مکانات اور شہری اُمور کے مرکزی وزیر جناب منوہر لال  نے ،7 دسمبر 2024 کو ہوٹل نووٹل ، وجے واڑہ میں حکومت آندھرا پردیش کے بلدیاتی  انتظامیہ اور شہری ترقی کے محکمے کے وزیر جناب پونگورو نارائن ، محکمہ بجلی کے وزیر جناب گوٹیپتی روی کمار اور محکمہ مکانات کے  وزیر جناب کولورو پارتھا سارتھی کے ساتھ  آندھرا پردیش میں مکانات اور شہری اسکیموں کا جائزہ لیا گیا ۔

مرکزی وزیر نے ریاست کے ذریعہ نافذ کیے جا رہے مکانات اور شہری شعبے کے پروجیکٹوں کا جائزہ لیا ۔ میٹنگ کے دوران سینئر ریاستی عہدیداروں نے امرت ، اسمارٹ سٹی ، پی ایم اے وائی (یو)، این یو ایل ایم ، پی ایم سواندھی ، ایس بی ایم اور میٹرو ریل پروجیکٹوں جیسی مختلف فلیگ شپ اسکیموں میں ریاست کی پیش رفت پر پرزینٹیشن دیا ۔

ایس بی ایم میں پیش رفت پر تبادلہ خیال کرتے ہوئے ، مرکزی وزیر نے صاف کیے گیے استعمال شدہ پانی کے استعمال کی نگرانی پر زور دیا ۔ انہوں نے پروسیس شدہ فضلہ جیسے فضلہ سے توانائی اور فضلہ سے کھاد کے استعمال کے طریقوں پر بھی تبادلہ خیال کیا ۔

پی ایم اے وائی (یو) کے حوالے سے انہوں نے پی ایم اے وائی (یو)-1.0 کے تحت پہلے سے منظور شدہ مکانات کو مکمل کرنے اور لے آؤٹ میں بنیادی ڈھانچے کو بھی مکمل کرنے کی صلاح  دی ہے ۔ ریاستی حکام نے بتایا ہے کہ وہ مذکورہ کاموں کو مکمل کرنے کے  لیے قرض کی منظوری کے واسطے ایچ یو ڈی سی او (ہڈکو) کے ساتھ رابطے میں ہیں ۔

مکانات ، شہری اور بجلی کے محکمے کے لیے ریاست کی طرف سے پیش کردہ مالی ضروریات کے بارے میں ، وزیر موصوف نے یقین دلایا کہ حکومت اگلے بجٹ میں اس پر غور کرے گی ۔

۔۔۔۔۔۔۔۔۔۔۔

ش ح۔ م ش۔ ع ن

 (U: 3654)

(Release ID: 2082264) Visitor Counter : 14