IISF 2024দা খুন্নাইগী শরুক খুদিংমক্তা সাইন্স অমসুং তেক্নোলোজীগী মতাংদা খন্ন-নৈন্নবা থৌরম 25 পাংথোক্নবা থৌরাং তৌরি অদুবু মখোয় অনি অমদি মরুওইবা থৌদাং অমা লৌরি মরমদি মখোয়শিং অসি য়াওদনা মীয়ামদা য়ৌহনবা ঙম্লোই। হায়রিবা থৌরম অনি অসি S&T মীদিয়া কনক্লেব অমসুং বিজ্ঞানিকানি। মখোয় অনি অসি ভারত্তা সাইন্স অমসুং তেক্নোলোজীগী থবক-থৌরমশিং থৌগৎলিবা CSIRগী কন্সতিত্যুএন্ত ওর্গনাইজেসন অমা ওইরিবা CSIR - নেস্নেল ইন্সতিত্যুৎ ওফ সাইন্স কম্ম্যুনিকেসন এন্দ পোলিসী রিসর্চ (NIScPR) না শীনবনি।

সাইন্স এন্দ তেক্নোলোজী মীদিয়া কনক্লেব 2024 অমসুং বিজ্ঞানিকা অসি IISF 2024গী তঙাইফদবা থৌরমশিংনি মসিগী পান্দমদি ভারত্তা সাইন্স কম্ম্যুনিকেসন অমসুং লিতরেসীগী মরুওইবা অদু খন্ননবা সাইন্তিস্তশিং, জর্নেলিস্তশিং অমসুং মীদিয়া প্রোফেস্নেলশিং পুনশিন্নবনি।

2024গী দিসেম্বর 1-2দা পাংথোক্কদৌরিবা মীদিয়া কনক্লেব অসি সাইন্স কম্ম্যুনিকেতরশিংগীদমক ৱাখল তাহনবা প্লেৎফোর্ম অমা ওইগনি হায়না থাজবা পীরি। মসিদা নুমিৎ নিনিগী ওইবা প্রোগ্রামগী মনুংদা পেনেল দিস্কসন, ইন্তরেক্সন অমসুং সাইন্স মেন্তেলিজম শো য়াওনা নুংঙাইবা সেসন কয়া অমা য়াওগনি। থৌরম অসি সেসন 6 থোক্না খাইদোক্কনি, নুমিৎ খুদিংগী সেসন 3দা সাইন্স কম্ম্যুনিকেসন অমসুং দিসিমিনেসনগী হিরম খুদিংমক কোনশিনগদবা তোঙান তোঙানবা থীমশিং লৈগনি।

ভারতকী অৱাং নোংপোক লমদমদা সাইন্স কম্ম্যুনিকেসনগী শীংনবশিং অমসুং খুদোংচাবশিংদা মীৎয়েং থমগদবা, নোর্থ-ইস্ত মেদিয়াদা S&T দিসিমিনেসনগুম্বা থীমশিং লৈ। মসিগীদমক অৱাং নোংপোক ভারতকী সাইন্স ওর্গনাইজেসনশিংগী এক্সপর্তশিং অমসুং লুচিংবশিংবু খন্ন-নৈনবগীদমক কৌখ্রে। মতৌ অসুম্না, নেস্নেল এৱার্দ ফিল্ম মেকরশিংনা মীয়ামগী মরক্তা সাইন্সকী ওইবা এৱেরনেস শেমগৎপদা সাইন্সতা য়ুম্ফম ওইবা ফিল্মশিংগী ইম্পেক্তকী মতাংদা সেসন অমা পাংথোক্কনি অমসুং অতোপ্পা সেসনশিং অমনা অমগা ৱারী শানদুনা (অহানবা নুমিৎ) অমসুং পেনেল দিস্কসন (নিনিশুবা নুমিৎ) গী খুত্থাংদা সাইন্সকী পাউ শন্দোক্নবগীদমক S&T ওর্গনাইজেসনশিং অমসুং মাস মীদিয়া প্লেৎফোর্মশিংগী মরক্তা লৈরিবা খেন্নবা অদু করম্না কোকহল্লগনি হায়বগী মতাংদা পাংথোক্কনি। সাইন্স কম্ম্যুনিকেসন অসি নুংঙাই-য়াইফবদা য়ুম্ফম ওইবা লর্নিং এক্তিবিতী অমনি হায়বা খঙহন্নবা, মীদিয়া কনক্লেব অসিদা সাইন্স অমসুং মেজিকপু শম্নহন্নবা "সাইন্স মেন্তেলিজম শো"সু য়াওরি।

মীদিয়া কনক্লেব থৌরমদা শরুক য়াগদৌরিবা মকোক থোংবা মীওইশিংদি দোক্তর. অরুপ মিশ্রা, চেয়রমেন, PCB, অসাম অমসুং হান্নগী দিরেক্তর, ASTEC, গুৱাহাতি; দা. এল. মিনিকেতন সিংহ, দাইরেক্তর, মনিপুর S&T কাউন্সিল; দা. জয়দীপ বরুৱা ASTECগী দাইরেক্তর; শ্রী ভুপেন্দ্র কিন্থোলা, প্রিন্সিপাল দাইরেক্তর জেনরেল, রেজিস্তারার ওফ ন্যুজ পেপরস ওফ ইন্দিয়া (RNI) অমসুং পুনেগী FTIIগী হান্নগী দাইরেক্তর; দা. অরবিন্দ সি. রানাদে, দাইরেক্তর, নেস্নেল ইন্নোবেসন ফাউন্দেসন (NIF), অহমদাবাদ; শ্রী রিতেশ তেক্সানদে, সেনিয়র মেনেজর-কন্সল্তেন্ত অমসুং প্রদ্যুসর-ফিল্মমেকর, NFDC লিমিতেদ, মুম্বাই; শ্রী পল্লব বাগলা, সাইন্স জর্নেলিস্ত, NDTVগী এক্স-জর্নেলিস্ত; প্রোফেসর শম্বু নাথ সিংহ, তেজপুর য়ুনিভর্সিতী, অসামগী ভাইস চাঞ্চেল্লর; দা. মনিশ গোর, প্রিন্সিপল সাইন্তিস্ত, CSIR-NIScPR অমসুং অতোপ্পা কয়া অমসু য়াওরি।

সাইন্স কম্ম্যুনিকেসনদা মীৎয়েং থমগদবা IISFগী অতোপ্পা মরুওইবা থৌরম অমা ওইরিবা 'বিজ্ঞানিকা' অসি 2024গী দিসেম্বর 1 অমসুং 2দা পাংথোক্কনি। মীদিয়া কনক্লেবনা তোঙান তোঙানবা মীদিয়া ফোর্মেৎশিং খন্ন-নৈনরবসু, বিজ্ঞানিকানা সাইন্স কম্ম্যুনিকেসন অমসুং জর্নেলশিং অমসুং মেগাজিনশিংগুম্বা সাইন্তিফিক লিতরেচর প্লেৎফোর্মশিংগী খুত্থাংদা শন্দোকপদা মীৎয়েং থম্লি।

লিতরেচর শিজিন্নদুনা ইফেক্তিব সাইন্স কম্ম্যুনিকেসনদা মীৎয়েং থম্বা “বিজ্ঞানিকা”দা তোঙান তোঙানবা সেসন কয়া অমসু লৈরি। অমসুং লিতরেচরশিং অসি করম্না তোঙান-তোঙানবা মওংদা শিজিন্নবা য়াবগে হায়বসি নুমিৎ নিনিগী থৌরম অসিদা শেমখিবা সেসনশিংগী থীমশিংদা উৎলি। অহানবা নুমিত্তা পাংথোক্কদৌরিবা সেসনশিংদা সাইন্স অমসুং তেক্নোলোজী কম্ম্যুনিকেসনদা নেস্নেল অমসুং লোকেল লোলশিং শীজিন্নবগী মতাংদা খন্ন-নৈনগনি অমসুং সাইন্তিফিক রাইতিংগী মতাংদা ৱার্কশোপ অমা পাংথোক্কনি। অনিশুবা নুমিৎকী অহানবা সেসনদা সাইন্তিফিক রাইতিংদা AIনা পুরক্লিবা অহোংবশিংগী মতাংদা পেনেল দিস্কসন অমা পাংথোক্কনি। অনিশুবা সেসনদা সাইন্স কম্ম্যুনিকেসনগী ইন্তরেক্তিব এপ্রোচশিংগী মতাংদা ৱার্কশোপ অমা পাংথোক্কনি। দিসেম্বর 2গী অয়ুক্কী অরোইবা সেসন অসিদা "কাবী সেমেল্লন"কী খুত্থাংদা সাইন্সকী সাহিত্যবু শৌগৎপগী ৱাখল্লোনশিং শেয়র তৌবগী ফন বেজ এক্সপরিয়েন্স শিয়র তৌবা ওইগনি, মসিদা সাইন্সতা য়ুম্ফম ওইবা শৈরেংশিং শেয়র তৌগনি অমসুং মীফম অদুদা শরুক য়ারিবশিংগীদমক "সাইন্স পপ্পেৎ শো" পাংথোক্কনি।

বিজ্ঞানিকা থৌরম অসিদা সাইন্সকী লুচিংবশিং অমসুং সাইন্স কম্ম্যুনিকেতরশিং দাক্তর রঞ্জন আগরৱাল, দাইরেক্তর NIScPR, দাক্তর মনোজ কুমার পাতাইয়ারিয়া, হান্নগী দিরেক্তর NISCAIR, দাক্তর শেখর সি. মান্দে, হান্নগী DG-CSIRনা শরুক য়াগনি।

CSIR-NIScPRগী মরমদা

CSIR -নেস্নেল ইন্সতিত্যুৎ ওফ সাইন্স কম্ম্যুনিকেসন এন্দ পোলিসী রিসর্চ (NIScPR) অসি ভারত সরকারগী সাইন্স অমসুং তেক্নোলোজী মন্ত্রালয়গী কাউন্সিল ওফ সাইন্তিফিক এন্দ ইন্দস্ত্রীএল রিসর্চকী কন্সতিত্যুএন্ত লেবোরেতরী অমনি। মসিনা সাইন্স কম্ম্যুনিকেসন, পোলিসী রিসর্চ, অমসুং মীয়ামগী মরক্তা সাইন্তিফিক এৱেরনেস প্রমোৎ তৌরি।

***