امداد باہمی کے وزیر جناب امت شاہ نے راجیہ سبھا میں ایک سوال کے تحریری جواب معلومات فراہم کرتے ہوئے کہا کہ مہاراشٹر، اتر پردیش، تمل ناڈو، کرناٹک نے نیشنل کوآپریٹو ڈیولپمنٹ کارپوریشن (این سی ڈی سی)، نیشنل بینک فار ایگریکلچر اینڈ رورل ڈیولپمنٹ (نابارڈ) اور نابارڈ کنسلٹنسی سروسز (نیب کونس) کے اشتراک سے دنیا کی سب سے بڑی اناج ذخیرہ کرنے کی اسکیم کے پائلٹ پروجیکٹ کے تحت امداد باہمی کے شعبے نے 11 ریاستوں یعنی گجرات، مدھیہ پردیش، اتراکھنڈ، آسام، تلنگانہ، تریپورہ اور راجستھان میں پرائمری ایگریکلچرل کریڈٹ سوسائٹیز (پی اے سی ایس) کی سطح پر گودام بنائے ہیں۔مہاراشٹر، راجستھان اور تلنگانہ ریاستوں میں بنائے گئے 11 اسٹوریج مراکز میں سے 3 کو پی اے سی ایس نے استعمال میں لایا ہے۔ اتر پردیش، مدھیہ پردیش اور گجرات کی ریاستوں میں ریاستی/مرکزی ایجنسیوں کے ذریعہ 3 کی خدمات حاصل کی گئی ہیں۔

 اس کے علاوہ، پائلٹ پروجیکٹ کو بڑھا دیا گیا ہے اور کوآپریٹو سیکٹر میں دنیا کے سب سے بڑے اناج ذخیرہ کرنے کے منصوبے کے تحت گوداموں کی تعمیر کے لیے 21 نومبر 2024 کو ملک بھر میں 500 سے زیادہ اضافی پی اے سی ایس کی نشاندہی کی گئی ہے۔

منصوبے کے تحت حکومت ہند کی مختلف موجودہ اسکیموں جیسے ایگریکلچرل انفراسٹرکچر فنڈ (اے آئی ایف)، ایگریکلچرل مارکیٹنگ انفراسٹرکچر اسکیم (اے ایم آئی) وغیرہ کے ملاپ کے ذریعے پی اے سی ایس کو سبسڈی دی جاتی ہے۔اے آئی ایف  اسکیم کے تحت، 2+5 سال کے قرض کی واپسی کی مدت کے ساتھ 2 کروڑ روپے تک کے منصوبوں کے لیے3 فیصد سود کی رعایت فراہم کی جاتی ہے۔ مزید برآں، اے ایم آئی اسکیم کے تحت اسٹوریج یونٹس کی تعمیر کے لیے پی اے سی ایس کو 33.33فیصد سبسڈی فراہم کی جاتی ہے۔مزید برآں، اے ایم آئی اسکیم کے تحت پی اے سی ایس کے لیے مارجن منی کی ضرورت کو 20فیصد سے کم کر کے 10فیصد کر دیا گیا ہے۔اسٹوریج کے بنیادی ڈھانچے (جس میں ذیلی اشیاء جیسے باؤنڈری والز، نکاسی وغیرہ شامل ہیں) کی سرمایہ کاری کی قیمت پر مدد کے علاوہ، پی اے سی ایس کو اب ذیلی اشیاء پر اضافی سبسڈی دی جاتی ہے ،جس کے تحت گودام کے اجزاء پر کل قابل قبول سبسڈی کا 1/3 حصہ یا اصل جو بھی کم ہے، تک محدود ہے۔پائلٹ پروجیکٹ کے تحت، 11 ریاستوں کے 11 پی اے سی ایس میں 9,750 ایم ٹی کی کل ذخیرہ کرنے کی گنجائش کے ساتھ 11 اسٹوریج گوداموں کی تعمیر مکمل ہو چکی ہے۔

***

ش ح۔ ک ا۔ن م