#IFFIWood, 25 नोव्‍हेंबर 2024

 

55व्या भारतीय आंतरराष्ट्रीय चित्रपट महोत्सवांत "विल आर्टिफिशियल इंटेलिजेंस ऑल्टर फिल्म मेकिंग फॉरऐवर?" या शीर्षकाची पॅनेल चर्चा आयज पणजेच्या कला अकादमीत जाली . ह्या विशिश्ट पॅनलांत भारतीय चित्रपट निर्मातो आनी उद्देजक आनंद गांधी, ओपनएआयचे भौशीक धोरण आनी भागीदारी मुखेली प्रज्ञा मिश्रा हांचो आस्पाव आशिल्लो आनी ताचें संचालन नामनेचो चित्रपट निर्मातो शेखर कपूर हांणी केलें.

शेखर कपूर हांच्या उक्तावण उलोवपा वरवीं चर्चेक  सुरवात जाली, थंय तांणी आर्टिफिशियल इंटेलिजन्स (एआय) ची समज काळा प्रमाण ल्हव ल्हव विकसीत जायत आसा अशें मान्य केलें. "एआय" म्हणल्यार कितें तें कोणाकूच खबर ना, आमी अजूनय मशीन लर्निंग, डीप लर्निंग सारकिल्या वेगवेगळ्या एआय संज्ञांचो सोद घेवपाचे प्रक्रियेंत आसात."  ताणें फुडें एआय संभाव्यपणान नोकऱ्यांची सुवात घेवपा विशीं चालू आशिल्ल्या वादवादाक तज्ञपणान हाताळ्ळें आनी  ताका प्रभावित करपी ताच्या कामवाली विशीं एक मनोरंजक वैयक्तीक अणभव सांगलो, जी  ‘मिस्टर इंडिया’ च्या सिक्वेलाची पटकथा तयार करपाक  सक्षम आशिल्ली.  

ताणें परिस्थितीची तुळा ट्रॅक्टरांच्या आगमनाकडेन केली. जे सुरवेक शेतकारांची सुवात घेतले अशें मानताले, पूण प्रत्यक्षांत तंत्रगिन्यानाक मनशाची तांक वाडोवपाचें साधन म्हणून पळोवचें, जशें डिजिटल क्रांती जंय फारीकणी खातीर यूपीआय सगळेकडेन आपणायल्या, अशें तांणी सांगलें.

'सोरा' चें प्रात्यक्षिक: एआय-पॉवर्ड टेक्स्ट-टू-व्हिडिओ मॉडेल:

प्रज्ञा मिश्रा 'सोरा' चें प्रात्यक्षिक दिलें, जें एआय-आदारीत मजकूर-व्हिडियो मॉडेल आसा जें वापरप्यांक मजकूर प्रॉम्प्टांतल्यान व्हिडियो तयार करपाक मेळटा. साद्या सुचोवण्यां वरवीं सोरा मनशाच्या अभिव्यक्ती आनी संस्कृतीक बारीकसाणींच्या गुंतागुंतीच्या तपशीलांची प्रतिकृती करून अत्यंत वास्तववादी व्हिडियो तयार करूंक शकता अशें तिणें स्पश्ट केलें.

तशेंच चुकीची म्हायती, द्वेष भाशण, वंशीक भेदभाव अश्या समस्यांचेर प्रतिबंध घालपाखातीर  भौशीक व्यक्तींचे चेहरे मॉडेलांत मर्यादीत आशिल्ल्याचें तिणें ह्या साधना कडेन संबंदीत आशिल्ल्या नैतीक विचारांविशी उलयताना सांगले.   एआय सृजनशील क्षमता उक्ती करूंक शकता आनी मनीसपणाक एक बळिश्ट साधन जावंक शकता, जाका लागून संवसारीक पांवड्यार निर्मात्यांक आनी वापरप्यांक फायदो जातलो हाचेर तिणें भर दिलो.

एआयचें लोकशायीकरण: निर्मात्यांक सशक्त करप आनी जागतीक प्रदर्शन:

फिल्म निर्मितींत एआयची वाडत वचपी भुमिके विशीं विचारलें तेन्ना आनंद गांधीन एआय रोखडोच फिल्म निर्मिती प्रक्रियेचो एक अविभाज्य भाग जातलो अशें मत उक्तायले. एआय फकत मदत करची  ना जाल्यार सहलेखक म्हणून फिल्म तयार करपाक सक्रीयपणान वांटो घेतली अशें तांणी स्पश्ट केलें.

एआयची पुर्विल्लीं शास्त्रां परतून तयार करपाची तांक हाचे विशीं विचारिल्ल्या प्रस्नाक जाप दिताना प्रज्ञा मिश्रान हें पयलींच घडटा अशें पुष्टी केलें आनी अशा साधनांचो प्रवेश लोकशायीकरण करपाचें म्हत्व तिणें सांगलें. एआय निर्मात्यांक कल्पना मांडपाक आनी निधी लेगीत सुरक्षीत करपाक मदत करूंक शकता, जाका लागून दिग्दर्शकांक आपलें काम जागतीक माचयेर दवरपाक मेळटलें.

उपरांत चर्चेंत एआय मनशाची सृजनशीलताय दामपाची शक्यताय आसा हाचेर उलोवप जालें. हाचेर शेखर कपूरान म्हणलें, "एआय मनशाच्या कल्पनेकडेन पावपाक बरोच विलंब आसा कारण मनशाची कल्पनाशक्त अनिश्चिततायेंतल्यान, मोगान, भंयांतल्यान जल्माक येता, पूण एआय खातीर सगळें निश्चीत आसा".

कपूर, हांणी सांगलें की, विचार करप बंद करून दरेक काम एआय कडेन दिवपाची जडताय आसल्यार ती जन्मजात आनी मनशाची समस्या आसा .

प्रज्ञा मिश्रा हांणी ताका जाप दितना  एआय हें एक साधन म्हणून सादर केलें, जें खंयच्याय वस्तूची सुवात घेवचे परस सृजनशील अभिव्यक्तीक आदार दिता.

"हांव ताची कल्पना करूंक शकता आनी एआय वापरून स्वताची बरी अभिव्यक्ती करूंक शकता" अशें तिणें जोडलें आनी एआय मनशाच्या विचारांक जिवीत हाडपाक मदत करपाक एक बुदवंत सहाय्यक म्हणून काम करता हाचेर भर दिलो. एकाच प्रॉम्प्टान लेगीत सोरा दर खेपे खाशेले परिणाम निर्माण करता, मनशां सारकेच, जे दर एका संकेताचो वेगवेगळो अर्थ लायता अशें तिणें स्पश्ट केलें.

सत्र सकारात्मक रितीन सोंपलें, एआय फिल्म निर्मितींत म्हत्वाची वाड करूंक शकता, पूण मनशाच्या मनाच्या सृजनशील क्षमतेक केन्नाच बदलचो ना अशें पॅनेलान मान्य केलें.

 

* * *

PIB IFFI CAST AND CREW | Subhash/Utkarsha/Darshana | IFFI 55

(Release ID: 2077185) Visitor Counter : 6