ہندوستان-ملائیشیا مشترکہ فوجی مشق ہریماؤ شکتی کا چوتھا ایڈیشن آج ملائیشیا کے ضلع پہانگ کے بینٹونگ کیمپ میں شروع ہو گیا ہے۔ یہ مشق 2 سے 15 دسمبر 2024 تک جاری رہے گا۔

78 اہلکاروں پر مشتمل ہندوستانی دستے کی نمائندگی مہار رجمنٹ کی ایک بٹالین کر رہی ہے۔ ملائیشیا کے دستے کی نمائندگی رائل ملائیشین رجمنٹ کے 123 اہلکار کر رہے ہیں۔ مشترکہ مشق حریماؤں شکتی  ایک سالانہ تربیتی پروگرام ہے جو متبادل طور پر ہندوستان اور ملائیشیا میں منعقد کیا جاتا ہے۔ آخری ایڈیشن نومبر 2023 میں ہندوستان کے میگھالی میں امروئی چھاؤنی میں منعقد کیا گیا تھا۔

مشترکہ مشق کا مقصد اقوام متحدہ کے مینڈیٹ کے باب  سات  کے تحت جنگل کے علاقوں میں شورش کے خلاف کارروائیوں کے لیے دونوں فریقوں کی مشترکہ فوجی صلاحیت کو بڑھانا ہے۔  یہ مشق جنگل کے ماحول میں کارروائیوں پر توجہ مرکوز کرے گی۔

مشق دو مرحلوں میں کی جائے گی۔ پہلے مرحلے میں دونوں فوجوں کے درمیان کراس ٹریننگ پر توجہ مرکوز کی جائے گی جس میں لیکچرز،  نمائش  اور جنگلی  علاقوں میں مختلف ڈرلز کی مشقیں شامل ہیں۔ آخری مرحلے میں دونوں فوجیں ایک فرضی مشق میں بڑھ چڑھ کر حصہ لیں گی، جس میں دستے مختلف مشقیں کریں گے جن میں اینٹی ایم ٹی ایمبش، ہاربر پر قبضہ، ریکی گشت، گھات لگانا اور دہشت گردوں کے زیر قبضہ علاقے پر حملہ شامل ہیں۔

 مشق حریماؤ شکتی دونوں فریق کو حکمت عملیوں، تکنیکوں اور مشترکہ کارروائیوں کے طریقہ کار میں بہترین طریقوں کا اشتراک کرنے کے قابل بنائے گی۔ یہ دونوں فوجوں کے درمیان باہمی تعاون، دوستی اور  ہمدردی  کو فروغ دینے میں سہولت فراہم کرے گا۔ مشترکہ مشق دفاعی تعاون کو بھی فروغ دے گی اور دونوں دوست ممالک کے درمیان دوطرفہ تعلقات کو مزید فروغ دے گی۔

**********

ش ح۔ع ح۔ رض

U:3275