পি.এ.সি.এসগী বাইলোশিং শেমদোকপগা লোয়ননা অমসুং হায়রিবা মোদেল বাইলোশিং রাজ্যশিং/য়ু.তিশিংনা চৎনবদগী, হৌজিক পি.এ.সি.এসনা ঙা য়োকপা য়াওনা ললোন-ইতিক্কী থবক 25 হেন্না পায়খৎলে।

রাজ্যশিং/য়ু.তিশিং, নেসনেল লেবেল ফেদেরেসনশিং, স্তেৎ কোওপরেতিপ বেঙ্কশিং, দিস্ত্রিক সেন্ত্রেল কোওপরেতিপ বেঙ্কশিং য়াওনা মরী লৈনবা খুদিংমক খন্নদুনা সরকারনা পি.এ.সি.এসগীদমক মোদেল বাইলোশিং শেম-শারে অমসুং য়েন্থোক্লে অমসুং মসিনা পি.এ.সি.এসনা ললোন-ইতিক্কী থবক 25 হেন্না পায়খৎলে, থবক ফগৎহল্লে, মখোয়গী থবকশিংদা অরোন-অথুপ লৈতনা থবক তৌবা অমসুং মরম চানা থবক তৌবা হেনগৎহল্লে। পি.এ.সি.এসদা নুপীশিং, এস.তি অমসুং এস.সি মশি য়াম্না শরুক  য়াহল্লে। হৌজিক ফাওবদা রাজ্য/য়ু.তি 32 দা মোদেল বাইলোশিং চৎনরে নত্ত্রগা হৌজিক লৈরিবা বাইলোশিং অদু মোদেল বাইলোশিংগা চুন্নবা শেমদোক্লে।

নেসনেল কোওপরেতিপ দেতাবেজগী মতুংইন্না, হৌজিক লৈবাক অসিদা লৈরিবা প্রাইমারি ফিসরিজ কো-ওপরেতিপ সোসাইতিশিংগী রাজ্যশিংগী অকুপ্পা মরোল এন্নেক্সরদা য়াওরে।

সরকারনা 15.02.2023 দা, লৈবাক অসিদা কোওপরেতিপ ইহৌ মপাঙ্গল কনখৎহন্নবা থৌরাং অয়াবা পীখ্রে। থৌরাং অদুদা অনৌবা হিরম খুদিংমক্ত থবক পাংথোকপা পি.এ.সি.এস অমসুং ফিসরিজ কোওপরেতিপ সোসাইতিশিং মথং চহি মঙাদা লৈবাক অসিগী পঞ্চায়তশিং/খুঙ্গংশিংদা লিংখৎপা য়াওরি। থবক অসিদা হৌজিক লৈরিবা ভারত সরকারগী তোঙান-তোঙানবা স্কিমশিং হায়বদি দাইরি ইনফ্রাস্ত্রকচর দিবলপমেন্ত ফন্দ, নেসনেল প্রোগ্রাম ফোর দাইরি দিবলপমেন্ত, পি.এম মতস্যা সম্পদা য়োজনা অসি নাবার্দ, নেসনেল দাইরি দিবলপমেন্ত বোর্দ অমসুং নেসনেল ফিসরিজ দিবলপমেন্ত বোর্দ অমসুং রাজ্য সরকারশিংগী মতেংগা লোয়ননা পুনশিল্লে।

এন্নেক্সর

রাজ্যশিংদা লৈরিবা ফিসরিজ কোওপরেতিপ সোসাইতি মশিং

ৱাফম অসি ঙসি রাজ্য সভাদা অইবা ওইনা পীখিবা পাউখুম অমদা কোওপরেসনগী মিনিস্তর শ্রী অমিত সাহনা ফোঙদোকখিবনি।

*****