মেঘালয়দা লৈরিবা ইন্দো-বঙ্গলাদেশ ঙমখৈগী অপুন্বা অশাংবা কিমি ৪৪৩ নি, মসিগী মনুংদা মালেমগী ঙমখৈ কিমি ৩৬৭.১৫৫ দি শম্বল খারে‍। কিমি ১৯.৭৫৯ দা শম্বল খাবগী থবক চত্থরি‍। শম্বল খাবা য়াবা পরিংদা থবক লোইশিন্বদা থেংনরিবা শিংনবশিং অসি লম লৌশিন্বা, বোর্দর গার্দ বঙ্গলাদেশ (BGB) না য়ানিংবা ফোঙদোরকপা, স্তেত অসিগী অকক্নবা থবক তৌবা য়াবা মতম অমসুং চীং নিংখায়বা/ হোম হোম লাউবা লৈবাক্কা মরী লৈনৈ‍।

শম্বল খাবদা খুদোং চাদবা পরিংগী ঙমখৈগী সিক্যুরিতীগী ধমক হেন্দ হেল্দ থর্মেল ইমেজর (HHTI), নাইত ভিজন দিভাইস (NVD), ত্বিন তেলিস্কোপ নচিংবা তেক্নোলোজীগী খুৎশু খুৎলায়শিং শীজিন্নদুনা, ইন্তলিজেন্স সেতঅপ অপগ্রেদ তৌদুনা, অমদি স্তেত লৈঙাক/ মরী লৈনবা ইন্তলিজেন্স এজেন্সীশিংগী কোওর্দিনেসন ফগৎহন্দুনা অমসুং অহেন্বা মেনপৱার থাজিন্দুনা ঙাক শেন্দুনা থম্লি‍।

বোর্দর সিক্যুরিতী মেনেজমেন্ত অমসুং ক্রোস বোর্দর ইসুশিং হন্থহন্নবা তেংবাংনবগা মরী লৈনবা ৱাফমশিং, বোর্দর সিক্যুরিতী ফোর্সস অমসুং বোর্দর গার্দ বঙ্গলাদেশকী মরক্তা দাইরেক্তর জেনেরেল-লেভেল তোল্কস অমসুং জোইন্ত ৱর্কিং গ্রুপ ওন সিক্যুরিতী এন্দ বোর্দর ইনফ্রাস্ত্রকচরনচিংবা নাকল অনিগী ওইবা ইন্সতিত্যুস্নেল মেকানিজমগী খুত্থাঙদা বঙ্গলাদেশকা খন্নরি‍। মসিগী মথক্তা, বোর্দর গার্দ বঙ্গলাদেশ (BGB) গা লেপ্পা লৈতনা কোওর্দিনেতেদ বোর্দর মেনেজমেন্ত প্লান (CBMP) গী দাইরেক্তিবশিংগী খুত্থাঙদা ৱারী শাদুনা, ক্রোস-বোর্দর ক্রাইমশিং লাকশিন্নবা অমসুং ইং-তপ্পা পুরক্নবা লান্মী শঙলুপ অনিমক্কী থৌরাংশিং মপুং ফাহন্নবা চপ মান্নবা মতমদা কোওর্দিনেতেদ দে এন্দ নাইত পেত্রোলিং, পিলর চেক্কিং, ফ্লেগ মীতিং, বোর্দর ভাইওলেসন রিপোর্তিং তৌবা অমসুং ইনফোর্মেসন পীথোক পীশিন তৌনবগী থবকশিং পায়খৎলি‍। খোঙলৌ পল্লৌবশিং লৈহন্দনবা অমদি মতম চানা লোইশিন্নবা লৈঙাক্না লেপ্পা লৈতনা হোৎনরি‍। চৎলিবা শেন্বা চহি (FY 2024-25) অসিদা, ইন্দো-বঙ্গলাদেশ ঙমখৈ শম্বল খাবগী বজেত এলোকেসন অসি লুপা করোর ২৯৯.৫৮ নি, মসিগী মনুংদা লুপা করোর ১৯.৫৪ মেঘালয়গী একজেক্যুতিব এজেন্সীশিংদা থাদোকখ্রে‍।

ৱাফম অসি লোক সভাদা হংলকপা ৱাহং অমগী অইবা পাউখুম ওইনা পীদুনা গৃহ মন্ত্রালয়গী রাজ্য মন্ত্রী শ্রী নিত্যানন্দ রাইনা ফোঙদোকখিবনি‍।

*****