زراعت اور کسانوں کی بہبود اور دیہی ترقی کے مرکزی وزیر جناب چوہان نے  زراعت کے ریاستی وزراء کے ساتھ ان کی وزارتوں سے متعلق مسائل پر تفصیل سے تبادلہ خیال کرنے اور انہیں تیزی سے حل کرنے کے لیے میٹنگوں کا سلسلہ شروع کیا ہے۔اسی سلسلے میں آج  مرکزی وزیر نے سکم کے وزیر زراعت جناب پرن کمار گرونگ کے ساتھ نئی دہلی کے کرشی بھون میں ملاقات کی۔

مرکزی وزیر جناب شیوراج سنگھ چوہان نے کہا کہ وزیر اعظم جناب نریندر مودی کی قیادت میں کسانوں اور زراعت کے شعبے کا مفادات سب سے اہم ہیں اور مرکزی حکومت ریاست میں نامیاتی زراعت کو فروغ دینے کے لیے ہر ممکن مدد فراہم کرتی رہے گی۔ جناب چوہان نے مزید بتایا کہ سکم کے بارے میں نامیاتی کاشتکاری، قدرتی کھیتی اور دیگر مسائل پر بات چیت کی گئی۔ مرکزی وزیر نے یقین دلایا کہ وزارت ریاست میں آرگینک کھیتی اور قدرتی کھیتی کو فروغ دینے کے لیے مناسب مالی مدد فراہم کرے گی اور اس میٹنگ سے مرکز اور ریاست کے درمیان تعلقات مضبوط ہوں گے اور اعتماد بڑھے گا۔ محکمہ زراعت اور کسانوں کی بہبود کے اعلیٰ افسران بھی میٹنگ میں موجود تھے۔

*****

U.No:3018

ش ح۔ع س۔س ا

(Release ID: 2077719) Visitor Counter : 6