প্রধান মন্ত্রী উজ্জ্বলা য়োজনা (PMUY) অসি লৈবাক শীনবা থুংনা লৈরিবা লায়রবা ইমুংশিংগী অহল ওইরবা নুপীশিংদা দিপোজিৎ ফ্রী LPG কন্নেক্সন ফংহন্নবা পান্দমগা লোয়ননা মে, 2016দা হৌদোকখি। নবেম্বর 1, 2024 ফাওবদা, ভারত্তা এক্তিব দোমেস্তিক LPG কঞ্জ্যুমরশিংগী অপুনবা মশিং অসি করোর 32.83 ওইরি। মসিদা প্রধান মন্ত্রী উজ্জ্বলা য়োজনা (PMUY) গী কান্নবা ফংলবা করোর 10.33 য়াওরি। মসি এপ্রিল 1, 2016 ফাওবদা লৈবা দোমেস্তিক LPG কঞ্জ্যুমর করোর 16.63দগী য়াম্না চাউনা হেনগৎলকপনি। PMUYগী ইমপ্লিমেন্ত তৌবনা লৈবাক অসিদা LPGগী কভরেজ অসি 2016গী এপ্রিলদা চাদা 62 ওইরম্বা অদুদগী হৌজিক্তি মপুং ফানা সেচুরেসন ফংনবা মতেং পাংলি।

মসিগী মথক্তা, দোমেস্তিক LPGগী কঞ্জ্যুম্পসন অসিসু PMUY ইমপ্লিমেন্ত তৌবা অমসুং খুঙ্গংগী মফমশিংদা এক্সেস হেনগৎলকপনা শরুক তম্বনা মরম ওইদুনা শীংথানীংঙাই ওইনা হেনগৎলকখি। শেনবা চহি 2023-24দা, ভারত্তা দোমেস্তিক LPG কঞ্জ্যুমরশিংনা অপুনবা ওইনা রিফিল করোর 184.56 লৌখি। মসিগী মনুংদা PMUY কঞ্জ্যুমর করোর 39.38 য়াওখি। লৈবাক অসিদা দোমেস্তিক LPGগী কঞ্জুম্পসন অসি FY 2015-16দা 17.2 MMT ওইরম্বদগী FY 2023-24দা 26.2 MMTদা হেনগৎলকখি। PMUYগী বেনিফিসরীশিংগী মরক্তা শিজিন্নবগী মওং-মতৌনা হেনগৎলকপগী ত্রেন্দ অমা উৎলি। 2024গী ওক্তোবর খক্তদা PMUYগী বেনিফিসরীশিংদা LPG রিফিল করোর 4 হেন্না তৌখি। মসিনা সেগমেন্ত অসিগী মনুংদা LPG শিজিন্নবা অসি হেনগৎলক্লি তাক্লি।

লৈবাক অসিগী খুঙ্গংগী মফমশিংদা LPGগী এক্সেস হেনগৎহন্নবা তোঙান-তোঙানবা খোঙথাংশিং পায়খৎলি মখোয় অদুদি, PMUY প্রমোৎ তৌনবা কেম্পেনশিং শিনবা, কন্নেক্সনশিং এনরোল অমসুং দিস্ত্রিব্যুৎ তৌনবা মেলা/কেম্পশিং শিনবা, আউত ওফ হোম (OOH) হোর্দিংশিং, রেদিও জিঙ্গলশিং, ইনফোর্মেসন, এজুকেসন অমসুং কম্ম্যুনিকেসন ভেনশিংনচিংবগী খুত্থাংদা প্রমোসন তৌনবা, অতৈ কনভেন্সনেল ফ্যুএলশীংগী মহুৎ LPG শিজিন্ননবা অমসুং LPG পঞ্চায়ৎশিংগী খুত্থাংদা LPG শাফনা শিজিন্ননবা  এৱেরনেস পীবা, ভিকসিৎ ভারত সঙ্কল্প য়াত্রাগী মখাদা এনরোলমেন্ত/এৱেরনেস কেম্পশিং পাংথোকপা, PMUY কন্নেক্সন লৌনবা আধার এনরোলমেন্ত অমসুং বেঙ্ক একাউন্তশিং হাংনবা কঞ্জ্যুমরশিং অমসুং মখোয়গী ইমুং-মনুংশিংগী মতেং পাংবা, LPG কন্নেক্সন লৌশিনবগী প্রোসেস লায়থোকহনবা, www.pmuy.gov.in, মনাক নকপা LPG দিস্ত্রিব্যুতরশিং, কম্মন সর্ভিস সেন্তরশিং (CSC)দা PMUY কন্নেক্সনগীদমক ওনলাইন এপ্লিকেসন থাজিনবা, দবল বোত্তল কন্নেক্সন (DBC)গী কেজি 5গী ওপ্সন, কেজি 14.2দগী কেজি 5দা স্বেপ ওপ্সন পীবা, মাইগ্রেন্ত ইমুংশিংদা প্রুফ ওস এদ্রেস অমসুং রাসন কার্দকী মহুৎ সেল্ফ-দেক্লেরেসনদা অনৌবা কন্নেক্সন পীবা, প্রধান মন্ত্রী গরিব কল্যান পেকেজকী মখাদা PMUY বেনিফিসরীশিংদা এপ্রিল 2020দগী দিসেম্বর 2020 ফাওবা লেম্না রিফিল 3 ফংহনবা অসিনি।

মসিগী মথক্তা, OMCশিংনা অখন্ননা খুঙ্গংগী মফমশিংদা অনৌবা LPG দিস্ত্রিব্যুতরশিপশিং লেপ্তনা কম্মিসন তৌরি। PMUY স্কিম হৌদোকখিবদগী OMCশিংনা লৈবাক শীনবা থুংনা দিস্ত্রিব্যুতরশিপ 7944 (1.04.2016দগী 31.10.2024 ফাওবদা কম্মিসন তৌখিবা) কম্মিসন তৌখ্রে। মসিগী মনুংদা 7361 (হায়বদি চাদা 93) না খুঙ্গংগী মফমশিংদা থবক তৌরি। নবেম্বর 1, 2024 ফাওবদা লৈবাক শিনবা থুংনা LPG দিস্ত্রিব্যুতরশিপ 25,532 লৈরি। মসি এপ্রিল 1, 2016 ফাওবদা দিস্ত্রিব্যুতরশিপ 17,916 লৈখিবদগী হেনগৎলকপনি।

কম্প্রিহেন্সিব এন্যুএল মোদ্যুলর সর্ভে (CAMS) 2022-23 অসি স্তেতিস্তিক্স অমসুং প্রোগ্রাম ইমপ্লিমেন্তেসন মন্ত্রালয়গী মীৎয়েং মখাদা জুলাই 2022 অমসুং জুন 2023গী মরক্তা নেস্নেল সেম্পল সর্ভে (NSS) সর্ভে অদুদা রিপোর্ত তৌখিবা পেরামিতরশিংগী মনুংদা অমা ওইরিবা চাক থোংবদা শিজিন্নরিবা ইনর্জীগী প্রাইমরী সোর্স অদুগা মরী লৈনৈ। মসিদা চাক থোংবগী মরুওইবা ইনর্জীগী সোর্স অসি ইমুং অমনা চাক থোংবদা অয়াম্বা মতমদা শিজিন্নবা ইনর্জীগী সোর্স অমনি হায়না তাক্লি।

তোঙান তোঙানবা স্তদীশিংনা উৎলি মদুদি ভারতকী য়ুমথোং কয়াদা চাক থোংবদা ফ্যুএল কয়ামরুম শিজিন্নৈ, মসি অয়াম্বনা ফ্যুএল স্তেকিং হায়নসু খঙনৈ। PMUYগী য়ুমথোংশিংগী ওইনদি, LPG অসি চাক থোংবদা শিজিন্নবা ফ্যুএলশিংগী মনুংদা অমনি। য়ুমথোংশিংদা LPG শিজিন্নবগী চাং অসি থোং-থাকপগী অপাম্বশিং, মহাওশিং, পন্থাশিং, চিঞ্জাক্কী মখলশিং, চিঞ্জাক্কী মগুনশিং, চৎনবীশিং, মমল অসিনচিংবা মখল কয়াগী মরমশিংনা ইথিল পী। চিঞ্জাক শেম্বগীদমক LPGবু মরুওইবা ইনর্জীগী হৌরকফম ওইনা শিজিন্নবা হায়বসিদা লমচৎ শাজৎ হোংবা অমসুং মতম চংই। PMUYগী কঞ্জ্যুমরশিংনা দোমেস্তিক LPGগী কঞ্জ্যুম্পসন লেপ্তনা হেনগৎলকপা অসিনা PMUYগী কঞ্জ্যুমরশিংগী 80% হেনবদা য়াওরিবা খুঙ্গংগী ইমুংশিংনা LPGবু হেন্না পাম্নরকপগী খুদম ওইরি। 2019-20দা PMUYগী য়ুমথোংশিংদা মীওই অমগী চাংদা শিজিন্নবা অসি রিফিল 3.01 (দোমেস্তিক LPGসিলিন্দর কে.জি. 14.2গী চাংদা) দগী 2023-24দা 3.95দা হেনগৎখ্রে। 2024-25দা চহিগী ওইবা বেসিসতা 4.34দা হেনগৎখ্রে।

সরকারনা দোমেস্তিক LPGগী রিতেল মমলশিং হোংদোকহল্লি অমসুং লৈবাক অসিদা দোমেস্তিক LPGগী মমল হোংহন্নবা খোংথাং কয়া লৌখৎলি। মসিগী মাইকৈ অসিদা সরকারনা 2023গী ওগস্ত 30দগী হৌদুনা কঞ্জ্যুমর পুম্নমক্কী দোমেস্তিক LPGগী রিতেল সেলিং প্রাইস কেজি 14.2গী LPG সিলিন্দর অমগী লুপা 200 হন্থখ্রে। সরকারনা 2024গী মার্চ 9দগী হৌদুনা দোমেস্তিক LPGগী RSP মার্চ 9, 2024দগী কেজিদা লুপা 100দা হন্থহনখ্রে। হৌজিক দিল্লীদা দোমেস্তিক LPGগী RSP অসি কেজি 14.2গী সিলিন্দরগী ওইনা লুপা 803নি।

2022গী মে 21দগী হৌরগা, সরকারনা চহি অমদা লুপা 200গী চাংদা কেজি 14.2গী LPG সিলিন্দরগীদমক প্রধান মন্ত্রী উজ্জ্বলা য়োজনা (PMUY) গী কান্নবা ফংলবা মীওইশিংদা চহি অমদা লুপা 12গী চাংদা রিফিল তৌবগীদমক পান্দম থমদুনা সবসিদী পীরি। মসিগী মথক্তা, 2023গী ওক্তোবর 5দগী, সরকারনা প্রধান মন্ত্রী উজ্জ্বলা য়োজনা (PMUY) গী কান্নবা ফংলবা মীওই পুম্নমক্কীদমক LPG সিলিন্দর কেজি 14.2গীদমক পান্দম থম্লিবা সবসিদী অসি লুপা 300দা হেনগৎহনখ্রে। সিলিন্দর খুদিংগী লুপা 300গী পান্দম থমদুনা সবসিদী পীবগা লোয়ননা (অমসুং কেজি 5গী সিলিন্দরগীদমক্তা চাংদম্নদুনা পীবা) অসিগা লোয়ননা PMUYগী কঞ্জুমরশিংগীদমক হৌজিক্কী ওইনা কেজি 14.2গী সিলিন্দর খুদিংগী (দিল্লীদা) লুপা 503 ওইরি।

ই-পাউ অসি ঙসি রাজ্য সভাদা অইবা পাউখুম অমদা পেত্রোলিয়ম অমসুং নেচরেল গ্যাসকী কেন্দ্রগী রাজ্য মন্ত্রী শ্রী সুরেশ গোপিনা ফোংদোকখিবনি।

****