ভারতনা নীংতম্বা ফংলকপা চহি 75শুবা অমসুং ভারতকী সম্বিধান চৎনরকপা কুমওন পাংথোক্নবগীদমক জস্তিস দিপার্তমেন্তনা চহি অমা চুপ্না পাংথোক্কদবা 'হমারা সম্বিধান হমারা সম্মান' হায়না মিংথোনবা ভারত পুম্বগী ওইবা কেম্পেন অমা পায়খৎলি। কেম্পেন অসি ইকাই খুম্নরবা ভারতকী উপ-রাস্ত্রপতিনা জনুৱারী 24, 2024দা হৌদোকখি। মসিগী মতুংদা, কেম্পেন অসি দিসেন্ত্রেলাইজ তৌদুনা য়ৌহন্নবগীদমক রিজনেলগী ওইবা থৌরম অহুমসু মথংশিৎনা 2024গী মার্চ 9দা রাজস্থানগী বিকানরদা, 2024গী জুলাই 16দা উত্তর প্রদেশকী প্রয়াগরাজদা অমসুং 2024গী নবেম্বর 19দা অসামগী গুৱাহাতিদা পাংথোকখ্রে। কেম্পেন অসিগী পান্দমদি ভারতকী সম্বিধানদা য়াওরিবা প্রিন্সিপলশিং অদুগীদমক ঐখোয়গী অপুনবা ৱাশক অদু অমুক হন্না শৌগৎপা অমসুং ঐখোয়গী লৈবাক অসিবু পুনশিল্লিবা ভেল্যুশিং অদু থৌগৎপা অসিনি।

2024গী জুলাই 16দা প্রয়াগরাজতা পাংথোকখিবা অনিশুবা রিজনেল ইভেন্তকী মনুংদা হৌদোকখিবা 'হামারা সম্বিধান হামারা সম্মান পোর্তেল' অসি সম্বিধান অমসুং মখোয়গী আইনগী ওইবা হকশিংগী মরমদা মীয়ামদা খঙহনবা ঙম্নবা লৌশিং থাদোকফম অমা ওইনা মথৌ তৌরি। মসি ৱেব পোর্তেল https://www.hamarasamvidhan.gov.in/দা ফংগনি। মসিগী মথক্তা, কেম্পেন অসিনা মাইগোভগা খুৎশম্নদুনা পাংথোকপা ওনলাইন কম্পিতিসনশিংগী খুত্থাংদা মীয়ামগী পুক্নিং চিংশিন্দুনা কন্সতিত্যুসনেল রাইৎ অমসুং দ্যুতীশিংগী মতাংদা হেন্না খঙহন্নবা পুক্নিং থৌগৎলি।

"হমারা সম্বিধান হমারা সম্মান পোর্তেল" অসিগী মরুওইবা পান্দমদি নাগরিকশিংদা সম্বিধানগী মখাদা মখোয়গী ফন্দামেন্তেল রাইৎ অমসুং দ্যুতীশিং অমসুং লিগেল প্রোতেক্সনশিংগী মতাংদা খঙহনবা অদুনি। মরুওইবা আইনগী লৌশিংদা লায়না এক্সেস ফংহন্দুনা, পোর্তেল অসিনা মীওইশিংদা মখোয়গী হকশিংবু মপুং ফানা শীজিন্নবা ঙম্নবা তঙাইফদবা ই-পাউশিং ফংহন্নবা পান্দম থম্লি। মসিগী মথক্তা, কন্সতিত্যুসনগী মরুওইবা অমসুং অচুম্বা, থোং মান্নবা অমসুং দেমোক্রেসী ঙাকপদা মাগী থৌদাংবু হেন্না মমুৎ তানা খঙবা হেনগৎহন্দুনা, পোর্তেল অসিনা নাগরিকশিংগী মরক্তা কন্সতিত্যুসনগীদমক হেন্না চাউরবা ইকায় খুম্নবা পোকহল্লগনি হায়না পানরি। কন্সতিত্যুস্নেল লিতরেসি প্রমোৎ তৌবা হায়বসি দেমোক্রেতিক ভেল্যুশিং মপাঙ্গল কনখৎহন্নবা অমসুং নাগরিকশিংনা মখোয়বু লৈঙাক্লিবা আইনশিং অদু ইকায় খুম্নবা উৎনবগী মরুওইবা অমনি।

পোর্তেল অসিনা সম্বিধানগী তোঙান-তোঙানবা প্রোভিজনশিং, মরুওইবা আইনগী ওইবা হকশিং অমসুং ফন্দামেন্তেল দ্যুতীশিংগা মরী লৈনবা মপুং ফানা পাউতাক পীবা, এক্সেস তৌবা য়াবা, য়ুজর-ফ্রেন্দলী ওইবা প্লেৎফোর্ম অমা ওইনা মথৌ তৌরি। ইন্তরেক্তিব ওইবা খুৎলাইশিং, ভিদিও কন্তেন্ত, অমসুং তেক্স রিসোর্সশিংগী খুত্থাংদা, নাগরিকশিংনা সম্বিধানগী পুৱারীগী ওইবা মরুওইবা, মসিবু শেমখিবশিং, অমসুং সম্বিধানগী প্রোভিজনশিংনা মখোয়গী হকশিং অমসুং থৌদাংশিং অদু মখোয়গী নুমিৎ খুদিংগী পুন্সিদা মতৌ করম্না ঙাক-শেনবগে হায়বদু খঙবা ঙমগনি।

পোর্তেল অসি ক্বিজশিং, ক্রোসৱার্দশিং, অমসুং প্রিএমবল অমসুং পঞ্চ প্রনগী পাউখুম পীনবদা শরুক য়াবগী খুদোংচাবশিং অসিগুম্বা ইন্তরেক্তিব ফিচরশিং পীদুনা নাগরিকশিংবু এক্তিব ওইনা শরুক য়াহন্নবা দিজাইন তৌবনি। হৌজিক ফাওবদা লৈবাক শীনবা থুংনা 'হমারা সম্বিধান হমারা সম্মান' কেম্পেনগী মখাদা পাঞ্চ পরনগী থবক থৌরমদা নাগরিক লাখ 1.29না শরুক য়াখ্রে।

কেম্পেন অসিগী মপুং ওইবা পান্দমদি নাগরিকশিংদা মখোয়গী আইনগী ওইবা হকশিং অমসুং থৌদাংশিংগী মতাংদা তঙাইফদবা লৌশিং পীনবা পান্দম থম্লিবা দাইনামিক প্লেৎফোর্ম অমনি। কেম্পেন অসিদা শরুক য়াবা হায়বসিনা ইশাগী অপাম্বদগী হেন্দোক্তুনা চাউখৎপা, ইনক্লুসিবিতী অমসুং সস্তেনেবল দিবেলপমেন্তকী প্রিন্সিপলশিংদা য়ুম্ফম ওইবা লৈবাক অমা শেমগৎনবা পুন্না হোৎনমিন্নবগী অচেৎপা ফিরেপ অদু উৎলি।

লৈবাক শিনবা থুংনা পায়খৎলিবা খোঙথাং অসিনা নাগরিক খুদিংমকপু মখল কয়াগী মওংদা শরুক য়াবগী খুদোংচাবা পীরি। মসিগী সবকো ন্যায় হর গার ন্যায়, নব ভারত নব সঙ্কলপ অমসুং বিধি জাগ্রতি অভিয়ান হায়রিবা সব-কেম্পেন অহুম অসিগী খুত্থাংদা মখোয়বু মশক থোকপা মতেং পাংনবা শক্তি পীরি। অহানবা সব কেম্পেন, সবকো ন্যায় হর গর ন্যায়গী পান্দমদি ভিলেজ লেবেল ওন্তপ্রিনোরশিং (VLE)গী নেৎৱার্ককী খুত্থাংদা সোসিও-ইকোনোমিক বেকগ্রাউন্দগী খেন্নবা লৈতনা খুঙ্গংগী পঞ্চায়ৎ লাখ 2.5দা লৈরিবা কম্মন সর্ভিস সেন্তরশিংগী (CSCশিং) খুত্থাংদা খুন্নাইগী লোলশিংদা পঞ্চ প্রনগী অচেৎপা ফিরেপশিং পাংথোক্তুনা মীপুম খুদিংমক্তা অচুম্বা ৱায়েল পীনবা হোৎনবনি। নাগরিকশিংগীদমক্তা ‘ন্যায় সেৱা মেলা’ কৌবা সিতিজন-সেন্ত্রিক সর্বিস মেলাশিংসু শীন-লাঙখি। মসিগী মথক্তা, লৈবাক অসিগী এস্পিরেস্নেল ব্লোক 500দা থবক পায়খৎলিবা ন্যায় সহায়কশিংনা য়ুম য়ুমদা চৎতুনা এৱেরনেস পীরি।

কেম্পেন অসিগী অনিশুবা সব-থিমদি নভ ভারত নভ সঙ্কলপনি। মসিগী থবক অসিগী মখাদা, ভারতকী সম্বিধানগী প্রোভিজনশিংগী মতুং ইন্না দিজাইন তৌখিবা সম্বিধাব ক্বিজ কম্পিতিসন (মী 53,222না শরুক য়াখি, মদুদগী এন্ত্রী 1000 খনগৎখি), পঞ্চ প্রন রঙ্গোতসব (মী 876না শরুক য়াখিবা পোস্তর শেম্বগী কম্পিতিসন) অমসুং পঞ্চ প্রন অনুভব (মী 830না শরুক য়াখিবা রীল শেম্বগী কম্পিতিসন) অসিনচিংবা ওনলাইন কম্পিতিসনশিং মাই গোব প্লেৎফোর্মদা শীনখি অমসুং মায় পাক্লবশিং অদু 16.07.2024 দা উত্তর প্রদেশকী প্রয়াগরাজদা পাংথোকখিবা অনিশুবা রিজনেল ইভেন্ত অদুদা থাগৎপা ফোংদোকখি।

অহুমশুবা সব-থিম, বিধি জগরতি অভিয়ানদা গ্রাসরুত ইনিসিএতিবশিং অমসুং এজুকেস্নেল ইসুশিংগী খুত্থাংদা লিগেল লিতরেসী অমসুং এৱেরনেস প্রমোৎ তৌবা য়াওরি। মসিগী সব-কেম্পেন অসিগী মখাদা, গ্রাম বিধি চেৎনা হায়রিবা থবক থৌরম অসিনা মহৈরোইশিংবু মখোয়গী প্রো বোনো ক্লবকী মখাদা এদোপ্তেদ তৌরবা খুঙ্গংশিংগী মনুংদা লিগেল এৱেরনেসকী থবক থৌরমশিংদা শরুক য়াহল্লি। হৌজিক ফাওবদা, লো স্কুলশিংগী খুত্থাংদা আউতরিচ প্রোগ্রাম 10,000 পাঙথোকখ্রে। IGNOU অমসুং দুর্দর্শননা তোঙান তোঙানবা শোত্থরবা কাংলুপশিংগী হকশিং কোনশিল্লিবা ওনলাইন ৱার্কশোপশিং/ ৱেবিনারশিং পাংথোক্লিবা অসিগা লোয়ননা কন্সতিত্যুস্নেল এজুকেসন হেনগৎহন্নবা পান্দম থম্লিবা ভঞ্চিত ভার্গ সম্মম অসি থবক পায়খৎলি। সব কেম্পেন অসিগী মখাদা পাংথোকপা থবক অসি নারী ভাগীদারিনি। মসিগী পান্দমদি জেন্দরদা য়ুম্ফম ওইবা ইসুশিংদা ওনলাইন ৱার্কশোপশিং/ ৱেবিনারশিং পাংথোকপা অসিনি। কেম্পেন অসিগী অহুমশুবা সব-থিমনা হৌজিক ফাওবদা অপুনবা নাগরিক লাখ 65.80দা য়ৌহনখ্রে।

ৱাফম অসি লো অমসুং জস্তিস মন্ত্রালয়গী রাজ্য মন্ত্রী (ইন্দিপেন্দেন্ত চার্জ), শ্রী অর্জুন রাম মেঘৱালনা ঙসি লোক সভাদা অইবা পাউখুম অমদা ফোংদোকখিবনি।

****