ভারত সরকারনা দিপার্তমেন্ত ফোর প্রমোসন ওফ ইন্দস্ত্রী এন্দ ইন্তর্নেল ত্রেদ (DPIIT) অমসুং অতৈ কেন্দ্রগী মন্ত্রালয়শিং/বিভাগশিংগী খুত্থাংদা মতিক চাবা পোলিসীগী থৌরাংশিংগী খুত্থাংদা লৈবাক অসিগী অপুনবা ইন্দস্ত্রীএল দিবেলপমেন্তগীদমক চুনবা ইকো-সিস্তেম পীরি। তোঙান-তোঙানবা মন্ত্রালয়শিং অমসুং বিভাগশিংগী হৌজিক চত্থরিবা স্কিমশিংগী মথক্তা ভারত সরকারনা রাজ্য/UTশিংদা অনৌবা ইন্দস্ত্রীশিং লিংখৎপবু থৌগৎনবা অমসুং মতেং পাংনবা থৌরাং কয়ামরুম পায়খৎপা হৌখ্রে মখোয় অদুদি মেক ইন ইন্দিয়া, স্তার্তঅপ ইন্দিয়া, পি.এম. গতি শক্তি, নেস্নেল ইনফ্রাস্ত্রকচর পাইপলাইন (NIP), নেস্নেল ইন্দস্ত্রীএল কোরিদোর প্রোগ্রাম, প্রদক্সন লিঙ্ক ইনসেন্তিব (PLI) স্কিম, ইজ ওফ দুইং বিজিনেস (EoDB) থৌগৎপা অমসুং কমপ্লায়েন্সকী পোৎলুম হন্থহনবা, নেস্নেল সিঙ্গল ৱিন্দো সিস্তেম (NSWS), ইন্দিয়া ইন্দস্ত্রীএল লেন্দ বেঙ্ক, প্রোজেক্ত মোনিতরিং গ্রুপ (PMG), ফোরেন দাইরেক্ত ইনভেস্তমেন্ত (FDI) পোলিসী লিবরেলাইজ তৌবা, ইন্দিয়ন ফুতৱেয়র এন্দ লেদর দিবেলপমেন্ত প্রোগ্রাম (IFLDP) স্কিম অসিনচিংবনি। ভারত সরকারগী মরী লৈনবা মন্ত্রালয়শিং/বিভাগ পুম্নমক্তা প্রোজেক্ত দিবেলপমেন্ত সেলশিং (PDCশিং)গী মওংদা ফাস্ত-ত্রেক্ত ইনভেস্তমেন্তশিংগী ইন্সতিত্যুস্নেল মেকানিজম অমা শেমখ্রে।

ভারত সরকারনা নেস্নেল ইন্দস্ত্রীএল কোরিদোর দিবেলপমেন্ত প্রোগ্রাম (NICDP)গী শরুক ওইনা তোঙান-তোঙানবা ইন্দস্ত্রীএল কোরিদোর প্রোজেক্তশিং পায়খৎলি মসিনা মালেমগী খ্বাইদগী ফবা মেন্যুফেকচরিং অমসুং ইনভেস্তমেন্ত দেস্তিনেসনশিংগা লম্বা তৌবা ঙমগদবা ভারত্তা গ্রীনফিল্দ ইন্দস্ত্রীএল এরিয়াশিং/রিজনশিং/নোদশিং দিবেলপ তৌনবা পান্দম থম্মি। NICDPগী মখাদা মহারাস্ত্রদা শেন্দ্রা-বিদকিন ইন্দস্ত্রীএল এরিয়া (SBIA) অমসুং দিঘি পোর্ত ইন্দস্ত্রীএল এরিয়া (DPIA) শেমগৎপগী থবক পায়খৎলি। প্রোজেক্ত অসিগী ৱারোল মখাদা পীরি:

1. শেন্দ্রা-বিদকিন ইন্দস্ত্রীএল এরিয়া (SBIA): দিল্লী মুম্বাই ইন্দস্ত্রীএল কোরিদোর (DMIC) গী শরুক অমা ওইনা একর 4,584 পাক চাউবা ফেজ-1 অসি ঔরঙ্গবাদকী শোত্থরবা জিলাদা শেমগৎখ্রে। মহারাস্ত্র ইন্দস্ত্রীএল তাউনশিপ লিমিতেদ (MITL) হায়না মমিং থোনবা SPV অসি ইনকোর্পোরেৎ তৌখ্রে। মরুওইবা ত্রঙ্ক ইনফ্রাস্ত্রকচরগী থবকশিং লোইশিনখ্রে। এঙ্কর ইনভেস্তর হায়বদি, খা কোরিয়াগী কম্পনী হিওসোং(HYOSUNG)দা একর 100গী এলোৎমেন্ত য়াওনা ইনভেস্তর/কম্পনী 294দা এলোৎ তৌখিবা একর 2,620 চাউবা লম দিবেলপ তৌখ্রে। প্রধান মন্ত্রীনা সেপ্তেম্বর 7, 2019দা শেন্দ্রা ইন্দস্ত্রীএল এরিয়া অমসুং সেপ্তেম্বর 29, 2024দা বিদকিন ইন্দস্ত্রীএল এরিয়া জাতিদা কত্থোকখ্রে।
2. দিঘি পোর্ত ইন্দস্ত্রীএল এরিয়া: ভারত সরকারনা মহারাস্ত্রগী রাইগাদ জিলাদা একর 6,056গী লম NICDITগী মখাদা শেমগৎনবা ওগস্ত, 2024দা লুপা করোর 5,468গী অপুনবা প্রোজেক্ত কোস্তকীদমক অয়াবা পীখ্রে। প্রোজেক্ত অসিনা থবক পীবগী (দাইরেক্ত অমসুং ইন্দাইরেক্ত) খুদোংচাবা লাখ অমা (চাউরাকপা) অমসুং চাউরাক্না লুপা করোর 12,000গী ইনভেস্তমেন্ত পোতেন্সিএল পুথোকপা ঙমগনি।

NICDPগী মখাদা, অমৃতসর কোলকতা ইন্দস্ত্রীএল কোরিদোর (AKIC) অসি EDFCগী (ইস্তর্ন দেদিকেতেদ ফ্রাইৎ কোরিদোর) মওংদা কন্সেপ্তেজ তৌখ্রে। রাজ্য সরকারনা প্রপোজ তৌখিবা IMC আগ্রা অমসুং IMC প্রয়াগরাজ অসি ভারত সরকারনা ওগস্ত 2024দা অয়াবা পীখ্রে।  AKICগী শরুক অমা ওইনা, শাহজাহানপুর অসি ইনফ্ল্যুন্স জোনগী মখাদা লৈরি অমসুং হৌজিক রাজ্য সরকারনা ইন্দস্ত্রীএল স্মার্ত সিতী অমত্তা প্রপোজ তৌদে।

হৌখিবা চহি অহুম অসিদা NICDITনা MITL (শেন্দ্রা বিদকিন ইন্দস্ত্রীএল এরিয়াদা SPV) দা শেনফম অমত্তা থাদোকখিদে। অদুম ওইনমক, NICDITনা MITLদা ইক্বিতী ওইনা থাদোরকপা অপুনবা শেনফম (দিসেম্বর 3, 2024 ফাওবা) অসি লুপা করোর 5,000নি মসি SBIA প্রোজেক্তকী ত্রঙ্ক ইনফ্রাস্ত্রকচর শেমগৎনবনি।

সরকারনা সেন্ত্রেল সেক্তর স্কিম "ইন্দিয়ন ফুতৱেয়র এন্দ লেদর দিবেলপমেন্ত প্রোগ্রাম (IFLDP) অসি 31.03.2026 ফাওবদা লুপা করোর 1700.00গী এল্লোকেসনগা লোয়ননা অয়াবসু পীখি। IFLDPগী মখাদা, মহারাস্ত্র রাজ্যদা মখাদা পীরিবশিংসিগী মতুং ইন্না তেংবাং পীরি: -

1. ইন্তিগ্রেতেদ দিবেলপমেন্ত ওফ লেদর সেক্তর (IDLS) সব-স্কিম: 2021-22দগী 2024-25 ফাওবগী মনুংদা মহারাস্ত্র রাজ্যদা য়ুনিৎ 01গী তেক্নোলোজী অপগ্রেদেসনগীদমক লুপা লাখ 5.75 পীখ্রে।
2. মেগা লেদর ফুতৱেয়র এন্দ এক্সেসরিজ ক্লাস্তর দিবেলপমেন্ত (MLFACD): DPIITনা মহারাস্ত্রগী রতৱাদ ভিলেজদা মেগা লেদর ফুতৱেয়র এন্দ এক্সেসরিজ ক্লাস্তর দিবেলপমেন্ত শেমগৎনবা অয়াবা পীখ্রে। প্রোজেক্তকী অপুনবা শেনফম লুপা করোর 256.42 ওইগনি অমসুং মসিদা ভারত সরকারনা লুপা করোর 125.00গী তেংবাং পীরগনি।

মসিগী মথক্তা, ভারত সরকারনা হিমাচল প্রদেশ, উত্তরাখন্দ, জম্মু অমসুং কাশ্মীরগী য়ুনিয়ন তেরিতোরী (UT) অমসুং লদাখকী য়ুনিয়ন তেরিতোরী (UT) গী ইন্দস্ত্রীএল দিবেলপমেন্তকীদমক মখাগী সেন্ত্রেল সেক্তর স্কিমশিং অসি অয়াবা পীখ্রে:

1. জম্মু অমসুং কাশ্মীরগী UT অমসুং লদাখকী UTগীদমক 15.06.2017দগী 31.03.2021 ফাওবা ইন্দস্ত্রীএল দিবেলপমেন্ত স্কিম (IDS), 2017 । হৌজিক ফাওবদা, স্কিম অসিগী মখাদা ইন্সেন্তিব ওইনা লুপা করোর 93.09 চাদিং তৌখ্রে।
2. হিমাচল প্রদেশ (HP) অমসুং উত্তরাখন্দ (UK) গীদমক এপ্রিল 1, 2017দগী মার্চ 31, 2022 ফাওবা ইন্দস্ত্রীএল দিবেলপমেন্ত স্কিম (IDS), 2017 । হৌজিক ফাওবদা, স্কিম অসিগী মখাদা ইন্সেন্তিব ওইনা লুপা করোর 642.63 থাদোকখ্রে।
3. জম্মু অমসুং কাশ্মীরগী ইন্দস্ত্রীএল দিবেলপমেন্তকীদমক 01.04.2021দগী 31.03.2037 ফাওবা ন্যু সেন্ত্রেল সেক্তর স্কিম (NCSS)। হৌজিক ফাওবদা, স্কিম অসিগী মখাদা ইন্সেন্তিব ওইনা লুপা করোর 299.10 পীখ্রে।

কম্মর্স অমসুং ইন্দস্ত্রী মন্ত্রালয়গী রাজ্য মন্ত্রী শ্রী জিতিন প্রসাদনা লোক সভাদা ঙসি অইবা পাউখুম অমদা ৱাফম অসি ফোঙদোকখ্রে।

****