قانون اور انصاف کی وزارت کے وزیر مملکت (آزادانہ چارج) جناب ارجن رام میگھوال نے آج لوک سبھا میں ایک تحریری جواب میں بتایا کہ ہائی کورٹ کے بنچ کا قیام جسونت سنگھ کمیشن کے ذریعہ دی گئی سفارشات اور سپریم کورٹ کے ذریعہ پی ڈبلیو (سی ) نمبر 379 آف 2000  سفارشات میں کئے گئے فیصلے کے مطابق کیا جاتا ہے  اور ریاستی حکومتوں کے ذریعہ ضروری اخراجات اور بنیادی ڈھانچے کی سہولیات فراہم کرنےکے لئے رضامندی کے ساتھ ساتھ متعلقہ ہائی کورٹ کے چیف جسٹس کی رضامندی کےساتھ مکمل تجویز پر غوروخوض کے بعد کیا جاتا ہے، جس کے لئے  ہائی کورٹ کے روزمرہ کے  انتظامی کاموں کی دیکھ بھال کرنے کی ضرورت ہوتی ہے۔ سفارش کو مکمل ہونے کے لئے متعلقہ  ریاست کے گورنر کی رضامندی بھی ہونی چاہیے ۔ فی الحال حکومت کے پاس کسی بھی ہائی کورٹ میں بینچ کے قیام کے لیے کوئی مکمل تجویز زیر التوا نہیں ہے۔

ضرورت کی بنیاد پر سپریم کورٹ میں ججوں کی منظور شدہ تعداد 31 سے بڑھا کر 34 اور ہائی کورٹس کے ججوں کی تعداد 906 سے بڑھا کر مئی 2014 سے اب تک 1122 کر دی گئی ہے۔ اسی طرح ضلعی اور ماتحت عدلیہ کی منظور شدہ تعداد 2014 سے 18.11.2024 تک 19,518 سے بڑھا کر 25,725 ججوں تک کر دی گئی ہے۔ انصاف تک رسائی کو بڑھانے میں یہ ایک بڑا قدم ہے۔

حکومت نے مختلف اقدامات/منصوبے بھی شروع کیے ہیں اور مفت قانونی امداد کے لیے اسکیمیں متعارف کرائی ہیں، عدلیہ کے ذریعے مقدمات کو تیزی سے نمٹانے اور اس طرح انصاف تک رسائی کو بہتر بنانے کے لیے ایک ماحولیاتی نظام فراہم کیا ہے۔ حکومت کی طرف سے قائم کردہ انصاف کی فراہمی اور قانونی اصلاحات کے قومی مشن نے عدالتوں کے بنیادی ڈھانچے کو بہتر بنانے اور انفارمیشن اور کمیونیکیشن ٹیکنالوجی سے فائدہ اٹھانے سمیت متعدد اسٹریٹجک اقدامات کے ذریعے بقایا جات اور عدالتی انتظامیہ کے التوا کو مرحلہ وار ختم کرنے کے لیے ایک مربوط نقطہ نظر اپنایا ہے۔

عدالتی انفراسٹرکچر کی ترقی کے لیے مرکزی اسپانسر شدہ اسکیم کے تحت، عدالتی ہال، عدالتی افسران کے لیے رہائشی کوارٹرز، وکلاء کے ہال، بیت الخلا کمپلیکس اور ڈیجیٹل کمپیوٹر کمروں کی تعمیر کے لیے ریاستوں/ مرکز کے زیر انتظام علاقوں کو فنڈز جاری کیے جا رہے ہیں، جس سے قانونی چارہ جوئی سمیت مختلف اسٹیک ہولڈرز کے کام میں آسانی ہو گی۔ اس طرح انصاف کی فراہمی میں مدد ملتی ہے۔

مزید برآں ای کورٹس مشن موڈ پروجیکٹ کے فیز I اور II کے تحت، ضلعی اور ماتحت عدالتوں کے آئی ٹی کو فعال کرنے کے لیے انفارمیشن اینڈ کمیونیکیشن ٹیکنالوجی(آئی سی ٹی) کا فائدہ اٹھایا گیا تھا۔ یہ پروجیکٹ ڈبلیو اے این کنیکٹوٹی کے ساتھ ضلعی اور ماتحت عدالتوں کے کمپیوٹرائزیشن میں معاونت کر رہا ہے۔ بڑی تعداد میں کورٹ کمپلیکس اور جیلوں کے درمیان ویڈیو کانفرنسنگ کی سہولت کو فعال کر دیا گیا ہے۔ وکلاء اور مدعیان کو شہری مرکوز خدمات فراہم کرکے ڈیجیٹل تقسیم کو ختم کرنے کے لیے ضلعی عدالتوں اور ہائی کورٹس میں متعدد ای سیوا  کیندروں کو فعال بنایا گیا ہے۔ مختلف ریاستوں/ مرکز کے زیر انتظام علاقوں میں مجازی عدالتیں قائم کرکے قانونی چارہ جوئی کے لیے مجازی رسائی فراہم کی گئی ہے۔ ای کورٹس پروجیکٹ کا مقصد ڈیجیٹل، آن لائن اور پیپر لیس عدالتوں کی طرف بڑھتے ہوئے انصاف کی آسانی میں اضافہ کرنا ہے۔

چودھویں مالیاتی کمیشن کے تحت، گھناؤنے جرائم کے مقدمات نمٹانے کے لیے فاسٹ ٹریک عدالتیں قائم کی گئی ہیں۔ ایسے مقدمات جن میں بزرگ شہری، خواتین، بچے وغیرہ شامل ہیں۔ منتخب ممبران پارلیمنٹ/ایم ایل ایز پر مشتمل فوجداری مقدمات کو تیزی سے نمٹانے کے لیے ریاستوں/مرکز کے زیر انتظام علاقوں کی سطح پر خصوصی عدالتیں کام کر رہی ہیں۔ مرکزی حکومت نے پوسکو ایکٹ کے تحت عصمت دری اور جرائم کے زیر التوا مقدمات کو تیزی سے نمٹانے کے لیے ملک بھر میں فاسٹ ٹریک خصوصی عدالتیں(ایف ٹی ایس ایسٌ) قائم کرنے کی اسکیم کو بھی منظوری دی ہے۔

تنازعات کے حل کے متبادل طریقوں کو فروغ دیا گیا ہے۔ اسی مناسبت سے، کمرشل کورٹس ایکٹ 2015 میں، اگست 2018 میں ترمیم کی گئی تھی جس میں تجارتی تنازعات کی صورت میں پری انسٹی ٹیوشن میڈیشن اینڈ سیٹلمنٹ(پی آئی ایم ایس) کو لازمی قرار دیا گیا تھا۔

حکومت نے 2017 میں ٹیلی -لا ء پروگرام بھی شروع کیا، جو ایک موثر اور قابل بھروسہ ای-انٹرفیس پلیٹ فارم فراہم کرتا ہے جو ضرورت مند اور پسماندہ طبقوں کو جو قانونی مشورہ اور مشورے کے خواہاں ہیں، پینل وکلاء کے ساتھ ویڈیو کانفرنسنگ کے ذریعے، ٹیلی فون اور چیٹ کی سہولتوں کے ذریعے کامن سروس سینٹرز(سی ایس سیز) جو گرام پنچایتوں میں اور ٹیلی لا موبائل ایپ کے ذریعے واقع ہیں، پر دستیاب ہے۔

وکلاء کے درمیان پرو بونو کلچر کو ادارہ جاتی بنانے کی کوششیں کی گئی ہیں۔ ایک تکنیکی فریم ورک تیار کیا گیا ہے جہاں پرو بونو کام کے لیے رضاکارانہ طور پر اپنا وقت اور خدمات دینے والے وکیل نیا بندھو پر پرو بونو ایڈووکیٹ کے طور پر رجسٹر ہو سکتے ہیں۔ نیا بندھو خدمات امنگ پلیٹ فارم پر بھی دستیاب ہیں۔ ریاستی سطح پر ہائی کورٹس میں وکلاء کا پرو بونو پینل شروع کیا گیا ہے۔ لاء سکولوں میں پرو بونو کلب بھی شروع کر دیے گئے ہیں۔

***

ش ح۔ ش ت۔ج

Uno-3572

 

 

(Release ID: 2081541) Visitor Counter : 23