டிஜிட்டல் ஆயுள் சான்றிதழ் (டிஎல்சி) இயக்கம் 3.0, தில்லி தபால் வட்டத்தில் நடைபெற்று வருகிறது. ஓய்வூதியம் பெறுவோர் வசதிக்காக இந்த இயக்கத்தின் கீழ், அவர்களின் வீட்டுக்கே சென்று சேவைகள் வழங்கப்படுகின்றன. இந்த முகாம் 01.11.2024 அன்று தொடங்கி 30.11.2024 வரை தொடர்ந்து நடைபெற்று வருகிறது.

இந்த இயக்கத்தின் ஒரு பகுதியாக, வசந்த் குஞ்ச், ஜனக்புரி, சாணக்கியபுரி தபால் நிலையங்கள் ஓய்வூதியதாரர்களுக்கு முகாம்களை ஏற்பாடு செய்துள்ளன. இந்த இயக்கத்தின் கீழ் தற்போது வரை தில்லி தபால் வட்டத்தின் சார்பில் 4000-க்கும் மேற்பட்ட மூத்த குடிமக்களுக்கு டிஎல்சி வழங்கப்பட்டுள்ளது. தில்லியின் மூத்த குடிமக்கள் 27.11.2024 வரை பாரத் மண்டபத்தில்  பில்லர் எண் 10-க்கு அருகிலுள்ள இந்தியா போஸ்ட் பெவிலியன் ஹால் எண் 3-ல் டிஎல்சி தொடர்பான சேவையைப் பெறலாம். டிஎல்சி சேவைக்குத் தேவையான ஆவணங்கள் பின்வருமாறு:-

• கணக்கு எண்
• பிபிஓ எண்
• ஆதார் அட்டை எண்
• ஆதார் இணைக்கப்பட்ட மொபைல் எண்

***

(Release ID: 2076825)

TS/PLM/AG/RR

(Release ID: 2076835) Visitor Counter : 21