1 0

#IFFIWood, 28 नोव्‍हेंबर 2024

55व्या भारतीय आंतरराष्ट्रीय चित्रपट महोत्सवाचो समारोप  सिनेमांतल्या तेजस्वीपणाच्या अदभूत प्रदर्शनान जालो, यावेळार चित्रपट निर्माते, अभिनेते आनी उद्देग वेवसायीक कथाकथन कलेची परब मनोवपा खातीर एकठांय जमले.

लिथुआनियाच्या 'टॉक्सिक' ह्या फिल्मान उत्कृश्ट फिल्मा खातीर भौ इत्सुक भांगराळो मोर पुरस्कारान जैत मेळयलें जाल्यार रोमानियन दिग्दर्शक बोगदान मुरेसानु हाणें ‘द न्यू इयर दॅट नेव्हर कॅम’ ह्या सिनेमा खातीर उत्कृश्ट दिग्दर्शक म्हणून सिल्वर पीकॉक मेळयलो.

आंतरराष्ट्रीय सर्त विभागा खाला पुरस्कारांचे तपशीलां खातीर फुडें वाचात : 

बेस्ट फिल्मा खातीर भांगराळो मोर : टॉक्सिक

लिथुआनियाच्या टॉक्सिक फिल्माक इफ्फीचो सगळ्यांत प्रतिश्ठीत पुरस्कार, गोल्डन पीकॉक फॉर बेस्ट फिचर फिल्म मेळ्ळा. संचालक, साउले ब्लुवैते गोल्डन पीकॉक ट्रॉफी, प्रमाणपत्र आनी 40,00,000, रुपया रोख इनाम निर्मातो गिद्रे बुरोकायट हाचे वांगडा वांटून घेतले.

जूरीन ह्या सिनेमाची तोखणाय केली, ताच्या खोलायेन संवेदनशीलतेखातीर आनी सहानुभूती खातीर, ताच्या कमिंग-ऑफ-एज कथन हें खर शारिरीक आनी समाजीक फाटभूंयेर तयार केल्लें. टॉक्सिक आमकां सगळ्यांत बरो चित्रपट उदेलो, “किशोरावस्था आनी अर्थीक नदरेन वंचित समाजांत वाडपाची खर वास्तवताय सोदून काडपा खातीर, इतली संवेदनशीलताय आनी सहानुभूती घेवन आनी त्याच वेळार शारिरीक आनी समाजीक परिदृश्य दाखयलें," असो जूरीन उल्लेख केला.

उत्कृश्ट दिग्दर्शका खातीर रुप्याचो मोर: बोगदान मुरेसानु

रोमानियन दिग्दर्शक बोगदान मुरेसानु हाका 'द न्यू इयर दॅट नेव्हर कॅम' ह्या सिनेमांतल्या अपवादात्मक वावराक लागून उत्कृश्ट दिग्दर्शक पुरस्कार फावो जालो. आंतरराश्ट्रीय सर्तीच्या वर्गांतल्या सगळ्यांत उत्कृश्ट दिग्दर्शकाक हो पुरस्कार  दितात. 

बोगदान मुरेसानु हांकां रुप्या मोर ट्रॉफी आनी 15,00,000 रुपया रोख इनाम प्रमाणपत्रा वांगडा मेळ्ळें.  

जूरीन खास करून चित्रपटाची उत्कृश्ट निर्मिती रचना, आनी ह्या काळाक जिवीत दिवपी रूपकां तशेंच अदभूत एंसेम्बल सादरीकरणांची तोखणाय केली.

“ट्रॅजीकॉमेडी तयार करप कठीण. आनी क्रांतीच्या वेळार तें करप आनीक कठीण. बोगदान मुरेसानु तें करपाक तेजस्वीपणान येसस्वी जाता, क्रांतीच्या दारार आशिल्ल्या देशांच्या जिविताचें चित्रण करपाक स कथा गुंथून – आनी तो तें करता उत्कृश्ट उत्पादन डिझायन आनी रूपकांनी सशस्त्र जावन काळ आनी तोखणाय केल्या एन्सेम्बल कलाकारांकडल्यान मेळिल्ल्या अदभूत सादरीकरणांनी तो हे दाखयता.” – अशे जूरीन प्रशस्तीपत्रात म्हळां.

उत्कृश्ट अभिनेतो (दादलो आनी बायल) खातीर सिल्वर पीकॉक:

मुखेल भुमिकेंतल्या उत्कृश्ट कामगिरींक मान्यताय दिवन, उत्कृश्ट अभिनेतो (दादलो) आनी उत्कृश्ट अभिनेत्री (बायल) ह्या पुरस्कारांत सिल्वर पीकॉक ट्रॉफी, प्रमाणपत्र आनी दरेकीं  10,00,000 रुपया रोख इनाम हांचो आस्पाव जाता.

उत्कृश्ट अभिनेतो (दादलो) खातीर रुप्या मोर: क्लेमेंट फेव्ह्यू

फ्रेंच 'होली काव' ह्या चित्रपटांतल्या बारीकसाणीन आनी मनभुलोवपी चित्रणा खातीर क्लेमेंट फाव्हो हाणें उत्कृश्ट अभिनेतो (दादलो) पुरस्कार आपल्या घरा व्हेलो. ताच्या अभिनयान जूरींक खोलायेन प्रतिध्वनीत केलो, ताच्या पात्रांत प्रामाणीकता आनी खोलाय हाडपाची ताची उल्लेखनीय तांक दाखयली.

क्लेमेंट फेव्हो हाका उत्कृश्ट अभिनेतो (दादलो) पुरस्कार फावो जाला, “ताच्या अविश्वसनीय अभिनया खातीर, भावनीक उतार-चढाव उक्तावपा खातीर, निरपराधीपणांतल्यान परिपक्वतायेखातीर हो पुरस्कार” – असो जूरीन उल्लेख केला.

देश: फ्रांस

तशेंच ‘हू डू आय बिलॉन्ग टू?’ ह्या सिनेमांतल्या अविश्वसनीय  अभिनया खातीर जूरीन अॅडम बेसाक स्पेशल मेन्शन पुरस्कार प्रदान केलो. बेसान केल्ल्या  बिलालाच्या पात्राची  तोखणाय जाली, ताच्या भावनिक खोलायेन, निरपराधीपणांतल्यान परिपक्वते मेरेन विनाशिलतायेन तांणी भूमिका केली.

जूरीचें उल्लेख: “तुनीशियन फिल्मांत, ‘हू डू आय बिलॉन्ग टू?’  ह्या ट्युनिशियाच्या चित्रपटांत, बिलालाच्या चित्रणा खातीर अॅडम बेसान अभ्यास आनी संयमी केल्ल्या अभिनयाचोय जूरीक स्पेशल मेन्शन करपाक आवडलो.”

सिल्वर पीकॉक - उत्कृश्ट अभिनेत्री खातीर (बायल): वेस्टा मातुलिते आनी इएवा रुपेइकायटी

बेस्ट अभिनेत्री पुरस्कार वेस्टा मातुलिते आनी इएवा रुपेइकायटी हांकां संयुक्तपणान दिलो “मारीजा आनी क्रिस्टीना" हीं अविस्मरणीय पात्रां तयार करपाक स्वताक आपल्या शारिरीक आनी भावनीक मर्यादे मेरेन धुकलपी दोन पदार्पण करपी अभिनेत्री - वेस्टा मातुलिते आनी इएवा रुपेइकायटी हांणी केल्ल्या असामान्य अभिनया खातीर हो पुरस्कार दिता,” असो जूरीन उल्लेख केला.

खाशेल्या जूरी पुरस्कारा खातीर सिल्वर पीकॉक: लुईस कूर्व्हॉयझर

फ्रेंच दिग्दर्शक लुईस कूर्व्हॉयझर हिका तिच्या पदार्पणाच्या 'होली काव' चित्रपटाक खाशेलो जूरी पुरस्कार फावो जालो. किशोरावस्थेंतल्यान प्रौढपणांचेर लक्ष केंद्रीत करून, ह्या सिनेमाच्या सार्वत्रिक विशयाची जूरीन तोखणाय केली. ह्या सिनेमाक खाशेलो जूरी पुरस्कार फावो, “तिच्या पदार्पणाचेर एक सार्वत्रिक कथा तयार केल्ल्या खातीर, जेन्ना मजेशीर किशोरीक अचकीत प्रौढपणांत पावतात आनी ताका पावल उखलून ताच्या जिविताचेर नियंत्रण दवरचें पडटा, तेन्ना कितें जाता हाचे विशीं हो चित्रपट आसा,” असो जूरीन उल्लेख केला.

इफ्फी दर वर्सा चित्रपट निर्मितीच्या खंयच्याय आंगांतल्या उत्कृश्टतायेचो भोवमान करता आनी तातूंत रुप्या मोर ट्रॉफी, प्रमाणपत्र आनी 15,00,000 रुपया रोख इनाम आसता. अचकीत परिपक्व जावन आपल्या जिविताचेर नियंत्रण दवरपाक लायिल्ल्या मजेशीर किशोरवयात मेळपी आव्हानां कूर्व्हॉयझियराच्या कथाकथनांतल्यान दिसून आयलीं.

दिग्दर्शकाचो सगळ्यांत बरो पदार्पण फिचर फिल्म: सारा फ्रीडलँड

अमेरिकन दिग्दर्शक सारा फ्रीडलँडाक तिच्या मार्मिक कथन, फॅमिलियर टच खातीर बेस्ट डेब्यू फिचर फिल्म पुरस्कार फावो जालो. हो पुरस्कार जागतीक सिनेमांतल्या आशादायक नव्या प्रतिभेचेर भर दिता. सारा फ्रीडलंडाक सिल्वर पीकॉक ट्रॉफी, प्रमाणपत्र आनी 10,00,000 रुपया रोख इनाम मेळ्ळें. 

“आमच्या कथात्मक फीचर दिग्दर्शनाच्या पदार्पणांत सारा फ्रीडलँड एक मार्मिक कथा तयार करता, जो आमका पिरायेंत तेन्ना मोग आनी काळजी घेवपाचें म्हत्व, खास करून जाण्टेपणांत आमकां कळयता,” असो जूरीन उल्लेख केला.

इफ्फी  2024 च्या आंतरराष्ट्रीय सर्ती खातीर जूरींत पांच मानाचे वांगडी आशिल्ले: आशुतोष गोवारीकर (जूरी अध्यक्ष); सिंगापूरचे दिग्दर्शक अँथनी चेन, ब्रिटीश-अमेरिकन निर्माती एलिझाबेथ कार्लसन, स्पॅनिश निर्मातो फ्रान बोर्गिया आनी ऑस्ट्रेलियन फिल्म संपादक जिल बिलकॉक.

इफ्फीत पत्रकार परिशदे वेळार प्रसार माध्यमांकडेन तांणी संवाद साधलो, तो हांगा पळयात :

12 आंतरराष्ट्रीय आनी 3 भारतीय चित्रपटां सयत 15 चित्रपटांनी गोल्डन पीकॉक खातीर सर्त केल्ली. नामांकीत सिनेमाची वळेरी हांगा पळयात : 

* * *

PIB IFFI CAST AND CREW | Subhash/Manali/Darshana | IFFI 55