புதுதில்லியின் பாரத் மண்டபத்தில் இன்று நடைபெற்ற புவிவெளிசார் சுற்றுச்சூழல் அமைப்பை வலுப்படுத்துவதற்கான தேசிய பயிலரங்கில் தேசிய புவிசார் கொள்கை (NGP) 2022 உடன் ஒத்துப்போகும் வகையில் இந்தியாவின் புவிசார் துறையை முன்னேற்றுவதற்கான வழிகள் குறித்து விவாதிக்க கொள்கை வகுப்பாளர்கள், வல்லுநர்கள் மற்றும் தொழில்துறை தலைவர்கள் ஒன்றிணைந்தனர்.

அறிவியல் மற்றும் தொழில்நுட்பத் துறையின் (டி.எஸ்.டி) கீழ் செயல்படும் தேசிய வரைபட முகமையான சர்வே ஆஃப் இந்தியா (எஸ்.ஓ.ஐ) ஏற்பாடு செய்த பயிலரங்கில், புவியியல் வளர்ச்சியின் முக்கிய அம்சங்கள் குறித்த விரிவான விவாதங்கள் இடம்பெற்றன.

தேசிய புவியியல் கொள்கை 2022 என்பது ஒரு அரசு முயற்சி மட்டுமல்ல, இது ஒரு கூட்டுப் பொறுப்பு. இந்தக் கொள்கையின் உறுதிமொழியை நிறைவேற்றுவதில் ஒவ்வொரு குடிமகனுக்கும், ஒவ்வொரு நிறுவனத்திற்கும், ஒவ்வொரு தொழில்துறைக்கும் ஒரு பங்கு உள்ளது. புவிசார் தொழில்நுட்பங்களின் சக்தியை நாம் ஏற்றுக்கொள்வதால், நன்மைகள் அனைவராலும் உணரப்படுவதை உறுதி செய்ய நாம் ஒன்றிணைந்து செயல்படுவோம் என்று அறிவியல் தொழில்நுட்பத்துறைசெயலாளர் பேராசிரியர் அபய் கரண்டிகர் தெரிவித்தார்.

இந்திய சர்வேயர் ஜெனரல் திரு எஸ் ஹிதேஷ் குமார் மக்வானா பேசுகையில், இப்போது கவனம் ஒன்றிணைந்து செயல்படுவதிலும், புவிசார் திட்டங்களில் நகல் மற்றும் குறுக்கு ஒத்துழைப்பைக் குறைப்பதிலும் இருக்க வேண்டும். கூட்டு நிதிக்கான வழிகள் தேசத்தின் பெரிய நலனுக்காக அமைய வேண்டும் என்றார்.

ஒரு வலுவான புவிவெளிசார் சுற்றுச்சூழல் அமைப்பை உருவாக்க NGP-22- ஐ செயல்படுத்துவதில் மத்திய அமைச்சகங்கள் மற்றும் மாநில அரசுகளின் கூட்டு பங்களிப்பை ஆராய்ந்தனர். விவசாயம், உள்கட்டமைப்பு, போக்குவரத்து மற்றும் வாழ்வாதாரங்களில் உள்ள சவால்களை எதிர்கொள்ள புவிசார் தொழில்நுட்பங்களை மேம்படுத்தும் ஒரு முன்னோடி முயற்சியாக, 2024 நவம்பர் 13  அன்று தொடங்கப்பட்ட ஆபரேஷன் துரோணகிரியின் தாக்கத்தையும் இந்த நிகழ்வு எடுத்துரைத்தது. இந்த முயற்சி, புவிசார் கண்டுபிடிப்புகளில் இந்தியாவை ஒரு தலைவராக நிலைநிறுத்துவதற்கும், தரவு உந்துதல் தீர்வுகள் மூலம் பொருளாதார வளர்ச்சி மற்றும் துறை வளர்ச்சியை இயக்குவதற்கும் ஒரு படியாகும்.

ஒருங்கிணைந்த சேவைகள் மற்றும் நிலையான வளர்ச்சிக்கு ஆதரவளிப்பதற்காக, சீரான மற்றும் நவீனமயமாக்கப்பட்ட தேசிய புவியியல் ஆய்வுக் குறிப்பை நிறுவுவதற்கான சவால்கள் மற்றும் உத்திகள் குறித்து இந்த செயலமர்வு சிறப்பு கவனம் செலுத்தியது. பாடத்திட்ட தரப்படுத்தல், திறன் மேம்பாட்டு திட்டங்கள் மற்றும் அதிநவீன ஆராய்ச்சி முயற்சிகள் மூலம், புவிசார் துறையில் திறன் மேம்பாட்டின் முக்கியத்துவம் குறித்தும் விவாதங்கள் இடம் பெற்றன.

நில வளத் துறை செயலாளர் திரு மனோஜ் ஜோஷி மற்றும் ஜி.டி.டி.சி தலைவர் ஸ்ரீகாந்த் சாஸ்திரி ஆகியோர் பங்கேற்ற இந்த பயிலரங்கு, என்.ஜி.பி-22-ன் பார்வையை நனவாக்குவதற்கும், புதுமை, பொருளாதார செழிப்பு மற்றும் தொழில்நுட்ப தலைமைத்துவத்தை வளர்ப்பதற்கும் ஒரு குறிப்பிடத்தக்க படியாக செயல்பட்டது.

அரசு, கல்வி, தனியார் துறை சம்பந்தப்பட்ட கூட்டு சுற்றுச்சூழல் அமைப்பை உருவாக்குவதன் மூலம், புவிசார் துறையில் உலகளாவிய தலைவராக மாறுவதற்கான இந்தியாவின் உறுதிப்பாட்டை இது வலுப்படுத்தியது.

----

TS/MM/KPG/RR/DL

(Release ID: 2077018)