شمال مشرقی خطہ میں 8755 ڈاک خانے کام کر رہے ہیں اور جموں و کشمیر میں ڈاک، مالی اور انشورنس خدمات فراہم کرنے کے لیے 1617 پوسٹ آفس کام کر رہے ہیں۔ شمال مشرقی خطہ اور جموں و کشمیر میں ڈاک خانوں کی تعداد ضمیمہ میں دی گئی ہے۔

جموں و کشمیر میں 1617 پوسٹ آفس کام کر رہے ہیں جو ریاست کے کل رقبے پر 1,20,355 مربع کلومیٹر فی ڈاک خانہ اوسطاً 74.43 مربع کلومیٹر پر محیط ہیں۔ لہذا، ہر پوسٹ آفس کے ذریعہ پیش کیے جانے والے اوسط علاقے کا رداس 4.86 کلومیٹر ہے۔ نئے ڈاک خانوں کا افتتاح ایک جاری عمل ہے۔ نئے پوسٹ آفس مقررہ اصولوں کی بنیاد پر ضرورت مند اور جائز علاقوں میں کھولے گئے ہیں۔ مالی سال24-2023  کے دوران جموں و کشمیر کے دور دراز اور بینکوں سے محروم علاقوں میں ڈاک خانوں کی رسائی کو بڑھانے کے لیے 34 نئے پوسٹ آفس کھولے گئے ہیں۔

شمال مشرقی خطہ میں 8755 ڈاک خانے کام کر رہے ہیں جو ریاست کے کل 2,62,190 مربع کلومیٹر رقبے پر اوسطاً 29.95 مربع کلومیٹر فی ڈاک خانہ ہے۔ لہذا، ہر پوسٹ آفس کے ذریعہ پیش کیے جانے والے اوسط علاقے کا رداس 3.09 کلومیٹر ہے۔ جیسا کہ پہلے ذکر کیا گیا ہے، نئے ڈاک خانوں کا افتتاح ایک مسلسل عمل ہے۔ نئے پوسٹ آفس مقررہ اصولوں کی بنیاد پر ضرورت مند اور مناسب علاقوں میں کھولے گئے ہیں۔ مالی سال24-2023  کے دوران شمال مشرقی خطہ کے دور دراز اور غیر بینک والے علاقوں میں ڈاک خانوں کی رسائی کو بڑھانے کے لیے 1631 نئے ڈاک خانہ کھولے گئے ہیں۔

 

 

یہ جانکاری وزیر مملکت برائے مواصلات ڈاکٹر پیماسانی چندر شیکھر نے آج لوک سبھا میں ایک سوال کے تحریری جواب میں دی۔

******

ش ح۔ع و۔ م ق ا۔

U NO:3471

(Release ID: 2080937) Visitor Counter : 24