नवी दिल्ली, 25 नोव्हेंबर 2024

सांख्यिकी आणि कार्यक्रम अंमलबजावणी मंत्रालय सप्टेंबर 2017 नंतरच्या कालावधीसाठी औपचारिक क्षेत्रातील रोजगाराशी संबंधित आकडेवारी जारी करत आहे. यामध्ये कर्मचारी भविष्य निर्वाह निधी (ईपीएफ ) योजना , कर्मचारी राज्य विमा (ईएसआय ) योजना आणि राष्ट्रीय पेन्शन योजना (एनपीएस ) या तीन प्रमुख योजनांतर्गत सदस्यत्व घेतलेल्या सदस्यांच्या  संख्येची माहिती वापरण्यात आली आहे.

संपूर्ण अहवाल इथे पाहता येईल : Payroll Reporting in India An Employment Perspective –September, 2024.pdf

1.कर्मचारी भविष्य निर्वाह निधी योजना:

सप्टेंबर 2024 मध्ये नवीन ईपीएफ सदस्यांची एकूण संख्या 9,47,068 आहे , जी ऑगस्ट 2024 मध्ये 9,78,275 होती. जुलै 2024 मध्ये सर्वाधिक 1,117,481 ईपीएफ सदस्य जोडले गेले.

2.कर्मचारी राज्य विमा योजना:

सप्टेंबर, 2024 मध्ये ईएसआय योजनेअंतर्गत नवीन नोंदणीकृत कर्मचारी आणि योगदान देणाऱ्या कर्मचाऱ्यांची संख्या 15,02,964 आहे जी ऑगस्ट 2024 मध्ये 15,25,086 होती.

3.राष्ट्रीय पेन्शन योजना (एनपीएस ):

सप्टेंबर 2024 मध्ये , एनपीएस अंतर्गत नवीन योगदान देणाऱ्या सदस्यांची एकूण संख्या 58,018 आहे जी ऑगस्ट 2024 महिन्यात 54,869 होती.

 N.Chitale/S.Kane/P.Malandkar

 

 

 

 

 

 

 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

(Release ID: 2076915) Visitor Counter : 12