روپ نگر، 9 دسمبر 2024: آئی آئی ٹی، روپڑ نے شیٹ میٹل فارمنگ ( ایس ایم ایف)  2024 کانفرنس کا کامیابی کے ساتھ انعقاد کیا، جس میں قومی اور بین الاقوامی مندوبین کی بڑی تعداد نے شرکت کی ۔  اس پروگرام میں آئی آئی ٹیز اور نمایاں صنعت، جن میں آٹو فارم، الیکٹرو نیومیٹکس اینڈ ہائیڈرولکس، آلٹیر، ٹاٹا اسٹیل، ٹاٹا ٹیکنالوجیز لمیٹڈ، فورڈ انڈیا، فیلز سسٹم جی ایم بی ایچ اور جے بی ایم آٹو لمیٹڈ شامل ہیں، کے شرکاء اور نامور مقررین نے شرکت کی ۔  ایس ایم ایف 2024، شیٹ میٹل فارمنگ ریسرچ ایسوسی ایشن (ایس ایم ایف آر اے) کی اہم کانفرنس، ہندوستان اور بیرونِ ملک کے محققین اور ترقیاتی ماہرین کو دھاتی تشکیل کی ٹیکنالوجیز پر اپنے خیالات پیش کرنے اور تبادلہ خیال کرنے کے لیے ایک پلیٹ فارم فراہم کرتا ہے ۔

کانفرنس کا آغاز 5 دسمبر کو افتتاحی تقریب کے ساتھ ہوا ۔  پروفیسر انوپم اگروال، جو آئی آئی ٹی، روپڑ کے میکنیکل انجینئرنگ شعبے سے تعلق رکھتے ہیں اور  ایس ایم ایف 2024 کے منتظم سکریٹری ہیں، نے شرکاء کو خوش آمدید کہا، جن میں مقررین، ایس ایم ایف آر اے کے ارکان، اسکالرز اور صنعت کے مہمان شامل تھے ۔  آئی آئی ٹی روپڑ کے ڈائریکٹر پروفیسر راجیو آہوجا نے کانفرنس کی کامیابی کے لیے اپنی نیک تمنائیں پیش کیں ۔  اس کے بعد ڈاکٹر پربھات کے اگنیہوتری، جو میکنیکل انجینئرنگ شعبے کے سربراہ اور کانفرنس کے چیئرمین ہیں، نے خطاب کیا ۔  مہمان خصوصی ڈاکٹر سنتوش کمار، وائس پریزیڈنٹ، جندل اسٹینلیس لمیٹڈ نے رسکینہ یادگاری لیکچر دیا، جس میں شیٹ میٹل فارمنگ کے شعبے میں تازہ ترین پیشرفت اور چیلنجز پر روشنی ڈالی ۔  ایس ایم ایف آر اے  کے سکریٹری اور آئی آئی ٹی بمبئی کے پروفیسر کے نارسیمن نے دھاتی تشکیل کے شعبے میں تعلیمی دنیا کے سامنے آنے والے اہم چیلنجز پر روشنی ڈالی اور تعلیمی اور صنعتی تعلقات کے درمیان پل کا کردار ادا کرنے میں ایس ایم ایف کانفرنس سیریز کی اہمیت کو اجاگر کیا ۔  پروگرام کا اختتام پروفیسر نوین کمار، شعبہ میکنیکل انجینئرنگ، آئی آئی ٹی روپڑ اور ایس ایم ایف 2024 کے کو-آرگنائزنگ سکریٹری کے شکریہ کے کلمات کے ساتھ ہوا ۔

اس پروگرام کو پلاتینم اسپانسرز آٹو فارم اور الیکٹرو نیومیٹک اینڈ ہائیڈرولکس (I) پرائیویٹ لمیٹڈ نے اسپانسر کیا، جبکہ سلور اسپانسر آلٹیر انجینئرنگ انڈیا پرائیویٹ لمیٹڈ تھا ۔

کانفرنس کے پہلے دن میں شیٹ میٹل فارمنگ میں تازہ ترین پیشرفت پر معروف محققین، پروفیسرز اور صنعت کے رہنماؤں کے پریزنٹیشنز پیش کئے گئے ۔  دوسرے دن مختلف موضوعات جیسے کہ لائٹ ویٹ میٹل فارمنگ، لائٹ ویٹ تعمیرات کے لیے ہاٹ فارمنگ، اور اسکن پینل فارمنگ میں چیلنجز‌ پر تکنیکی اجلاس منعقد کیے گئے ۔  شرکاء کو ماہرین سے بات چیت کرنے اور شیٹ میٹل فارمنگ میں جدید تحقیق پر خیالات کا تبادلہ کرنے کا موقع ملا ۔

ایس ایم ایف 2024 کے دوسرے دن ایک پینل مباحثہ بھی منعقد کیا گیا جس کی میزبانی جناب اویناش کھری، کنسلٹنٹ، ٹول میکرز فسیلٹی، بھارت نے کی ۔  اس پینل میں ممتاز ماہرین شامل تھے، جن میں پروفیسر ہری ہرن کے (ایسوسی ایٹ پروفیسر، آئی آئی ٹی مدراس)، جناب پرشانت کلکرنی (علاقائی منیجر، آلٹیر انجینئرنگ انڈیا پرائیویٹ لمیٹڈ)، ڈاکٹر راہل کمار (ٹاٹا اسٹیل) اور پروفیسر ایکتا سنگلا (ایسوسی ایٹ پروفیسر، آئی آئی ٹی روپڑ) شامل تھے ۔

ایس ایم ایف 2024 کا مقصد دھاتی تشکیل کی تحقیق کے مستقبل پر بصیرت فراہم کرنا اور ماہرین کے درمیان معلومات کے تبادلے کو فروغ دینا تھا ۔  دو سال میں ایک مرتبہ منعقد ہونے والا یہ پروگرام کامیابی کے ساتھ اختتام پذیر ہوا، اور ایس ایم ایف 2024 کے آرگنائزنگ سکریٹری پروفیسر انوپم اگروال اور کو-آرگنائزنگ سکریٹریز پروفیسر نوین کمار اور پروفیسر ایکتا سنگلا کو ان کی کوششوں کے لیے وسیع پیمانے پر سراہا گیا ۔  کانفرنس کا اختتام دوسرے دن پروفیسر انوپم اگروال کے اختتامی خطاب کے ساتھ ہوا ۔

********

ش ح ۔  م ع  ۔  م ت

U - 3697