حکومت ٹیلی کام صنعت میں درآمدات پر انحصار کم کرنے کے لیے ملک میں ٹیلی کام آلات کی مینوفیکچرنگ کو فروغ دینے کے لیے پرعزم ہے۔ درآمدات پر انحصار کم کرنے کے لیے پیداوار سے متعلق مراعات (پی ایل آئی)  اسکیم کو جون 2021 میں ٹیلی کام اور نیٹ ورکنگ مصنوعات کے لیے شروع کیا گیا۔ اسکیم کی اہم خصوصیات درج ذیل ہیں:

• کل مالی منصوبہ بندی: 12,195 کروڑ روپے۔
• ٹیلی کام اور نیٹ ورکنگ کے کل 33مصنوعات۔
• 4 سے 7 فیصد تک مراعات۔
• ایم ایس ایم ایز کے لیے پہلے تین سالوں کے لیے اضافی 1 فیصد مراعات۔
• بھارت میں تیار کردہ مصنوعات کے لیے اضافی 1 فیصد مراعات۔

30 ستمبر 2024 تک،  پی ایل آئی کے تحت تیار کردہ ٹیلی کام آلات کی فروخت 65,320 کروڑ روپے تک پہنچ چکی ہے، جس میں 12,384 کروڑ روپے کی برآمدات بھی شامل ہیں۔

ٹیلی کام آلات کی مقامی مینوفیکچرنگ کو فروغ دینے کے لیے حکومت کی جانب سے اٹھائے گئے مزید اقدامات درج ذیل ہیں:

1. ٹیلی کام ٹیکنالوجی ڈیولپمنٹ فنڈ (ٹی ٹی ڈی ایف) اسکیم:

یہ اسکیم یکم اکتوبر 2022 کو شروع کی گئی تھی جس کا مقصد دیہی اور دور دراز علاقوں میں ٹیلی کام خدمات فراہم کرنے کے لیے ٹیکنالوجیز، مصنوعات اور خدمات کی تحقیق و ترقی کو فنڈنگ فراہم کرنا ہے۔

2.  ڈیجیٹل کمیونیکیشنز انوویشن اسکوائر (ڈی سی آئی ایس) اسکیم:

یہ اسکیم 2021 میں شروع کی گئی تاکہ انجینئرنگ میں تخلیقی خیالات اور معلومات کو پائلٹ آپریشن، فیلڈ ڈپلائمنٹ یا قابل عمل ٹیکنالوجی کی ترقی میں تبدیل کیا جا سکے۔

3.  بڑی پیمانے پر الیکٹرانکس مینوفیکچرنگ کے لیے  پی ایل آئی اسکیم:

یہ اسکیم 1 اپریل 2020 کو نوٹیفائی کی گئی، جس کا مقصد موبائل فونز اور مخصوص الیکٹرانک اجزاء کی مینوفیکچرنگ میں شامل کمپنیوں کو اضافی فروخت پر مراعات فراہم کرنا ہے۔

4.  الیکٹرانک اجزاء اور سیمی کنڈکٹرز کی مینوفیکچرنگ کے فروغ کے لیے اسکیم (ایس پی ای سی ایس):

یہ اسکیم یکم اپریل 2020 کو نوٹیفائی کی گئی، جس کے تحت الیکٹرانک مصنوعات کی ویلیو چین میں شامل اشیاء کی مال سازی کے لیے سرمایہ کاری پر 25 فیصد مالی مراعات فراہم کی جاتی ہیں۔

5.  ترمیم شدہ الیکٹرانکس مینوفیکچرنگ کلسٹرز (ای ایم سی 2.0) اسکیم:

یہ اسکیم 1 اپریل 2020 کو نوٹیفائی کی گئی، جس کا مقصد عالمی معیار کا انفراسٹرکچر اور مشترکہ سہولیات فراہم کرنا ہے تاکہ بڑے عالمی الیکٹرانکس مینوفیکچررز اور ان کی سپلائی چین کو ملک میں یونٹس قائم کرنے کے لیے راغب کیا جا سکے۔

برآمدات کی ترقی:

مالی سال 24 -2023 میں ٹیلی کام مصنوعات کی برآمدات 1,49,563 کروڑ روپے تک پہنچ گئیں، جبکہ مالی سال 15 -2014  میں یہ صرف 9,978 کروڑ روپے تھیں۔

یہ معلومات وزیر مملکت برائے مواصلات ڈاکٹر پیماسانی چندر شیکھر،  نے آج لوک سبھا میں ایک سوال کے تحریری جواب میں فراہم کیں۔   

 

ش ح ۔  ش ا ر  ۔  م ت                                         

04.12.2024

U - 3450

(Release ID: 2080847) Visitor Counter : 13