارٹ کے درمیان مفاہمت نامے پر دستخط سے این سی ای آر ٹی کی نصابی کتب کی دستیابی میں اضافہ ہو گا، جس سے وہ ملک کے طول و عرض میں سیکھنے والوں کی دہلیز پر پہنچیں گی۔ انہوں نے مزید زور دیا کہ نشٹھا اساتذہ کے تربیتی ماڈیولز اور گوگل کے تجرباتی سیکھنے کے مرکز جیسے اقدامات سے اساتذہ کی صلاحیتوں کو تقویت ملے گی اور اساتذہ اور طلباء دونوں کو بااختیار بنایا جائے گا۔

جناب پردھان نے اس بات پر روشنی ڈالی کہ این سی ای آر ٹی بھارت کا فخر ہے اور ملک کے تعلیمی نظام کا سنگ بنیاد ہے۔ انہوں نے اسے صرف ایک ادارہ نہیں بلکہ ملک کے لیے ایک اجتماعی علمی ذخیرہ قرار دیا۔ وزیر نے یہ بھی نوٹ کیا کہ جیسے ہی این سی ای آر ٹی ایک تحقیقی یونیورسٹی میں تبدیل ہو رہا ہے، اسے ایک ہی چھت کے نیچے مواد کی نشوونما، نصاب کے ڈیزائن، تدریسی نقطہ نظر، اختراعی تعلیمی طریقوں، اساتذہ کی صلاحیت کی تعمیر، اور ٹکنالوجی کو یکجا کرنے کی خواہش کرنی چاہیے۔

این سی ای آر ٹی پر اپنے اعتماد کا اظہار کرتے ہوئے، شری پردھان نے ادارے کی حوصلہ افزائی کی کہ وہ ملک بھر سے اختراعی اور بہترین تعلیمی طریقوں کو اپنانے اور ان کو ملائے تاکہ مقامی طور پر چلنے والے مواد سے بھرپور نصابی کتب تیار کی جاسکیں۔ انہوں نے این سی ای آر ٹی کی ذمہ داری پر زور دیا کہ وہ بھارت کی نئی نسل اور دیگر ابھرتی ہوئی معیشتوں کو 21ویں صدی کی تعلیم اور سیکھنے کے لیے تیار کرے۔

تعلیم تک رسائی کو جمہوری شکل دینے اور ملک بھر میں جامع سیکھنے کے مواقع کو فروغ دینے کے حکومت ہند کے مشن کی تکمیل کے مقصد سے، یہ تعاون فلپ کارٹ کے آن لائن بازار کے ذریعے این سی ای آر ٹی کی اشاعتوں کی فروخت اور تقسیم میں سہولت فراہم کرے گا، جس سے این سی ای آر ٹی کے نامزد کردہ مجاز فروخت کنندگان کے ذریعے زیادہ سے زیادہ رسائی کو یقینی بنایا جائے گا۔ فلپ کارٹ شہری اور دیہی ہندوستان میں طلباء اور والدین کے لیے این سی ای آر ٹی کی اشاعتوں کو قابل رسائی بنا کر اس کے وسیع تر احاطے ، اور اپنے پلیٹ فارم کے ذریعے آخری میل کے رابطے کو یقینی بنائے گا ۔ مزید برآں، فلپ کارٹ اور این سی ای آر ٹی مستند، اعلیٰ معیار کے مواد کی دستیابی کی ضمانت دینے کے لیے مل کر کام کریں گے۔

جناب رجنیش کمار نے اپنے خطاب میں کہا کہ کمپنی کی تکنیکی مہارت اور وسیع رسائی کا فائدہ اٹھاتے ہوئے، اس کا مقصد ایک بااختیار اور تعلیم یافتہ نوجوانوں کے لیے ملک کے وژن کی حمایت کرتے ہوئے، سستی تعلیمی مواد تک رسائی کے فرق کو پر کرنا ہوگا۔

جناب سنجے جین نے اپنی تقریر میں ذکر کیا کہ گوگل سنٹر کا مقصد این ای پی 2020کے ڈیجیٹل تقسیم کو ختم کرنے، ملک بھر میں اساتذہ اور طلباء کو مساوی رسائی فراہم کرنے اور اے آئی اور ایم ایل جیسی ابھرتی ہوئی ڈیجیٹل مہارتوں میں تربیت فراہم کرنے کے وژن کی حمایت کرنا ہے۔

اسکولی تعلیم اور خواندگی کے محکمے ، وزارت تعلیم کی جوائنٹ سکریٹری محترمہ پراچی پانڈے؛ این سی ای آر ٹی کے ڈائرکٹر ، پروفیسر دنیش پرساد سکلانی؛ چیف کارپوریٹ افیئرس آفیسر، فلپ کارٹ گروپ، جناب رجنیش کمار؛ گوگل برائے تعلیم ،انڈیا کے سربراہ جناب سنجے جین؛ این سی ای آر ٹی کے سکریٹری جناب امن شرما اور وزارت، تعلیمی شعبے  کے دیگر افسران اور اداروں کے سربراہان نے بھی اس تقریب میں شرکت کی۔

**********

 (ش ح –ا ب ن)

U.No:4114