কেন্দ্রগী রুরেল দিবেলপমেন্ত অমসুং লৌউ-শিংউ অমসুং লৌমীশিংগী য়াইফ-থৌরাংগী মন্ত্রী, শ্রী শিবরাজ সিংহ চৌহান্না ঙসি মীদিয়াদা রুরেল দিবেলপমেন্ত মন্ত্রালয়গী মায়পাকপশিংগী মতাংদা পাউদমখি। শ্রী চৌহান্না হায়খি মদুদি মীশিং অসিগী শরুক অমা মপুং ফানা ৱায়েল পীবা অমসুং নুপীশিংবু শক্তি পীবা অসি ঐখোয়গী মরুওইবা পান্দমনি। কেন্দ্রগী মন্ত্রী শ্রী চৌহান্না হায়খি মদুদি চহি অসিদা মন্ত্রালয় অসিগী বজেৎ অসি লুপা করোর লাখ 1.84 নি, মসিগী মনুংদা লুপা করোর লাখ 1.3 শিজিন্নখ্রে। প্রধান মন্ত্রীগী ৱারেপ অদু মপুং ফাহন্নবগীদমক ঐখোয়না অয়ুক নুমিদাং চংনা থবক তৌরি। খুঙ্গংগী খুন্নাইশিংদা থবক ফংহন্নবা খুদোংচাবশিং অমসুং মরুওইবা খুদোংচাবশিং ফংহন্নবা হোৎনরি। মীদিয়াগী ৱাহংশিংগী পাউখুম পীরদুনা শ্রী চৌহাননা হায়খি মদুদি করিগুম্বা রাজ্য অমত্তনা MNREGA অমসুং পি.এম.আৱাস য়োজনাদা অশোয়বা লৈরবদি থবক লৌখৎতুনা সরকারগী ফিরেপ অদু অমুক হন্না ফোংদোক্কনি। মহাক্না অকনবা ৱাফম থমখি মদুদি MNREGAগুম্বা স্কিমশিং অসি দিমান্দদা য়ুম্ফম ওইবনি, অমসুং করিগুম্বা বজেৎ অদু কোন্নদ্রবদি, রাজ্যগী দিমান্দদা য়ুম্ফম ওইদুনা অহেনবা শেনফমশিং ফাইনান্স মন্ত্রীদা পীবিনবা হায়জগনি অমসুং মদুগী মতুং ইন্না মখা তানা রিভিশন তৌগনি।

শ্রী শিবরাজ সিংহ চৌহান্না মন্ত্রালয়গী মরু ওইবা মায়পাকপশিং পাউদমখ্রে, মসিদা য়াওরিবশিং অদুদি:

1. প্রধান মন্ত্রী আৱাস য়োজনা - গ্রামিন

• শ্রী শিবরাজ সিংহ চৌহান্না হায়খি মদুদি প্রধান মন্ত্রী আৱাস - গ্রামিন য়োজনাগী মখাদা 2024গী মার্চ ফাওবদা য়ুম করোর 2.95 শাবগী পান্দম থমখি। মসিগী মনুংদা য়ুম করোর 2.67 শাবগী থবক লোইশিনখ্রে।
• প্রোগ্রাম অসিগী মায় পাকপা অমসুং খুঙ্গংগী য়ুমগী মথৌ তাবশিং খঙলদুনা, স্কিম অসি পাকথোক চাউথোকহনখ্রে অমসুং মথংগী চহি মঙাদা অহেনবা য়ুম করোর 2 শাগনি।
• অনৌবা য়ুম করোর 2 অসি লুপা করোর লাখ 3.06 হেন্না চাদিং তৌদুনা শাগনি। ইলিজিবল ওইবা ইমুং অমত্তবু স্কিম অসিগী কান্নবশিং ফংহনদবা তৌদনবা, এক্সক্লুজন ক্রাইতেরিয়া অসি 13দগী 10দা অমুক হন্না শেমদোকখ্রে। মেকানাইজ ফিশিং বোত, ফ্রিজ, নত্ত্রগা লেন্দলাইন ফোন অমা লৈবাগুম্বা এক্সক্লুজনশিং অসি লৌথোকখ্রে। মসিগী মথক্তা, এক্সক্লুজনগী ইনকম থ্রেশহোল্দ অসি থা অমদা লুপা 10,000দগী লুপা 15,000দা হেনগৎহনখ্রে। স্তেকহোল্দরশিংগা তান্নরবা মতুংদা সরকারনা ৱারেপ অসি লৌখ্রে। মসিনা মীপুম খুদিংমক্তা য়ুম ফংহন্নবগী পান্দম অসি তশেংনা ফংহন্নবগীদমক মথৌ তাদবা কন্দিসনশিং লৌথোক্লে। অরিবা অমসুং অনৌবা এক্সক্লুজন ক্রাইতেরিয়াশিংগা চাংদম্নবা অমা মখাদা পীরি।
• শ্রী চৌহান্না হায়খি মদুদি ভারতকী খুঙ্গংশিংবু চাউখৎহন্নবা সরকারগী পান্দমদি য়ুমশিং ফংহনবতা নত্তনা য়ুমশিং অসিদা মরুওইবা খুদোংচাবশিং ফংহনবনি। বেনিফিসরীশিংদা মখোয়গী য়ুমশিং শানবগীদমক MGNREGA গী মখাদা নুমিৎ 90নিগী শেনফমগী তেংবাং পীরি। স্বচ্ছ ভারত মিসন, উজ্জ্বলা য়োজনা, অমসুং সৌভাগ্য য়োজনাগুম্বা অতোপ্পা য়াইফ-থৌরাংগী স্কিমশিংগা পুনশিনবনা তোইলেৎ, চাক থোং গ্যাস, অমসুং মৈ ফংহনবগী খুদোংচাবশিং ফংহল্লি। মসিগী মথক্তা, প্রধান মন্ত্রী সুর্য় গার: ফ্রী ইলেক্ত্রিসিতী স্কিমগী মখাদা, কান্নবা ফংলবা মীওইশিংদা সোলর রুফতোপ কন্নেক্সন পীরি, মসিনা মখোয়গী ইলেক্ত্রিসিতী বিল হন্থহল্লি। স্কিম অসিগী মখাদা শাবা য়ুম খুদিংমক অসি তঙাই ফদবা খুদোংচাবশিংগা লোয়ননা মপুং ফাবা য়ুম অমনি। তশেংনা, স্কিম অসিনা লায়রবা লৈতবা খুঙ্গংশিং অমসুং চাউখৎলবা ভারত অমগী য়ুম্ফম ওইরি।
• অনৌবা য়ুম করোর 2গী অয়াবা পীরবা পান্দম অদুগী মনুংদা চাউরাক্না য়ুম লাখ 38 রাজ্য 18দা পীখ্রে অমসুং রাজ্যশিং অসিদা লুপা করোর 10,668গী ফন্দ থাদোকখ্রে। স্কিম অসিগীদমক্তা শেলগী অৱাৎপা লৈতে। রাজ্যশিংনা মখোয়গী শরুক অদু অথুবা মতমদা থাদোক্নবা, ফন্দশিং অদু শীজিন্ননবা অমসুং সেন্ত্রেল গবর্নমেন্তকী শরুক লৌনবা মথংগী ইন্সতোলমেন্তকীদমক প্রপোজেলশিং থানবা খঙহনখ্রে।
• য়ুমগী মিনিমম ওইবা সাইজ অসি স্ক্বার মিতর 25 ওইগনি, মসিদা ক্লিন ওইবা তরু তনানবা চাকথোংফম অমা য়াওগনি। লমদম অসিদা লুপা লাখ 1.20 অমসুং অৱাং-নোংপোক অমসুং চীংগী রাজ্যশিংদা লুপা লাখ 1.30গী শেলগী তেংবাং পীরি। পেমেন্তশিং অসি দাইরেক্ত বেনেফিৎ ত্রান্সফর (DBT) গী খুত্থাংদা ইফিসিএন্ত ওইনা পাংথোকই। চহি অসিদা, কান্নবা ফংলবা মীওই লাখ 10 হেনবনা মখোয়গী অহানবা ইন্সতোলমেন্ত অদু প্রধান মন্ত্রী শ্রী নরেন্দ্র মোদীনা ভুবনেশ্বরদগী ক্লিক অমখক্তদা ফংহনখি।
• 2024গী সেপ্তেম্বর 17দা প্রধান মন্ত্রী শ্রী মোদীনা য়ুম লাখ 15গী অয়াবা পীরকখি অমসুং আধারদা য়ুম্ফম ওইবা ত্রান্সফরগী খুত্থাংদা বেনিফিসরী লাখ 10 হেনবদা অহানবা ইন্সতোলমেন্ত ওইনা লুপা করোর 3,180 রোম রিলিজ তৌখি। মসিগী মথক্তা, য়ুম লাখ 26 হেন্না মখোয়গী মপুশিংদা খুৎশিন্নখি।
• প্রধান মন্ত্রী আৱাস য়োজনা - গ্রামীন অসি স্কিম অমা খক্তা নত্তে; মসি মীপুম খুদিংমক্কীদমক আশাগী মঙালনি, ইকাই খুম্নবা, শক্তি পীবা অমসুং অফবা তুংলমচৎ অমগী য়ুম্ফমনি। মসিনা ভারত সরকারনা খুঙ্গংগী চাউখৎ-থৌরাং অমসুং খুমাং চাউশিল্লকপদা থাজবা থম্লিবা অদু উৎলি।

অরিবা অমসুং শেমদোক্লবা এক্সক্লুজন ক্রাইতেরিয়াগী লিস্ত:

2. প্রধান মন্ত্রী গ্রাম সরক য়োজনা (PMGSY)

PMGSYগী শমলপ্পা ৱারোল:

• PMGSYগী তোঙান-তোঙানবা কম্পোনেন্তশিংগী মখাদা মায়পাকপশিং:
  • জুন 9, 2024দগী দিসেম্বর 2, 2024 ফাওবদা, 9,013 km গী লম্বীগী অয়াবা পীখ্রে। মসিগী মনুংদা 7,058 km শেমখ্রে। স্কিম অসি হৌরকপদগী দিসেম্বর 2, 2024 ফাওবদা, মী তাবা মফম 1067দা কন্নেক্তিবিতী ফংহনখ্রে।
  • PMGSY-IIIগী মখাদা জুন 9, 2024 অমসুং দিসেম্বর 2, 2024গী মরক্তা 6,614 km গী লম্বীশিং অয়াবা পীখি। মসিগী মনুংদা 3,380 km দি নোংচুপ বেঙ্গলদনি। চপ মান্নবা মতমগী মনুংদা, 6,473 km গী লম্বী শেমগৎখ্রে।

PMGSY-IV:

• পোপুলেসন ক্রাইতেরিয়াগী মতুং ইন্না লম্বীশিংনা শম্নবা ঙমদবা ইলিজিবল ওইবা য়ুমশিং মশক খঙদোক্নবা সর্ভে অমা হৌজিক চত্থরি।
• রাজ্য 15দা সর্ভেশিং লোইশিনখ্রে।
• PMGSY-IV গীদমক গাইদলাইনশিং ফাইনেল তৌখ্রে অমসুং অথুবা মতমদা রিলিজ তৌরগনি।
• PMGSY-IVগী লম্বীদা চৎপা নত্ত্রগা চৎপা মতমদা দিসএবল ওইরবা মীওইশিংনা সেফ অমসুং কোম্ফর ওইনা চৎপা য়াহন্নবগীদমক এক্সেসিবিলিতি গাইদলাইনশিং শেমখ্রে। মসিগী গাইদলাইনশিং অসি PMGSY-IVগীদমক অকুপ্পা মরোল পীবা প্রোজেক্ত রিপোর্ত (DPR)শিং শেমগৎপদা শিজিন্নগনি।
• চহি অসিদা PMGSY-IV গী মখাদা থবকশিংগী 10% অয়াবা পীনবা পান্দম থম্লে।

পি.এম.-জনমন:

• জুন 9, 2024 অমসুং দিসেম্বর 2, 2024গী মরক্তা, 2,337 km গী লম্বীশিং অয়াবা পীখি, মসিগী মনুংদা 12 km শাখ্রে।

শেল-থুমদা খুমাং চাউশিনবা:

• শেনবা চহি 2024-25গী মনুংদা, লুপা করোর 5,973 রিলিজ তৌখ্রে, অমসুং লুপা করোর 10,762 (রাজ্যগী শরুক য়াওনা) অসি দিসেম্বর 2, 2024 ফাওবদা চাদিং তৌখ্রে।

অহেনবা ই-পাউ:

• 2024গী দিসেম্বর 2 ফাওবদা, PMGSY গী তোঙান তোঙানবা মচাকশিংগী মখাদা,  8,34,657 kmগী লম্বীশিং অয়াবা পীখ্রে, 7,69,284 km শেমখ্রে অমসুং স্কিম অসি হৌরকপদগী মী তাবা মফম 1,54,835দা কন্নেক্তিবিতী ফংহনখ্রে। PMGSY-I, II, III অমসুং RCPLWEAগী অরোইবা মতম অসি মার্চ 2025নি।
• PMGSY-I গী মখাদা, য়ুম 1,55,276কী অয়াবা পীখি অমসুং য়ুমশিংগী 99.7%দা লম্বীগী কন্নেক্তিবিতী ফংহনখ্রে।
• PMGSY-II অসি চাদা 100গী চাংদা লোইশিনখ্রে।
• PMGSY -III অসি 72% মপুং ফানা লোইশিনখ্রে।
• 2024গী দিসেম্বর 2 ফাওবদা, PMGSYগী মখাদা রাজ্যশিং/য়ুনিয়ন তেরিতোরীশিংদা লুপা করোর 2,65,498 রিলিজ তৌখ্রে অমসুং লুপা করোর 3,29,310 (রাজ্যগী শেয়র য়াওনা) চাদিং তৌখ্রে।

3. দীনদয়াল অন্ত্যোদয় য়োজনা – নেস্নেল রুরেল লাইবলিহুদ মিসন (DAY-NRLM)

লাখপতি দিদিশিং

• অনৌবা লাখপতি দিদিশিং শেম্বা:
  • 2024গী জুন 9গী মতুংদা, দি DAY-NRLM গী মখাদা রাজ্যনা লুচিংবা খোংথাং কয়াগী খুত্থাংদা চাউরাক্না অনৌবা লাখপতি দিদি লাখ 1.5 মপাঙ্গল কনখৎহনখ্রে।
  • নৌনা হাপচিল্লিবা লাখপতি দিদিশিংগী রাজ্যগী মতুং ইন্না অকুপ্পা মরোলশিং তেবল-Iদা পীরি।
• পুন্না কান্নবা ফংহনখিবা:
  • লৈবাক শিনবা থুংনা লৈরিবা লাখপতি দিদিশিংগী অপুনবা মশিং অসি 11,500,274 য়ৌখ্রে।
  •  তেবল-IIদা অপুনবা দেতাগী রাজ্যগী মতুং ইন্না অকুপ্পা মরোল পীরি।

কম্ম্যুনিতী মেনেজ ত্রেনিং সেন্তরশিং (CMTC) পাকথোক চাউথোকহনবা:

• নৌনা লিংখৎখিবা সেন্তরশিং:
  • 2024গী জুন 9দগী হৌরগা, অনৌবা CMTC 150 লিংখৎখ্রে, মসিনা খুঙ্গংগী মফমশিংদা ত্রেনিং অমসুং কেপাসিতী বিল্দিংগী ইনফ্রাস্ত্রকচর মপাঙ্গল কনখৎহল্লে। রাজ্যগী ওইবা দেতা অসি তেবল-IIIদা পীরি।
• অপুনবা CMTC:
  • লৈবাক শিনবা থুংনা হৌজিক মথৌ তৌরিবা CMTCগী অপুনবা মশিং অসি 301নি। হায়রিবা সেন্তরশিং অসিনা খুঙ্গংগী কম্ম্যুনিতীশিংদা স্কিল অমসুং লৌশিং পীবদা মরু ওইবা থৌদাং অমা লৌরি, মসিনা হিংনবগী লম্বীদা তুংকোইনা ফগৎহল্লি।

DAY-NRLMগী মখাদা খুমাং চাউশিনবগী মরু ওইবা পোইন্তশিং:

• অপুনবা মায়পাকপশিং:
  • দীনদয়াল অন্ত্যোদয়া য়োজনা - নেস্নেল রুরেল লাইবলিহুদস মিসন (DAY-NRLM) গী মখাদা ইন্তিগ্রেতেদ প্রোগ্রেস অমসুং মরুওইবা পর্ফোর্মেন্স ইন্দিকেতরশিং তেবল-IVদা শম্না পীরি।
  • মসিগী মায়পাকপশিং অসিনা খুঙ্গংগী ইমুংশিংদা শক্তি পীনবা, নুপীশিংনা লুচিংবা ইন্তরপ্রাইজশিং প্রমোৎ তৌবা, অমসুং মশা মথন্তা য়ুম্ফম ওইবা কম্ম্যুনিতী ইন্সতিত্যুসনশিং শেমগৎপদা চাউনা খুমাং চাউশিল্লক্লি।

4. মহাত্মা গান্ধী নেস্নেল রুরেল এমপ্লোইমেন্ত গরেন্তী স্কিম (MGNREGS)

কেন্দ্রগী মন্ত্রী শ্রী শিবরাজ সিংহ চৌহান্না হায়খি মদুদি মহাত্মা গান্ধী নেস্নেল রুরেল এমপ্লোইমেন্ত গেরেন্তী এক্ত (MGNREGA) না খুঙ্গংগী মফমশিংদা হিংনবগী খুদোংচাবশিং হেনগৎহন্নবা পান্দম থম্লি। মসিগী পান্দমদি শেন-থুমগী চহি অমদা য়ামদ্রবদা নুমিৎ 100নিগী থবক ফংহন্দুনা খুঙ্গংগী ইমুং খুদিংমক্তা ভোলুন্তরি ওইনা থবক তৌনীংবা মীয়াই চল্লবা মীওইশিংদা থবক পীবনি।

FY 2024-25দা ফংখিবা মায়পাকপশিং (জুন 1, 2024 – দিসেম্বর 2, 2024):

• পর্সন-দেস করোর 123গী থবক পীখ্রে।
• লুপা করোর 46,907গী সেন্ত্রেল ফন্দশিং কাইথখ্রে।
• থবক লাখ 43.81 লোইশিনখ্রে।

অহুমশুবা তর্মদা লৌখৎখিবা মরু ওইবা থৌশিলশিং/ৱারেপশিং:

• মিসন অমৃত সরোভর:
  • 2022গী এপ্রিল 24দা প্রধান মন্ত্রীনা হৌদোকখিবা মিসন অসিনা তুংগী মীরোনগীদমক ঈশিং য়োকশিন্নবগীদমক খুঙ্গংগী জিলা খুদিংমক্তা (দিল্লি, চান্দিগর অমসুং লক্ষদ্বীপ নত্তনা) অমৃত সরোভর 75 শেমগৎনবা নত্ত্রগা নৌহৌনা শেমগৎনবা পান্দম থম্লি।
  • হৌজিক ফাওবদা অমৃত সরোভর 68,000 হেন্না শাখ্রে/ নৌনা শেমগৎখ্রে। মিসন অসি মখা তানা চত্থখিগনি, মসিনা মীয়ামগী শরুক য়াবদা মীৎয়েং থমগনি। মসিনা সরোভর হেন্না শেমগৎকনি অমসুং লাক্কদৌরিবা চহিশিংদা মখোয় অসি তুংকোইনা চৎনগদবা ঈশিংগী রিসোর্স অমসুং কম্ম্যুনিতী হবশিং ওইনা মথৌ তৌহনগনি।
  • মিসন অসি মাংলোমদা চংশিন্নবা মরী লৈনবা দিপার্তমেন্ত/মন্ত্রালয়শিং অমসুং রাজ্যশিং/য়ু.তি.শিং পুম্নমক্তা চেরোলশিং অমসুং নৌনা শেমদোক্লবা গাইদলাইনশিং অসি হান্ননা য়েন্থোকখ্রে।
• য়ুক্তাধারা পোর্তেল:
  • ওক্তোবর 1, 2024দগী দিসেম্বর 31, 2024 ফাওবদা তাঙ্কক নাইবা মওংদা রাজ্য/য়ু.তি. পুম্নমক্তা য়ুক্তাধারা পোর্তেল অসি ইমপ্লিমেন্ত তৌনবা ৱারেপ লৌখ্রে।
  • য়ুক্তাধারা অসি MGNREGAgI GP-লেবেল প্লান্নিংগী GISদা য়ুম্ফম ওইবা দাইনামিক পোর্তেল অমনি। মসিদা রিদজ-তু-ভেলী এপ্রোচকা চুনবা এনালাইসিস কেপাবিলিতীশিং য়াওরি।
• জনMANREGA-II:
  • হৌজিক লৈরিবা জনMANREGA এপ অসি ইনফোর্মেসনগী এক্তিব দিসক্লোজর হেনগৎহন্নবা অমসুং নাগরিকশিংগীদমক MANREGAগী ইমপ্লিমেন্ত তৌবগী মতাংদা ফীদবেক মেকানিজম অমা শেম্নবা শেমগৎকনি।
• ত্রেনিং মোদ্যুলশিং শেমগৎপা:
  • MGNREGAগী মখাদা ফিল্দ ৱার্করশিংগী কেপাসিতী হেনগৎহন্নবা, খুঙ্গংগী এমপ্লোইমেন্ত এসিস্তেন্তশিংগী ত্রেনিংগীদমক ত্রেনিং মোদ্যুল অমা শেমগৎখ্রে।

5. নেস্নেল সোসিএল এসিস্তেন্স প্রোগ্রাম (NSAP)

• NSAP স্কিমশিংগী মখাদা চহি য়াম্লবা নাগরিকশিং, ৱিদোশিং অমসুং দিসএবল ওইরবা মীওইশিং য়াওনা চাউরাক্না বেনিফিসরী করোর 3দা সোসিএল সেক্যুরিতী পেন্সন ফংহনখ্রে। জুন 2024দগী হৌদুনা লুপা করোর 4,554.20গী শেনফম পীখ্রে।
• NICনা মোবাইল এপ্লিকেসন অমগী খুত্থাংদা শেমগৎখিবা পেন্সনরশিংগী দিজিতেল লাইফ সর্তিফিকেসনগী অনৌবা খুৎলাই অমা মায় পাক্না চাংয়েং তৌখ্রে। এপ্লিকেসন অসি নেসনেল লেভেলদা হৌদোক্লগনি।

6. DISHA কম্মিতি

1.  অসিগী জিলা 784দা দিস্ত্রিক্ত লেভেল DISHA কম্মিতীশিং শেমদোকখ্রে। জিলা 784দা এম.পি. 477বু চেয়রপর্সন ওইনা, জিলা 363দা এম.পি. 261বু কো-চেয়রপর্সন ওইনা অমসুং জিলা 81দা এম.পি. 63বু স্পেসিএল ইনভাইস্তী ওইনা দেজিগনেত তৌখ্রে।
2. এম.পি. 186 (লোক সভাদগী 127 অমসুং রাজ্য সভাদগী 59) অসি স্তেত লেবেল DISHA কম্মিতীগী মেম্বর ওইনা নোমিনেৎ তৌখ্রে।
3. নৌনা খল্লবা চেয়রপর্সনশিংনা রাজ্য 24গী জিলা 272দা মীফম 276 পাংথোকখ্রে।
4. মন্ত্রালয়না হৌজিক ফাওবদা রাজ্য অমসুং দিস্ত্রিক্তকী থাক্তা DISHA কম্মিতীশিংগীদমক নন-গবর্নমেন্ত মেম্বর 93 নোমিনেৎ তৌখ্রে

7. দীনদয়াল উপাধ্যায় গ্রামিন কৌশল য়োজনা (DDU-GKY)

ৱাহৌদোক
রুরেল দিবেলপমেন্ত মন্ত্রালয় (MoRD) না সেপ্তেম্বর 25, 2014দা নেস্নেল রুরেল লাইবলিহুদ মিসনগী মখাদা দীনদয়াল উপাধ্যায় গ্রামিন কাউশাল য়োজনা (DDU-GKY) হৌদোকখি। প্রোগ্রাম অসিনা গ্লোবেল স্তেন্দর্দশিং মপুং ফাহন্নবগী পান্দমগা লোয়ননা শেল থাদবা থবকশিংদা য়ুম্ফম ওইবা স্কিল দিবেলপমেন্ত প্রোগ্রামশিংগী বেঞ্চমার্ক অমা শেমগৎনবা পান্দম থম্লি।

মরু ওইবা ফীচরশিং

চহি 15দগী 35 ফাওবগী মনুংদা লৈবা লায়রবা ইমুংশিংগী খুঙ্গংগী নহারোলশিংদা অখন্নবা মীৎয়েং থমগনি: (a) MGNREGA ৱার্কর ইমুংশিং, ইমুংগী মীওই অমা হেক্তনা নুমিৎ 15নি থবক তৌরবদি। (b) RSBYগী ইমুংশিং। (c) অন্ত্যোদয়া অন্না য়োজনা (AAY) কার্দ ইমুংশিং। (d) BPL PDS কার্দ ইমুংশিং। (e) NRLM-SHG ইমুংশিং। (f) লায়রবশিং মশক খঙদোক্নবা শরুক য়াবগী থৌওং (g) SECC 2011গী ওতো-ইনক্লুজন ক্রাইতেরিয়াগী মনুং চনবা ইমুংশিং।

খুন্নাইগী ওইনা খুদোংচাদবা ফীভমদা লৈবা কাংলুপশিং, হায়বদি, SC/ST (50%), মাইনোরিতীশিং (15%) অমসুং নুপীশিং (33%) অসি মেনুএল স্কেভেঞ্জরশিং, দিসএবল ওইরবা মীওইশিং অমসুং নুপীনা লুচিংবা য়ুমথোংশিংদা অখন্নবা মীৎয়েং থমদুনা কোনশিনবা মথৌ তাই।

ফিজিকেল প্রোগ্রেস

ফাইনান্সিএল প্রোগ্রেস

মরু ওইবা মায়পাকপশিং

• স্কিম অসিগী রিভিয়ু মীফমশিং রাজ্য পুম্নমক্কা লোইশিনখ্রে।
•  রাজ্য 11দগী কেপ্তিব ইমপ্লোয়র 14দা রাজ্যশিংনা প্রোজেক্ত 30গীদমক এলোকেসন তৌখ্রে।

অনৌবা থৌশিলশিং

• দীনদয়াল উপাধ্যায় গ্রামিন কৌশল য়োজনা 2.0গী গাইদলাইনশিং অয়াবা পীখ্রে, মসিনা খুঙ্গংগী লায়রবা নহারোলশিংদা স্কিল দিবেলপমেন্ত অমসুং থবক ফংহনবদা মতেং পাংগনি।
• NICনা রুরেল সেল্ফ এমপ্লোইমেন্ত ত্রেনিং ইন্সতিত্যুত (RSETI) স্কিমশিং য়াওনা রুরেল স্কিল দিবেলপমেন্তকীদমক মপাঙ্গল কনবা MIS (মেনেজমেন্ত ইনফোর্মেসন সিস্তেম) ইন্তিগ্রেতেদ অমসুং কন্সোলিদেতেদ পোর্তেল অমা শেমগৎলি। পোর্তেল অসিদা মোবিলাইজেসন, কাউন্সেলিং, ত্রেনিং, ওন-জোব ত্রেনিং, প্লেসমেন্ত/সেতলমেন্ত, প্লেসমেন্ত অমসুং সেতলমেন্ত কেন্দিদেৎশিং ত্রেক তৌবা, অমসুং ত্রেনিং ইন্সতিত্যুতশিংদা শেল পীবগী মোদ্যুলশিং য়াওগনি।

8. রুরেল সেল্ফ-এমপ্লোইমেন্ত ত্রেনিং ইন্সতিত্যুত (RSETI)

• রুরেল সেল্ফ-এমপ্লোইমেন্ত ত্রেনিং ইন্সতিত্যুত (RSETI) স্কিম অসি স্পোন্সরিং বেঙ্কশিং, ভারত সরকারগী রুরেল দিবেলপমেন্ত মন্ত্রালয় অমসুং রাজ্য সরকারশিংগী মরক্তা ত্রিপতাইত পার্তনরশিপ অমনি।
• RSETIশিংনা অতেনবা মতমগী ত্রেনিং অমসুং অশাংবা মতমগী হেন্দহোল্দিং এপ্রোচতা থবক তৌই।
• RSETI প্রোগ্রাম অসি লৈবাক অসিগী রাজ্য অমসুং য়ুনিয়ন তেরিতোরী 33গী জিলা 588দা লুচিংবা বেঙ্ক 25 (পব্লিক অমসুং প্রাইবেৎ সেক্তর বেঙ্ক অনিমক, অমদি রুরেল বেঙ্ক খরা) না মেনেজ তৌরিবা RSETI 602গী খুত্থাংদা হৌজিক পায়খৎলি।
• RSETI স্কিমগী মখাদা, ভারত সরকারগী রুরেল দিবেলপমেন্ত মন্ত্রালয়না রাজ্য সরকারশিং অমসুং বেঙ্কশিংদা নৌনা শেম্বা জিলাশিংদা অনৌবা RSETI 44 হাংদোক্নবা এদমিনিস্ত্রেতিব এপ্রুভেল পীখ্রে।

• 1. ফিজিকেল প্রোগ্রেস –

• 2. ফাইনান্সিএল প্রোগ্রেস –

মায়পাকপশিং

• কেন্দ্রগী মন্ত্রী শ্রী শিবরাজ সিংহ চৌহাননা হায়খি মদুদি রাজ্য খুদিংগা লোইননা রিভিয়ু মীফমশিং লোইশিনখ্রে।
•  রুরেল দিবেলপমেন্ত মন্ত্রালয়না RSETI বিলদিংশিং শাবগীদমক গ্রান্ত অসি লুপা করোর 1দগী লুপা করোর 2দা হেনগৎহনখ্রে।
• নেস্নেল স্কিল ক্বালিফিকেসন কম্মিতী (NSQC) না অয়াবা পীরবা মতুংদা, এগ্রিকলচর এন্ত্রিপ্রেন্যুওরশিপ অমসুং 'পশু মিত্র' (এনিমেল ফ্রেন্দ) অমসুং 'মছলি মিত্র' (ফিশ ফ্রেন্দ) কৌবা অনৌবা কোর্স অনি হৌদোক্লে।
• RSETI 2.0 গী গাইদলাইনশিং অয়াবা পীখ্রে, অমসুং শেমদোক্লবা গাইদলাইনশিংদা য়ুম্ফম ওইদুনা প্রোগ্রাম অসি শোইদনা চৎথহন্নবগীদমক স্তেন্দর্দ ওপরেতিং প্রোসিজরশিং (SOPশিং) শেমগৎলি।
•  লর্নিং মেনেজমেন্ত সিস্তেম (LMS) অমা IIT, চেন্নাইনা NABARDগা খুৎশম্নদুনা দিবেলপ তৌরি।

এনেক্সর-I

অনৌবা লাখপতি দিদি লাখ 15 – জুন 09, 2024গী মতুংদা (রাজ্যগী ওইবা অকুপ্পা ৱারোলশিং)

এনেক্সর -II

লৈবাক অসিদা লৈরিবা লাখপতি দিদিশিংগী অপুনবা মশিং (রাজ্যগী মতুং ইন্না)

এনেক্সর -III

কম্ম্যুনিতী মেনেজ ত্রেনিং সেন্তর (CMTC)শিংগী মশিং (রাজ্যগী ওইনা)

এনেক্সর -IV

DAY-NRLMগী মখাদা হৌদোকখিবদগী অপুনবা মায়পাকপা

*****