بھارت نیشنل سائبر سیکورٹی مشق (بھارت این سی ایکس) 2024 کے اہم اجزا بھارت سی آئی ایس او کے کنکلیو اور بھارت سائبر سیکورٹی اسٹارٹ اپ نمائش کا آج کامیابی سے افتتاح کیا گیا۔ راشٹریہ رکشا یونیورسٹی (آر آر یو) کے تعاون سے قومی سلامتی کونسل سکریٹریٹ (این ایس سی ایس) کے ذریعہ منعقد کی گئی ان تاریخی تقریبات نے سائبر سیکورٹی لچک کو بڑھانے ، جدت طرازی کو فروغ دینے اور مختلف شعبوں میں تعاون کو فروغ دینے کے لیے بھارت کے عزم کو اجاگر کیا۔

سی آئی ایس او کے کنکلیو کا مقصد علم کا تبادلہ، اسٹریٹجک ڈائیلاگ اور ملک کے سائبر سیکیورٹی ایکو سسٹم کو مضبوط بنانے کے لیے جدید حل تلاش کرنا تھا۔ سی آئی ایس او کا کنکلیو بھارت کے ڈیجیٹل انفراسٹرکچر کی حفاظت اور ملک کے لیے مضبوط ، آگے بڑھنے والے سائبر سیکورٹی فریم ورک کو آگے بڑھانے میں متحد قیادت اور بین شعبہ تعاون کی اہم اہمیت کو اجاگر کرتا ہے۔

اپنے افتتاحی خطاب میں لیفٹیننٹ جنرل ایم یو نائر، پی وی ایس ایم، اے وی ایس ایم، ایس ایم (ریٹائرڈ) نیشنل سائبر سکیورٹی کوآرڈینیٹر نے بڑھتے ہوئے سائبر خطرات سے نمٹنے کے لیے فعال اقدامات اور کثیر شعبہ جاتی تعاون کی ضرورت پر زور دیا۔ نائب قومی سلامتی مشیر (ٹکنالوجی اور انٹیلی جنس) جناب ٹی وی روی چندرن نے اپنے کلیدی خطاب میں قومی سلامتی کے تحفظ اور پیچیدہ سائبر سکیورٹی چیلنجوں سے نمٹنے کے لیے ابھرتی ہوئی ٹکنالوجیوں سے فائدہ اٹھانے کی اہمیت کو اجاگر کیا۔

سی آئی ایس او کے کنکلیو میں نیشنل سائبر سکیورٹی ریفرنس فریم ورک (این سی آر ایف) کے اجراء اور نیشنل سائبر رینج 1.0 (این سی آر-1.0) کے اجرا کا بھی ذکر کیا گیا۔

اس کے علاوہ بھارت سائبر سیکورٹی اسٹارٹ اپ نمائش میں بھارت کے معروف اسٹارٹ اپس کے جدید حلوں کی نمائش کی گئی ، جس میں تھریٹ انٹیلی جنس ، آپریشنل ٹکنالوجی (او ٹی) سیکورٹی ، اور جدید تجزیات جیسے شعبوں پر توجہ مرکوز کی گئی ، جس میں سائبر سیکورٹی میں ملک کی کاروباری صلاحیت کو اجاگر کیا گیا۔

***

(ش ح – ع ا)

U. No. 3079

(Release ID: 2078156) Visitor Counter : 7