ইন্দিয়া ইন্তর্নেস্নেল সাইন্স ফেস্তিবেল (IISF) অসি নবেম্বর 30দগী দিসেম্বর 3, 2024 ফাওবা গুৱাহাতিগী ইন্দিয়ন ইন্সতিত্যুৎ ওফ তেক্নোলোজীদা পাংথোক্কনি। চহি অসিগী IISFগী নোদেল দিপার্তমেন্ত অসি কাউন্সিল ওফ সাইন্তিফিক এন্দ ইন্দস্ত্রীএল রিসর্চ (CSIR) নি অমসুং CSIRগী কন্সতিত্যুএন্ত লেবোরেতরী অমা হায়বদি নেস্নেল ইন্সতিত্যুৎ ফোর ইন্তরদিসিপ্লিনরী সাইন্স এন্দ তেক্নোলোজী (CSIR- NIIST, থিরুবন্তপুরম) না ফেস্তিবেল পুম্বসি কোওর্দিনেৎ তৌরি। IISF অসি সাইন্স সোসাইতী এঙ্গেজমেন্তকী তোপ তোপ্পা ফেস্তিবেল অমনি। মসি চহি 2015দা হৌদোকখি অমসুং অহানবা IISF অসি IIT দিল্লীদা পাংথোকখি। ভারতকী সাইন্স মুভমেন্ত অমা ওইরিবা বিজনানা ভারতিনা সাইন্স ফেস্তিবেল অসিগী ৱাখল্লোন শেমখি। অৱাং-নোংপোক ভারত্তা অহানবা ওইনা ফেস্তিবেল অসি পাংথোক্কনি। ঙসি ফাওবদা, ইন্দিয়া ইন্তর্নেস্নেল সাইন্স ফেস্তিবেল অসি লৈবাক অসিগী খ্বাইদগী চাউবা সাইন্স থৌরম অমা ওইরি। চহি খুদিংগী মীওই লিশিং কয়া শরুক য়াদুনা সাইন্তিফিক কোলাবোরেসন হেনগৎহন্নবা, নহা ওইরিবা মীওইশিংদা ইথিল পীনবা অমসুং সাইন্তিফিক এপ্রোচকী খুত্থাংদা শেন্মিৎলোনগী চাউখৎপা পুরক্নবগীদমক পুনশিল্লি।

 

“IISF অসি সাইন্স তৌবা মীওইশিংগীদমক্তা খক নত্তে। IISFকী মরুওইবা ফিলোসোফীদি মীপুম খুদিংমক্না সাইন্সপু তরাম্না ওকপা অসিনি। মসিনা মরম ওইদুনা মীপুম খুদিংমকপু নুংঙাইবা মওংদা শরুক য়াহল্লি।”

চহি অসিগী 2024দা, IISF অসি 2024গী নবেম্বর 30দগী দিসেম্বর 4 ফাওবা আসামগী IIT গুৱাহাতিদা পাংথোক্কনি। IISFগী 10শুবা ইদিসন অসিগী থিমদি "ভারতপু S&T দ্রিভব গ্লোবেল মেন্যুফেকচরিং হব অমদা ওন্থোকপা” হায়বা অসিনি। ভারতপু মেন্যুফেকচরিংদা মালেমগী লুচিংবা অমা ওইহন্নবা, সাইন্স অমসুং তেক্নোলোজীবু ইন্দস্ত্রীএল গ্রোথকা পুনশিন্নবা সরকারগী পান্দম অদু উৎলি।

 

IISFগী শিল্লি-লাংলিবশিং অমসুং শিল্লি-লাংলিবা পার্তনরশিং

সাইন্স অমসুং তেক্নোলোজী মন্ত্রালয় (MoS&T) না মখোয়গী দিপার্তমেন্তশিংগী খুত্থাংদা হায়বদি দিপার্তমেন্ত ওফ সাইন্স এন্দ তেক্নোলোজী (DST), কাউন্সিল ওফ সাইন্তিফিক এন্দ ইন্দস্ত্রীএল রিসর্চ (CSIR), দিপার্তমেন্ত ওফ বাইওতেক্নোলোজী (DBT) অমসুং আর্থ সাইন্সেস মন্ত্রালয় (MoES) না চহিগী ওইবা অসিগুম্বা অচৌবা থৌরম অসি পাংথোকপগী থৌদাং লৌরি। সরকারগী ওর্গানাইজেসনশিংগা লোয়ননা বিজনানা ভারতীনা থৌরম অসি হৌখিবা মতমদগী হৌনা IISFকী লেপ্পা লৈতনা শিল্লি-লাংলিবা পার্তনর অমা ওইরি।

IISFদা থৱায় য়াওনা শরুক য়ারিবা অতৈ ওর্গনাইজেসনশিং অদুদি ভারত সরকারগী প্রিন্সিপল সাইন্তিফিক এদভাইজর (PSA), দিপার্তমেন্ত ওফ স্পেস (DoS), দিপার্তমেন্ত ওফ এতোমিক ইনর্জী (DAE), দিরেক্তোরেৎ ওফ দিফেন্স রিসর্চ এন্দ দিবেলপমেন্ত (DDR&D), ন্যু এন্দ রিন্যুএবল ইনর্জী মন্ত্রালয় (MNRE), হকশেল অমসুং য়াইফ য়ুম্বাল মন্ত্রালয় (MoH&FW), দিপার্তমেন্ত ওফ এগ্রিকলচর রিসর্চ এন্দ এজুকেসন (DARE), এনভাইর্নমেন্ত, ফোরেস্ত অমসুং ক্লাইমেৎ চেঞ্জ মন্ত্রালয় (MoEFCC), আয়ুশ মন্ত্রালয়, ইলেক্ত্রোনিক্স এন্দ ইনফোর্মেসন তেক্নোলোজী মন্ত্রালয় (MeitY), রুরেল দিবেলপমেন্ত মন্ত্রালয় (MoRD), অমসুং অতৈ মরী লৈনবা মন্ত্রালয়শিং, মখোয়গী বিভাগশিং, কাউন্সিলশিং অমসুং ওর্গনাইজেসনশিংনি।

IISF-2024 অসি CSIRনা কোওর্দিনেৎ তৌরি, CSIR-NIISTনা কনভেন তৌরি অমসুং ভারত সরকারগী মরুওইবা মন্ত্রালয় অমসুং সাইন্তিফিক দিপার্তমেন্ত পুম্নমক্না ভিজনানা ভারতীগা খুৎশম্নদুনা শরুক য়ারি।

IISF-2024গী থিমেতিক ইভেন্তশিং

IISFদা সাইন্তিফিক অমসুং মীচম প্রজাশিংবু তোঙান তোঙানবা সাইন্তিফিক দিস্কস অমসুং এক্তিবিতীশিংদা য়াওহন্নবা পান্দম থম্লিবা তোঙান তোঙানবা থিমশিং লৈ। মফম অসিদা, মীপুম খুদিংমক্না তোঙান তোঙানবা স্তেকহোল্দরশিংগী মথৌ তাবশিং অদু য়েংলগা থৌরাং তৌখিবা থিমশিংগী মতুং ইন্না সাইন্তিফিক এপ্রোচশিং য়াওবা অমসুং তম্নবগী খুদোংচাবা ফংলি। IISFকীদমক্তা অৱাং-নোংপোক ভারতকী মথৌ তাবশিংগী মতুং ইন্না অনৌবা থীমশিং হাপচিনখ্রে অমসুং মফম অসিদা থীম খুদিংমক্কী মতাংদা পাউদম খরা পীরি।

অহানবদা, IISF 2024দা অখন্নবা থৌরম অমা “চন্দ্রয়ান - থাগী ম্যুজিয়ম” অমা লৈরি। ভারতকী চন্দ্রয়ান মিসনগী মায় পাকপা উৎনবা অমসুং থৌরম অসিদা শরুক য়াগদবশিংগী মরক্তা লুক জেরামসু য়াওরগনি। মোদেল অসি চন্দ্রগী রেপ্লিকা অমনি অমসুং মসিগী দাইমেত্তর মিতর তরেৎনি। মসিনা চন্দ্রয়ান 2023গী ওগস্ত 23দা লেন্দ তৌখিবা চন্দ্রগী লৈমায়গী অশেংবা ইমেজরীগী মওংগুম্না উৎকনি।

মেগা সাইন্স এন্দ তেক্নোলোজী একজিবিসন অসিনা সাইন্স, তেক্নোলোজী, ইঞ্জিনীয়রিং অমসুং মেথমেতিক্স (এস.তি.এম.)গী লমদা ভারতকী এচিবমেন্তশিং অমসুং মায় পাকপগী ৱারীশিং উৎকনি। এক্সপো অসিদা লৈবাক শিনবা থুংনা লৈরিবা ভারতকী সাইন্তিফিক অমসুং R&D ইন্সতিত্যুসনশিংনা পুথোকপা তোঙান তোঙানবা তেক্নোলোজীশিং অসি মহৈরোইশিং, সাইন্তিস্তশিং অমসুং মীয়ামদা তাক্নবা অমসুং তম্বীনবা ফেস্তিবেল অসিগী নুমিৎ মরি অসিদা উৎখি।

মেক ইন ইন্দিয়া, মেক ফোর ৱার্ল্দ থৌরম অসিনা ভারতপু মালেমগী মেন্যুফেকচরিং হব অমা ওইহন্নবগীদমক মথৌ তাবা হিরমশিং অদুগী মতাংদা খন্ন-নৈননবা মেন্যুফেকচরিং, তেক্নোলোজী অমসুং লোজিস্তিক্সতা শরুক য়াবা নেস্নেল অমসুং ইন্তর্নেস্নেল ওর্গনাইজেসনশিংবু পুক্নিং চিংশিন্নবা পান্দম থম্লি।

মমাংদা স্তুদেন্ত সাইন্স ভিলেজ হায়না খঙনবা ন্যু নালন্দা অসিনা মহৈরোইশিং অমসুং ওজাশিংগী মরক্তা ইন্তরেক্সন তৌবা ঙমহনগনি। থৌরম অসিনা ইন্তরেক্তিব একজিবিসনশিং, দেমোন্সত্রেসনশিং, এজুকেস্নেল গেমশিং অমসুং চেলেঞ্জশিংগী খুত্থাংদা মহৈরোইশিংদা STEMগী লমদা পুক্নিং চিংশিন্নবা পান্দম থম্লি।

2047 ফাওবগী মনুংদা ভারতপু ভিক্সিৎ ভারত ওইহন্নবা দরকার ওইরিবা S&Tগী অনৌবা ফ্রন্তিয়রশিং প্রগ্যা ভারত থৌরম্না খন্নগনি। ভারত অসি চাউখৎপা অমসুং মশা-মরোমদোম লেপচবা ঙম্বা ওইহন্নবা AI, বাইওতেক্নোলোজী, সাইবর সেক্যুরিতী, রোবোতিক্স, ক্বান্তম কম্প্যুতিং অসিনচিংবা তোঙান-তোঙানবা সাইন্তিফিক দিসিপ্লিনশিংদা কত্তিং-এজ রিসর্চ প্রমোৎ তৌনবা থৌরম অসিনা পান্দম থম্লি।

নারী শক্তি - ৱুমেনস দিবেলপমেন্ত তু ৱুমেন-লেদ দিবেলপমেন্ত ইন S&T থৌরম অসিনা STEM অমসুং ‌ওন্তপ্রিনোরশিপতা নুপীশিংগী এক্তিব পার্তিসিপেসনদা মীৎয়েং থমগনি অমসুং ভারত সরকারনা S&Tদা নুপীশিংবু মপাঙ্গল কনখৎহন্নবা পীরিবা স্কিম কয়াগী মতাংদা খন্নগনি।

S&T হেক্কাথোন - আইদিয়াজ ফোর ভিক্সিৎ ভারত থৌরম অসি স্কুল অমসুং কোলেজ মহৈরোইশিংবু ভিক্সিৎ ভারত সঙ্কল্পতা মীৎয়েং থমদুনা সাইন্স অমসুং তেক্নোলোজীগা মরী লৈনবা ইনোভেতিব সোলুসনশিং পুথোক্নবা পুক্নিং থৌগৎনবা শেমগৎপনি। মহৈরোইশিং অমসুং মেন্তরশিং য়াওবা তীমশিংনা কম্পিতিসন অদুদা শরুক য়াবা য়াগনি অমসুং মায় পাক্লবশিংনা নুংঙাইরবা প্রাইজশিং ফংলগনি অদুগা অরোইবা শরুক য়ারিবশিংনা ইন্তর্নশিপ, প্রোজেক্ত পোজিসনশিং অসিনচিংবা অখন্নবা খুদোংচাবশিং ফংলগনি।

য়ং সাইন্তিস্ত কনক্লেব অসিনা একাদেমিয়া, রিসর্চ অমসুং ইন্দস্ত্রীগী ফ্রেতর্নিতীশিংদা য়াওরিবা চহি 45গী মখাদা লৈবা নহা ওইরিবা রিসর্সরশিং, সাইন্তিস্তশিং অমসুং ইন্নোবেতরশিং পুনশিন্ননবা পান্দম থম্লি। মসিনা নহা ওইরিবা রিসর্চরশিংদা ভারতকী সাইন্তিফিক পোলিসীশিং অমসুং ভারতকী সাইন্স অমসুং তেক্নোলোজীদা ইনফ্রাস্ত্রকচর দিবেলপমেন্ত, ফন্দিং খুদোংচাবশিং অসিনচিংবা য়াওনা হন্দক থোক্লিবা চাউখৎ থৌরাংশিংগী মরমদা খঙবা ঙমহল্লি।

থোত লিদর্স রাউন্দ তেবল - মিনিস্তর - সেক্রেতরী - কাউন্সিল - CEO কনক্লেব অসিনা কেন্দ্র অমসুং রাজ্য সরকারগী মন্ত্রীশিং, দিপার্তমেন্তেল সেক্রেতরীশিং, এস.এন্দ.তি. কাউন্সিলশিং অমসুং ইন্দস্ত্রীশিংগী CEOশিংগুম্বা লুচিংবশিং অমসুং পোলিসী মেকরশিংবু প্লেৎফোর্ম অমদা পুশিল্লগনি। থৌরম অসিদা মরুওইবা ইসুশিংদা খন্ন-নৈনগনি অমসুং ভক্সিতৎ ভারতকী পান্দমগা চুনবা মওংদা পব্লিক অমসুং প্রাইবেৎ সেক্তরশিংদা অচৌবা অহোংবা পুরক্নবা পুন্না থবক তৌমিন্নগনি।

গুরুকুলা - এস্পাইরিং এজুকেতরশিং এন্দ তীচর্স ৱার্কশোপ অসি মমাংদা নেস্নেল সাইন্স তীচর্স ৱার্কশোপ হায়না খঙনরম্মি। মসিগী পান্দমদি সাইন্স ওজাশিংগী প্রোফেস্নেল দিবেলপমেন্ততা মখোয়বু ইনোবেতিব ত্রেনিং মেথোদোলোজীশিং, মোদর্ন ত্রেনিং তুলশিং অমসুং স্ত্রেতেজীশিংগা লোয়ননা মহৈরোইশিংদা সাইন্তিফিক ওইবা লৌশিং তান্নবা ওইগনি।

মিসন স্তার্ত-অপ থৌরম অসিনা স্তার্ত-অপশিং অমসুং ইনক্যুবেসন সেন্তরশিংগুম্বা সপ্পোর্তিং ইনেব্লরশিংদা খুদোংচাবা পীরি। থৌরম অসিদা স্তার্ত-অপশিংনা মখোয়গী পোত্থোকশিং অমসুং সর্ভিসশিং ইনভেস্তরশিং অমসুং এসোসিএৎসশিংদা উৎপা ঙম্মি। মসিনা স্তার্ত-অপ ইন্দিয়া মিসন অমসুং লৈবাক অসিদা লৈরিবা অতোপ্পা খোংথাংশিংগী মখাদা মখা তানা খুদোংচাবশিং ফংহনবদা মতেং পাংগনি।

রীইমেজিনিং ভারত একজিবিসন – ন্যু এজ তেক্নোলোজীশিংগী খুত্থাংদা ত্রান্সফোর্মেসনগী পান্দমদি অনৌবা তেক্নোলোজীশিং অমসুং সরকারগী এজেন্সীশিং অমসুং দিপার্তমেন্তশিংনা পুথোকপা প্রোতোতাইপশিং/মোদেলশিং উৎনবা হোৎনবনি। থৌরম অসিগী পান্দম ওইরিবা S&T গী লমশিং অসি ফন্দামেন্তেল অমসুং এপ্লাইদ সাইন্স, লৌউ-শিংউ, হেল্থকেয়র, স্পেস, এজুকেসন, স্ত্রেতেজিক সেক্তরশিং, রোবোতিক্স, অসিনচিংবদা লোইবা নত্তে।

সাগরিকা – দি তেল ওফ আর্থ সাইন্সকী থৌরম অসিনা মেতিওরোলোজী, ওসীনোগ্রাফি, ইকোলোজী অসিনচিংবা পৃথীবিগী সাইন্সকী তোঙান তোঙানবা লমশিংদা মীওইশিংবু পুক্নিং চিংশিনবা অমসুং এজুকেৎ তৌনবা পান্দম থম্লি। থৌরম অসিগী খুত্থাংদা, IISFনা অকোইবগী ফিভমগা মরী লৈনবা হীরমশিংদা মীয়ামগী ৱাখল তাহনবা পাম্মি।

সাইন্স বিয়োন্দ বোর্দর্স থৌরম অসিনা সাইন্তিস্তশিং, রিসর্চ তৌরিবশিং অমসুং ইন্সতিত্যুসনশিংগী মরক্তা মালেমগী ওইবা S&Tগী শীংনবশিং কোকহন্নবা ইন্তর্নেস্নেল কোলাবোরেসন, পার্তনরশিপ অমসুং দাইলোগ এক্সচেঞ্জ পুক্নিং থৌগৎনবা পান্দম থম্লি।

ভিগ্যানিকা থৌরম অসিনা সাইন্স লিতরেচর ফেস্তিবেল পাংথোকই। মসিগী পান্দমদি সাইন্স লিতরেসি অমসুং ইন্দিয়ন লোলশিংদা ইফেক্তিব সাইন্স কম্ম্যুনিকেসন স্ত্রাতেজিশিং প্রমোৎ তৌবা হায়বসিনি। মরুওইবা লেকচরশিং, পেনেল দিস্কসনশিং অমসুং সাইন্তিফিক সেসনশিংগী খুত্থাংদা S&T ওথরশিং, বিজ্ঞান কবি সম্মেলন, সাইন্স দ্রামা অমসুং আর্তশিং অমসুং মরী লৈনবা কম্পিতিসনশিংগী খুত্থাংদা ৱারী শানখি।

. ফ্যুজন ফোরম – দি এতোমিক এসেমব্লীগী থৌরম অসিনা হৌজিক ওইরিবা মীৎয়েং, তুংগী কান্নবশিং অমসুং ভারত্তা ন্যুক্লিয়র ইনর্জী অসি তোঙান তোঙানবা সেক্তরশিং হায়বদি পাৱর জেনরেসন, ন্যুক্লিয়র মেদিসিন, এগ্রিকলচর, এদিতিব মেন্যুফেকচরিং অসিনচিংবদা ইমপ্লিমেন্ত তৌবদা থেংনরিবা খুদোংচাদবশিংগী মতাংদা খন্ন-নৈনগনি।

স্তুদেন্ত - সাইন্তিস্ত ইন্তরেক্সন প্রোগ্রাম - সাইন্সকী অনৌবা লমশিংগা লোয়ননা ফেস-তু-ফেসনা মহৈরোইশিং/রিসর্চরশিংনা সাইন্স অমসুং রিসর্স কেরিয়র তম্নবা পুক্নিং থৌগৎনবগীদমক তোঙান-তোঙানবা দিসিপ্লিনশিংগী S&Tগী এক্সপর্তশিংগা ৱারী শানবগী অতেনবা সেসনশিং পাংথোক্লি।

নেস্নেল সোসিএল ওর্গনাইজেসনশিং অমসুং ইন্সতিত্যুসনশিংগী মীত (NSOIM) না সোসিএল ওর্গনাইজেসনশিংনা S&Tবু শৌগৎপদা লৌরিবা থৌদাং অদু নীংথিনা খঙবা অমসুং মসিনা মখোয়দা সাইন্তিফিক ইন্তরভেন্সনশিং অমসুং খুন্নাইগী চাউখৎপা অমসুং লৈবাক শেমগৎপদা তুং কোইনা চৎকদবা মোদেলশিংগী মতাংদা খন্ন-নৈনবা প্লেৎফোর্ম অমা পীরি।

ভিজন সনসাদনা লৈবাক অসিগী সাইন্স ইন্সতিত্যুসন খুদিংমক্তগী দাইরেক্তরশিং, ভাইস চান্সেলরশিং, প্রসিদেন্তশিং অমসুং সেনিয়র লিদরশিংগুম্বা মরুওইবা লুচিংবশিং পুন্সিন্নবা পান্দম থম্লি। মফম অসিদা হৌজিক থেংনরিবা খুদোংচাদবশিং কোকহন্নবা অমসুং ভারতকী সাইন্সকী তুংলমচৎপু মওং তানা শেম্নবগীদমক্তা সাইন্স রিসর্চ, কোলাবোরেসন অমসুং পোলিসী দিবেলপমেন্তকীদমক স্ত্রাতেজীশিং খন্ন-নৈনবগী থৌরাং পায়খৎপা ঙমগনি।

সাইন্স সাফারি সাইন্স থ্রু গেম্স এন্দ এদভেঞ্চরসনা সাইন্সতা য়ুম্ফম ওইবা শান্নপোৎশিং অমসুং গেমশিং উৎনবগী প্লেৎফোর্ম অমা পীরি অমসুং ওজাশিংনা শান্নপোৎশিং অসি ত্রেনিংগীদমক শিজিন্নবগী পাম্বৈশিং অদু তম্নবগীদমক ৱার্কশোপশিংসু পাংথোক্লি।

S&T মীদিয়া কনক্লেবনা মীদিয়া পর্সনেল, জর্নেলিস্ত, কম্ম্যুনিকেতর অমসুং মীয়াম্বু পাক শন্না মীয়ামদা সাইন্স পাউ ফাওনবগী শিংনবশিং অমসুং খুদোংচাবশিং, সাইন্স কম্ম্যুনিকেসনগী খ্বাইদগী ফবা পাম্বৈশিং অমসুং অরানবা পাউ শন্দোকপশিং অমসুং সাইন্তিফিক কম্ম্যুনিতী অমসুং মীদিয়াগী মরক্তা তেংবাং পীনবা হেনগৎহন্নবা থৌরাংশিংগী মতাংদা খন্ন-নৈনবা প্লেৎফোর্ম অমদা পুশিল্লগনি।

সাগা ওফ সাইন্স ক্রোনিকলস অসি IISF 2024গী নুমিৎ খুদিংগী নুমিদাং পুং 7:30দগী নুমিদাং পুং 9:30 ফাওবদা পাংথোক্কদবা LED লাইৎ শোগী খুত্থাংদা ভারতকী সাইন্স অমসুং সাইন্তিস্তশিংগী পুৱারী অমসুং হৌখিবা মতমগী চাউখৎ-থৌরাংগী মতাংদা পাউদম্নবা নুমিদাংৱাইরমগী থৌরম অমনি।

নোর্থ ইস্তকী সাইন্স ওদিসীনা নোর্থ ইস্ততা সাইন্স অমসুং তেক্নোলোজীগী খুমাং চাউশিল্লকপদা অথিংবা পীরিবা শিংনবশিং অদু কোকহল্লগনি অমসুং নোর্থ ইস্তকী সাইন্স অমসুং তেক্নোলোজীগী প্রমোসনগী পাম্বৈশিং অদু খন্নগনি।

তেস্ত ওফ দি হিল্স- নোর্থ ইস্ত ফুদ স্ত্রীতনা অৱাং নোংপোক্কী ফুদ হেরিতেজ উৎকনি অমসুং মীয়ামদা মখোয়গী ত্রেদিস্নেল ফুদ আইতেমশিং চানবা অমসুং নুংঙাইবা পীরগনি। ফুদ স্ত্রীৎ অসি IISF 2024 মনুংদা হাংদুনা লৈগনি।

নোর্থ ইস্ত সিম্ফোনি- নোর্থ ইস্ত কলচরেল ফেস্তনা ভারতকী অৱাং নোংপোক্কী তোঙান তোঙানবা চৎনবীশিং, চৎনবীশিং অমসুং কলাশিংবু ঈশৈ, জগোই, খুৎশা হৈবগী থবকশিং অমসুং চৎনবীগী থবকশিংগা লোয়ননা উৎকনি। ফেস্ত অসি IISF 2024গী মতম পুম্নমক্তা পাংথোক্কনি।

IISF 2024 অসি সাইন্স অমসুং তেক্নোলোজী প্রমোৎ তৌবদা মরু ওইবা থৌরম অমা ওইগনি। হৌজিক্কী থিম অসিগা লোয়ননা মসিনা ভারতকী সাইন্তিফিক এচিবমেন্তশিংবু সেলেব্রেৎ তৌনবা অমসুং তোঙান তোঙানবা সেক্তরশিংদা মতেং পীনবা পাম্মি। থৌরম অসিদা সাইন্তিফিক প্রোফেস্নেলশিং অমসুং মীয়াম্না শরুক য়াবা মখল কয়াগী থবক থৌরমশিং পাংথোক্কনি। মসি মীপুম খুদিংমক্কীদমক হাংলি অমসুং মসি লেম্না চৎলি। মরম অদুনা ভারতকী সাইন্তিফিক এচিবমেন্তশিং য়েংনবগীদমক মীপুম খুদিংমক্না থৌরম অসিদা শরুক য়াবা তাই।

*****

(Release ID: 2078496) Visitor Counter : 18