دیہی ترقی اور زراعت اور کسانوں کی بہبود کے مرکزی وزیر جناب شیوراج سنگھ چوہان نے آج نئی دہلی میں صنفی بنیاد پر تشدد کے خلاف  نئی چیتنا – پہل بدلاو کی ایک ماہ طویل  تیسری قومی مہم  کا آغاز کیا۔ خواتین اور بچوں کی بہبود کی مرکزی وزیر محترمہ اناپورنا دیوی نے بھی دیہی ترقی کے ریاستوں کے وزراء جناب کملیش پاسوان اور ڈاکٹر چندر شیکھر پیمسانی کے ساتھ تقریب میں شرکت کی۔ دیہی ترقی کی وزارت کے زیراہتمام دین دیال انتیودیا یوجنا - قومی دیہی روزی روٹی مشن  کے زیر اہتمام یہ مہم تمام ریاستوں اور مرکز کے زیر انتظام علاقوں میں 23 دسمبر 2024 تک چلے گی۔ مشن کے سرگرم اپنی مدد آپ گروپ كے  نیٹ ورک کے زیرقیادت یہ پہل جن آندولن کے جذبے کو مجسم کرتی ہے۔نئی چیتنا مہم کا مقصد بیداری کو بڑھانا اور صنفی بنیاد پر تشدد کے خلاف نچلی سطح پر اقدامات کے ذریعے باخبر کارروائی کرنا ہے۔ دیہی ترقی کے مرکزی وزیر جناب شیوراج سنگھ چوہان نے خواتین اوربچوں كی بہبود كی مركزی وزیر  محترمہ اناپورنا دیوی اور دیہی ترقی کے وزیر مملکت جناب کملیش پاسوان اور ڈاکٹر چندر شیکھر پیمسانی کے ساتھ تیسری نئی چیتنا مشترکہ ایڈوائزری جاری کی۔ انہوں نے 13 ریاستوں میں 227 نئے صنفی وسائل کے مراکز کا بھی افتتاح کیا۔

جناب شیوراج سنگھ چوہان نے کہا کہ مدھیہ پردیش کے وزیر اعلیٰ کے طور پر اپنے دور میں انہوں نے خواتین کی ترقی کے مقصد سے متعدد اسکیمیں شروع کیں۔ان اقدامات سے ان کی زندگیوں میں اہم مثبت تبدیلی آئی۔ اس سے ان کے گھر والوں میں بھی ان کی عزت میں اضافہ ہوا۔ اگر خواتین کو مکمل طور پر بااختیار بنانا ہے تو خواتین کو سماجی، سیاسی اور تعلیمی طور پر بااختیار بنانا ضروری ہے۔ وزیر اعظم جناب نریندر مودی کی قیادت میں خواتین کو بااختیار بنانے کے اقدامات کو ایک مہم کے طور پر لاگو کیا جا رہا ہے۔ میں اس کوشش کے لیے وزیر اعظم جناب نریندر مودی کو تہہ دل سے مبارکباد دیتا ہوں۔ نئی چیتنا جیسے پروگراموں کو لازمی طور پر معاشرے میں لے جانا چاہیے، کیونکہ جاری تشدد جاری سے نہ صرف دیہی علاقے بلکہ شہر بھی متاثر ہوتے ہیں اور نربھیا جیسے واقعات ہوتے ہیں۔روبیکا پہاڑی اور انکیتا سین جیسی بیٹیاں بھیانک جرائم کا شکار  ہوہیں۔ وزیر اعلیٰ کے طور پر اپنے دور میں میں نے مشاہدہ کیا کہ عصمت دری کے 90 فیصد واقعات میں جاننے والے ملوث تھے۔ اس مسئلے سے نمٹنے کے لیے وسیع پیمانے پر عوامی بیداری ضروری ہے۔خواتین کے اپنی مدد آپ گروپوں نے خواتین کو ایک طاقت کے طور پر متحد کرتے ہوئے خواتین کو بااختیار بنانے میں ایک انقلاب برپا کیا ہے۔ اس مہم کو ان گروپوں کے ذریعے ہر گاؤں تک لے جانا چاہیے۔ اس کی تاثیر کو بڑھانے کے لیے، ہم شہری علاقوں پر توجہ مرکوز کرتے ہوئے ہر گاؤں اور شہر میں اس کے نفاذ کا جائزہ لیں گے اور حکمت عملی مرتب كریں گے۔

جناب چوہان نے ہندوستان میں ایک نئے شعور کی ضرورت پر زور دیا جہاں خواتین کے احترام کی روایت ختم ہوتی دکھائی دے رہی ہے۔ انہوں نے زور دیا کہ خواتین کے خلاف تشدد کو برداشت نہیں کیا جانا چاہیے اور کارروائی نہ کرنے کا کوئی بہانہ نہیں ہونا چاہیے۔اس مقصد کو حاصل کرنے کے لیے، وہ عصمت دری کے مرتکب افراد کے لیے سزائے موت کی وکالت کرتے ہیں كیونكہ انسانی حقوق انسانوں کے لیے ہیں، گھناؤنے جرائم کرنے والوں کے لیے نہیں۔وانہوں نےتحفظ کو یقینی بنانے اور تشدد کے خاتمے کے لیے خواتین، خواتین کی ترقی کے محکمے، اپنی مدد آپ  گروپس اور مجموعی طور پر معاشرے کے درمیان اتحاد اور اجتماعی کوششوں کی اہمیت کو بھی اجاگر کیا اور ایک ایسے مستقبل کا تصور کیا جہاں خواتین تشدد کے خوف کے بغیر رہ سکیں۔

جناب کملیش پاسوان نے خواتین کو بااختیار بنانے میں وزیر اعظم جناب نریندر مودی کی قیادت میں دیہی ترقی کی وزارت کی قابل ذکر کوششوں پر روشنی ڈالی  جو ہندوستان کی نصف آبادی ہیں۔قابل ذکر بات یہ ہے کہ ہاؤسنگ اسکیم میں نمایاں پیش رفت ہوءی ہے، جس میں 75 فیصد مکانات خواتین کے لیے مختص کیے گئے ہیں۔یہ اقدام خواتین کی مساوات کو فروغ دینے کے لیے ہندوستان میں تیزی سے ہونے والی تبدیلیوں کا حصہ ہے۔

ڈاکٹر چندر شیکھر پیمسانی نے کہا کہ ہمارے ملک کی ترقی کا انحصار ہر عورت کی عزت، سلامتی اور آزادی پر ہے، خاص طور پر وہ لوگ جو ہمارے دیہی علاقوں میں ہیں۔صنفی بنیاد پر تشدد ایک عالمی مسئلہ ہے جس کی کوئی حد نہیں ہے، جس میں جسمانی اور جذباتی زیادتی سے لے کر آن لائن ہراساں کرنے اور سائبر غنڈہ گردی تک کئی شکلیں ہوتی ہیں۔ ڈاکٹر پیمسانی نے مزید کہا کہ خواتین کو بااختیار بنانا صرف ایک پالیسی نہیں ، یہ ہمارا اخلاقی فرض اور معاشرتی ضرورت ہے۔

دیہی ترقی کے سکریٹری جناب شیلیش کمار نے اس تحریک کو آگے بڑھانے میں خواتین کے عزم اور لگن کے اہم رول پر زور دیا اور  کہا کہ خواتین کی فعال شمولیت اور حمایت سے ہی ایک مضبوط تحریک قائم کی جا سکتی ہے۔ انہوں نے ہندوستان میں صنفی بنیاد پر تشدد اور عدم مساوات کی موجودہ صورتحال کو بھی تسلیم کیا۔ خواتین کی تعلیم، صحت اور سیاسی شراکت میں پیش رفت کے باوجود، خواتین کو امتیازی سلوک، سماجی اصولوں، انتہاءی تشدد  اور غیر مساوی گھریلو کام کا بوجھ جیسے چیلنجوں کا سامنا کرنا پڑتا ہے۔ دیہی ہندوستان میں اعداد و شمار تشویشناک ہیں، 49 فیصد خواتین کا اپنی آمدنی پر کوئی کنٹرول نہیں ہے اور 32 فیصد کا خیال ہے کہ صنفی عدم مساوات کی وجہ سے ان کے مواقع محدود ہیں۔

یہ مہم "پوری حکومت" کے نقطہ نظر اور 9 وزارتوں/محکموں یعنی خواتین اور بچوں کی بہبود کی وزارت، صحت اور خاندانی بہبود کی وزارت، اسکولی تعلیم اور خواندگی کا محکمہ، وزارت داخلہ،  پنچایتی راج کی وزارت، سماجی انصاف اور بااختیار بنانے کی وزارت، نوجوانوں کے امور اور کھیل کی وزارت، اطلاعات و نشریات کی وزارت اور محکمہ انصاف  کی مشترکہ کوشش ہے۔

تیسری نئی چیتنا  کے مقاصد میں صنفی بنیاد پر تشدد کی تمام اقسام کے بارے میں بیداری پیدا کرنا، کمیونٹیز کو بولنے اور کارروائی کا مطالبہ کرنے کی ترغیب دینا، بروقت امداد کے لیے سپورٹ سسٹم تک رسائی فراہم کرنا اور مقامی اداروں کو تشدد کے خلاف فیصلہ کن کارروائی کرنے کا اختیار دینا شامل ہے۔ مہم کا نعرہ، "ایک ساتھ، ایک آواز، تشدد کے خلاف،" پورے معاشرے اور پوری حکومت کے نقطہ نظر کو اپناتے ہوئے، اجتماعی کوششوں کے ذریعے اجتماعی کارروائی کے مطالبے کو مجسم کرتا ہے۔

******

U.No:2940

ش ح۔ع س۔س ا