ہندوستان سے آیوش کی وزارت کے سکریٹری کی قیادت میں ایک اعلیٰ سطحی وفد نے ملیشیا کے سیٹال عالم، سیلنگور میں  نیشنل انسٹی ٹیوٹ آف ہیلتھ (این آئی ایچ) میں منعقدہ  روایتی اور  تکمیلی  ادویات پر  10  ویں بین الاقوامی کانفرنس (انٹرا کوم)  میں روایتی ادویات  (ٹی ایم) کی عالمی ترقی  میں ہندوستان کے  انتہائی اہم تعاون کی نمائش کی۔ کانفرنس نے روایتی اور تکمیلی ادویات ( ٹی اینڈ سی ایم) میں صحت کی دیکھ بھال کے طریقوں کو جدید بنانے میں ڈیجیٹل ٹیکنالوجیز کے تبدیلی کے کردار پر توجہ مرکوز کی۔

اس سلسلے میں منعقدہ ڈبلیو ایچ او کی میٹنگ کی اختتامی تقریب سے خطاب کرتے ہوئے، آیوش کے سکریٹری ویدیا راجیش کوٹیچا نے آئی سی ڈی-11 ٹی ایم 2 ماڈیول کی ٹی ایم کے طریقوں کی منظم عالمی دستاویزات میں سنگ میل کے طور پر کامیاب حتمی شکل کو اجاگر کیا۔  انہوں نے کہا کہ " آئی سی ڈی-11 ٹی ایم 2 ماڈیول عوارض، نمونوں اور خدمات کی معیاری دستاویزات کو فعال کر کے روایتی ادویات میں انقلاب برپا کر دے گا۔  اس سے نتائج کی پیمائش، لاگت میں کمی ، حفاظت، اور مین اسٹریم میڈیسن کے ساتھ موازنے میں مدد ملے گی، جواختراع اور دنیا بھر میں صحت کی دیکھ بھال کو آگے بڑھائے گی ۔"

انہوں نے مزید کہا کہ "بھارت نے پہلے ہی ٹی ایم 2 ماڈیول کو لاگو کرنے کے لیے قومی صلاحیت سازی کی کوششیں شروع کر دی ہیں، جس میں این سی آئی ایس ایم کے تعاون سے تربیتی ورکشاپس شامل ہیں۔ ہم بین الاقوامی درجہ بندی آف ہیلتھ انٹروینشنز (آئی سی ایچ آئی) کے فریم ورک کے تحت روایتی میڈیسن کوڈز تیار کرنے میں ڈبلیو ایچ او کی حمایت کے لیے پرعزم ہیں۔

آئی  سی ڈی – 11  ٹی ایم 2  ماڈیول میں 529 زمرے شامل ہیں، جن میں ٹی ایم کی بیماریاں اور نمونے شامل ہیں، جو بے مثال پیمانے پرڈیٹا اکٹھا کرنے اور تجزیہ کرنے کےقابل بناتے ہیں۔ ہندوستان نے اپنی ترقی میں ایک اہم کردار ادا کیا اور اپنے بھرپور روایتی ادویاتی نظاموں - آیوروید، سدھا، اور یونانی سے فائدہ اٹھایا -  جن کے بہتر طور پر  قائم شدہ طریقے اور ضوابط موجود ہیں۔

10واں انٹرا کوم  2024 نے ٹی ایم میں ڈیجیٹل ہیلتھ ٹیکنالوجیز کے انضمام کی کھوج کی،جو اس ڈومین میں ہندوستان کی اہم کوششوں کے ساتھ ہم آہنگ ہے۔ آیوش کی وزارت کے سکریٹری نے ہندوستان کے اقدامات پر روشنی ڈالی، بشمول آیوشمان بھارت ڈیجیٹل مشن اور نمستے پورٹل کے تحت ایک قومی ڈیجیٹل ہیلتھ ایکو سسٹم تیار کرنا، جو صحت کی دیکھ بھال کے مرکزی دھارے میں ٹی ایم کے طریقوں کے بغیر کسی رکاوٹ کے انضمام کی سہولت فراہم کرتا ہے۔

انٹرا کوم 2024 میں ہندوستان کا فعال کردار اس کی عالمی صحت اور تندرستی کی قیادت کو واضح کرتا ہے۔ ڈیجیٹل ٹکنالوجی کا فائدہ اٹھاتے ہوئے اور بین الاقوامی تعاون کو فروغ دے کر، آیوش کی وزارت اس بات کو یقینی بناتی ہے کہ روایتی ادویات عالمی صحت کی دیکھ بھال کے چیلنجوں میں بامعنی طور پر اپنا تعاون پیش کرتی رہیں۔

کانفرنس نے قومی معیارات جیسے نمستے پورٹل کے ساتھ ان کی نقشہ سازی کے ساتھ ٹی ایم  2 اداروں کی نقل حرفی، ترجمہ، اور مستقبل کی دیکھ بھال پر غور و خوض کے لیے ایک پلیٹ فارم بھی فراہم کیا۔ ان کوششوں کا یہ اتحاد عالمی صحت کی دیکھ بھال کے مربوط حل کی راہ ہموار کرے گا۔

جیسا کہ ہندوستان صحت کی دیکھ بھال کے ڈیجیٹلائزیشن کو آگے بڑھا رہا ہے، آیوش کی وزارت  ٹی ایم  میں اختراع کے لیے پرعزم ہے۔ سکریٹری جناب  کوٹیچا نے یہ کہتے ہوئے اپنی بات  ختم کی کہ "ٹی ایم 2 ماڈیول کی آئی سی ڈی-11 مین براؤزر میں کامیاب منتقلی روایتی ادویات کو عالمی صحت کی دیکھ بھال کے فریم ورک میں ضم کرنے میں ایک اور قدم آگے بڑھے گی۔  ہم سب ایک ساتھ مل کر سب کے لئے صحت کو یقینی بنا سکتے ہیں۔"

10ویں انٹرا کوم  2024  نے ڈیجیٹل اختراع کے ذریعے ٹی ایم  کو جدید بنانے کے ہندوستان کے وژن کو تقویت بخشی اور  اسے عالمی صحت اور تندرستی کے سنگ بنیاد کے طور پر جگہ دی۔

************

U.No:3120

ش ح۔اک۔ق ر

(Release ID: 2078537) Visitor Counter : 12