উপ-ৰাষ্ট্ৰপতি সচিবালয়
উপৰাষ্ট্ৰপতিয়ে কয়, যুৱক-যুৱতীসকল সংসদীয় গণতন্ত্ৰৰ প্ৰহৰী
উপৰাষ্ট্ৰপতিয়ে কয়, ক্ষমতাৰ বাট-পথৰ পৰা ভ্ৰষ্টাচাৰক শেষ কৰি দিয়া হৈছে আৰু ইয়াৰ ফলত যুৱ প্ৰতিভাৰ বাবে সমান সুযোগ উপলব্ধ হৈছে
উপৰাষ্ট্ৰপতিয়ে কয়, প্ৰাকৃতিক সম্পদৰ অধিকতম ব্যৱহাৰ হ’ব লাগে
উপৰাষ্ট্ৰপতিয়ে আহ্বান জনায় যে স্থানীয় সামগ্ৰীৰ ওপৰত বিশ্বাস প্ৰতিপন্ন কৰিলে ৰাষ্ট্ৰীয় অৰ্থনীতিত বহুত ডাঙৰ যোগদান হ’ব
উপৰাষ্ট্ৰপতিয়ে কয়, ভাৰত এখন এনেকুৱা দেশ যি স্থলত, সমুদ্ৰত, আকাশত আৰু অন্তৰীক্ষত নিৰন্তৰ অগ্ৰসৰ হৈ আছে
উপৰাষ্ট্ৰপতিয়ে দুইমুখত ৰাজীৱ গান্ধী বিশ্ববিদ্যালয়ৰ বিদ্যাৰ্থীসকলক সম্বোধন কৰে
Posted On:
30 NOV 2024 5:19PM by PIB Guwahati
উপ-ৰাষ্ট্ৰপতি শ্ৰীযুত জগদীপ ধনখৰে আজি প্ৰতিজন সাংসদক দেশৰ জনসাধাৰণে ৰখা আস্থাক ন্যায্যতা প্ৰদান আৰু পুনৰ দৃঢ়তা প্ৰদান কৰিবলৈ আহ্বান জনায়। তেওঁ কয়, আমাৰ ইতিবাচক কাৰ্যৰ জৰিয়তে মানুহৰ আকাংক্ষা আৰু সপোন বাস্তৱায়িত কৰিব লাগিব। শ্ৰী ধনখৰে বিতৰ্ক, সংবাদ, আলোচনা আৰু সমালোচনাৰ পৰা আঁতৰি থাকিবলৈ ৰাজনৈতিক কৌশল হিচাপে প্ৰতাৰণা আৰু অশান্তিক অস্ত্ৰ হিচাপে ব্যৱহাৰ কৰাটো তীব্ৰ সমালোচনা কৰে। শ্ৰী ধনখৰে সাংসদসকলক সোঁৱৰাই দিয়ে যে দেশৰ যুৱক-যুৱতীসকলে গণতন্ত্ৰৰ প্ৰহৰী হিচাপে সেৱা আগবঢ়াই তেওঁলোকক চাই আছে আৰু তেওঁলোকক জবাবদিহি কৰিব।
আজি অৰুণাচল প্ৰদেশৰ দুইমুখৰ ৰোণো হিল্সত অৱস্থিত ৰাজীৱ গান্ধী বিশ্ববিদ্যালয়ৰ ২২ সংখ্যক দীক্ষান্ত সমাৰোহত বিদ্যাৰ্থীসকলক সম্বোধন কৰি, শ্ৰী ধনখৰে কয় যে দুৰ্নীতি যুৱ মনৰ ওপৰত এটা ডাঙৰ বোজা আছিল। পক্ষপাত, ভ্ৰষ্টাচাৰ, ভাই-ভতিজাবাদ – এইবোৰে আপোনাৰ প্ৰতিভাক ধ্বংস কৰি আছিল। চাকৰি, চুক্তি আৰু সুযোগৰ বাবে দুৰ্নীতি আছিল এটা পাছৱৰ্ড। এইটো নোহোৱা হৈ গৈছে। ক্ষমতাৰ বাট-পথৰ পৰা দুৰ্নীতিক শেষ কৰি দিয়া হৈছে।
বিশ্বৰ মঞ্চত ভাৰতৰ অভূতপূৰ্ব উত্থানৰ বিষয়ে বিচাৰ ব্যক্ত কৰি, উপ-ৰাষ্ট্ৰপতিগৰাকীয়ে কয় যে ভাৰত এখন এনেকুৱা দেশ যি নিৰন্তৰ আগুৱাই গৈ আছে - লাগে আপুনি সমুদ্ৰক চাওক, লাগে আপুনি স্থলত চাওক, লাগে আপুনি আকাশলৈ চাওক অথবা অন্তৰীক্ষত নজৰ দিয়ক। তেওঁ এই তথ্যৰ ওপৰত আলোকপাত কৰে যে ভাৰত ইতিমধ্যে বিশ্বৰ পঞ্চম বৃহত্তম অৰ্থনীতি হিচাপে পৰিগণিত হৈছে আৰু তৃতীয় বৃহত্তম অৰ্থনীতি হোৱাৰ পথত আগবাঢ়িছে।
স্থানীয় সামগ্ৰীক উদ্গনি দিবলৈ, উপ-ৰাষ্ট্ৰপতিগৰাকীয়ে নাগৰিকসকলক থলুৱা উদ্যোগসমূহক সমৰ্থন কৰিবলৈ আহ্বান জনায়। তেওঁ জোৰ দি কয়, যদি আপুনি স্থানীয় সামগ্ৰীৰ ওপৰত বিশ্বাস প্ৰতিপন্ন কৰে তেন্তে ৰাষ্ট্ৰীয় অৰ্থনীতিত আপোনাৰ এক বৃহৎ যোগদান দিয়া হ’ব। কাপোৰ, আচবাব, পৰ্দা আৰু খেলনাৰ দৰে আমদানিকৃত সামগ্ৰীৰ ওপৰত নিৰ্ভৰশীল হোৱাৰ ক্ষতিকাৰক প্ৰভাৱৰ ওপৰত আলোকপাত কৰি তেওঁ কয়, প্ৰথম কথা, নিয়োগ – ই আমাৰ সেইসকল মানুহৰ পৰা নিয়োগ কাঢ়ি লৈ যায়, যিসকলে ইয়াক সৃষ্টি কৰিব পাৰিলেহেঁতেন। দ্বিতীয়তে, ই আমাৰ বৈদেশিক মুদ্ৰাৰ মজুত হ্ৰাস কৰে। তৃতীয়তে, আমাৰ উদ্যমশীলতা ম্লান হয়। শ্ৰী ধনখৰে কয়, পেট্ৰ’ল বা গেছ বা আন কোনো প্ৰাকৃতিক সম্পদৰ ব্যৱহাৰ কেৱল এইকাৰণেই নকৰিব কিয়নো আপোনাৰ জেপে ইয়াক বহন কৰিব পাৰে। নহয়—আপুনি এজন ট্ৰাষ্টী। প্ৰাকৃতিক সম্পদৰ সৰ্বাধিক ব্যৱহাৰ কৰিব লাগিব।
নিজৰ ভাষণ শেষ কৰি, উপ-ৰাষ্ট্ৰপতিগৰাকীয়ে বিদ্যাৰ্থীসকলক এনে সময়ত এখন মহান ৰাষ্ট্ৰৰ নাগৰিক হোৱাৰ তেওঁলোকৰ অপাৰ বিশেষাধিকাৰৰ কথা সোঁৱৰাই দিয়ে, যি সময়ত ভাৰতে বিশ্ব পৰ্যায়ত অভূতপূৰ্ব মান্যতা লাভ কৰি আছে। তেওঁ কয়, আপোনালোক অত্যন্ত সৌভাগ্যৱান যে আপোনালোক এই মহান ৰাষ্ট্ৰৰ নাগৰিক আৰু আপোনালোকৰ এনে এটা সময়ত জীয়াই থকাৰ সৌভাগ্য হৈছে, যেতিয়া ভাৰতৰ এনে এক পৰিচয় আছে যি আগতে কেতিয়াও নাছিল।
এই উপলক্ষে অৰুণাচল প্ৰদেশৰ ৰাজ্যপাল লেফটেনেণ্ট জেনেৰেল কৈৱল্য ত্ৰিবিক্ৰম পৰণাইক, পিভিএছএম, ইউৱাইএছএম, ৱাইএছএম (সেৱানিবৃত্ত), ৰাজীৱ গান্ধী বিশ্ববিদ্যালয়ৰ চেঞ্চেলৰ ড° জে সুৰেশ বাবু, আইএএছ, ৰাজীৱ গান্ধী বিশ্ববিদ্যালয়ৰ কুলপতি, অধ্যাপক এছ কে নায়কৰ লগতে অন্যান্য বিশিষ্ট ব্যক্তিসকলো উপস্থিত আছিল।
**********
JK/SM
(Release ID: 2079709)
Visitor Counter : 14