عملے، عوامی شکایات، پنشن، خلا اور جوہری توانائی نیز سائنس و ٹکنالوجی اور ارضیاتی علوم کے مرکزی وزیر(آزادانہ چارج ) ڈاکٹر جتیندر سنگھ نے آج ضلع کٹھوعہ کے ہیرا نگر سیکٹر کے بلاک مرہین میں تقریباً دو گھنٹے تک ’’عوامی دربار‘‘ کا انعقاد کیا۔

انفرادی شہریوں اور وفود کے ذریعے اٹھائے گئے متعدد مسائل کو موقع پر ہی حل کر لیا گیا۔ کئی دیگر معاملوں میں فوری کارروائی کی ہدایات جاری کی گئیں۔

ڈپٹی کمشنر راکیش منہاس کی قیادت میں پوری ضلعی انتظامیہ اور پی ڈبلیو ڈی، پی ڈی ڈی، این ایچ اے آئی، پولیس، ریونیو اور دیگر محکموں کے سینئر افسران بھی فوری مداخلت اور فالو اپ کے لیے عوامی دربار کے دوران موجود تھے۔

حالیہ مہینوں میں ضلع کٹھوعہ کے مختلف حصوں میں اس طرح کا یہ تیسرا عوامی دربار ہے۔

ڈاکٹر جتیندر سنگھ نے کہا کہ منتخب نمائندوں کی ذمہ داری ہے کہ وہ نہ صرف رائے دہندگان کی حقیقی ضروریات کو پورا کریں بلکہ انھیں اس بات پر قائل کرنے کی کوشش کریں کہ ان کی دیکھ بھال کی جائے اور ان کی بات سنی جائے ۔ انھوں نے مزید کہا کہ اس طرح کا عوامی دربار اس مقصد کو پورا کرتا ہے۔

اس موقع پر خطاب کرتے ہوئے ڈاکٹر جتیندر سنگھ نے زور دے کر کہا کہ وزیر اعظم جناب نریندر مودی کی قیادت والی این ڈی اے حکومت عام شہریوں کی خدمت اور عوام کی پریشانیوں کو کم کرنے کے لیے عہدبستہ ہے۔ انھوں نے کہا کہ حکومت سیاست، ذات پات، مسلک اور علاقے کی تنگ نظری سے بالاتر ہو کر شہریوں کے لیے زندگی میں آسانی کو یقینی بنانے کے مقصد سے ان کی دہلیز پر عوامی خدمات کی فراہمی پر توجہ مرکوز کر رہی ہے۔

عوامی دربار کے دوران ڈاکٹر جتیندر کو انتظامیہ کے ذریعے ان معاملات کے بارے میں بتایا گیا جو پچھلے مواقع پر عام لوگوں کے علم میں لائے گئے تھے۔

دورہ کرنے والے وفود سے گفت و شنید کرتے ہوئے ڈاکٹر جتیندر سنگھ نے انھیں یقین دلایا کہ وہ آج اٹھائے گئے ان کے مسائل کی صورت حال کی خود نگرانی کریں گے اور ہر ممکن قدم اٹھائیں گے تاکہ ضلع انتظامیہ ان کو مقررہ وقت میں حل کرے۔

حال ہی میں مرکزی وزیر اپنے پارلیمانی حلقہ اودھم پور-ڈوڈا-کٹھوعہ کے تحت آنے والے اضلاع کا دورہ کر رہے ہیں تاکہ ایک ہی چھت تلے متعدد عوامی وفود سے ملاقات کی جا سکے، جس کا مقصد مقامی انتظامیہ کے ساتھ ان کے مسائل کے حل اور حل کی کوشش کرنا ہے۔

ڈاکٹر جتیندر سنگھ ان اضلاع کے اندرونی علاقوں کا دورہ کرتے ہیں تاکہ عوام کے مختلف طبقوں سے مل سکیں، شہریوں کے مسائل کو حل کرنے کے لیے عوامی دربار کے براہ راست انٹرفیس کا فائدہ اٹھاتے ہوئے، سب کا ساتھ سب کا وکاس کے نعرے کی رہ نمائی کرتے ہیں۔

آج کے عوامی دربار میں کٹھوعہ کے ڈپٹی کمشنر راکیش منہاس کی قیادت میں پوری ضلعی انتظامیہ نے شرکت کی۔

***

(ش ح – ع ا)

U. No. 2872

(Release ID: 2076613) Visitor Counter : 10