ملک میں مالی سال 2023-24 میں ریکارڈ پیداوار کی سطح تک پہنچنے کے بعد، مالی سال 2024-25 (اپریل-اکتوبر) کے دوران کچھ اہم معدنیات کی پیداوار میں مسلسل اضافہ ہوا ہے۔ قیمت کے لحاظ سے خام لوہے کاحصہ کل ایم سی ڈی آر معدنی پیداوار کا 69فیصد ہے۔ مالی سال 2023-24 میں لوہے کی پیداوار 274 ملین میٹرک ٹن (ایم ایم ٹی) تھی۔

عارضی اعداد و شمار کے مطابق، خام لوہے کی پیداوار مالی سال 2023-24 (اپریل-اکتوبر) میں 152.1 ایم ایم ٹی سے بڑھ کر مالی سال 2024-25 (اپریل-اکتوبر) میں 158.4 ایم ایم ٹی ہو گئی ہے، جو 4.1 فیصد کی صحت مند ترقی کو ظاہر کرتی ہے۔ مالی سال 2024-25 (اپریل-اکتوبر) میں مینگنیج ایسک کی پیداوار 11.1 فیصد بڑھ کر 2.0 ایم ایم ٹی ہو گئی ہے جو پچھلے سال کی اسی مدت کے دوران 1.8 ایم ایم ٹی تھی۔ باکسائٹ کی پیداوار مالی سال 2024-25 (اپریل-اکتوبر) میں 11.3% بڑھ کر 13.8 ایم ایم ٹی ہو گئی ہے جو مالی سال 2023-24 (اپریل-اکتوبر) میں 12.4 ایم ایم ٹی تھی۔

غیر فولادی دھات کے شعبے میں، مالی سال 2024-25 (اپریل-اکتوبر) میں ایلومینیم کی بنیادی پیداوار میں گزشتہ سال کی اسی مدت کے دوران 1.2 فیصد بتائی گئی تھی، جو مالی سال 2024-25 (اپریل-اکتوبر) میں بڑھ کر 24.46 لاکھ ٹن (لاکھ ٹن) تک پہنچ گئی۔جبکہ یہ مالی سال2023-24 (اپریل-اکتوبر) میں 24.17 لاکھ ٹن تھی۔ اسی تقابلی مدت کے دوران، بہتر تانبے کی پیداوار میں 2.83 لاکھ ٹن سے 3.00 لاکھ ٹن تک کا 6.0 فیصد اضافہ ہوا ہے۔

ہندوستان، ایلومینیم کا دوسرا سب سے بڑا پروڈیوسر ہے، ریفائنڈ کاپر میں سب سے اوپر 10 پروڈیوسر اور دنیا میں چوتھا سب سے بڑا لوہا پیدا کرنے والاملک ہے۔ موجودہ مالی سال میں خام لوہے کی پیداوار میں مسلسل اضافہ صارفین کی صنعت میں مانگ کے مضبوط حالات کی عکاسی کرتا ہے۔ سٹیل ایلومینیم اور تانبے میں ترقی کے ساتھ، ترقی کے یہ رجحانات صارف کے شعبوں جیسے توانائی، بنیادی ڈھانچے، تعمیرات، آٹوموٹو اور مشینری میں مسلسل مضبوط اقتصادی سرگرمیوں کی طرف اشارہ کرتے ہیں۔

****

ش ح۔ا س۔ف ر

Urdu No. 3124

(Release ID: 2078539) Visitor Counter : 12