#IFFIWood, 23 नोव्‍हेंबर 2024

भारतीय सिनेमांतले एक उत्कृश्ट अभिनेते श्री. अनुपम खेर हाणें आयज 55व्या भारतीय आंतरराष्ट्रीय चित्रपट महोत्सवाच्या चवथ्या दिसा, गोंयांतल्या पणजी हांगाच्या कला अकादमींत घेतिल्ल्या मास्टरक्लासात विद्यार्थी आनी प्रतिनिधींक मोहित केले.

श्री खेर हांणी ‘पावर ऑफ फेलियर’ ह्या विशयाचेर सत्राची सुरवात केली, “हांव म्हज्याच अपेसांची येसस्वी काणी आसा, अशें म्हाका दिसता.” तांच्या खाशेल्या बुद्धीन सजयल्ल्या ताच्या वैयक्तीक जिवितांतल्या असंख्य कथांनी भरिल्लें हें पुराय सत्र, खरेंच जिणेच्या धड्यांचेर मास्टरक्लास आशिल्लें.

अनुपम खेर हाणी सांगले, की ताची काणी शिमला सावन सुरू जाली जंय चवदा वांगड्याचें एक संयुक्त कुटम एकाच कुडींत आपलें जिवीत जगाताले आनी ताचो बापूय एकलोच कमावपी आशिल्लो. ताच्या उतरांनी ते गरीब आशिल्ले, पूण ताच्या आजोबान “लोक चड गरीब आसतना, तांकां सगळ्यांत सवाय गजाल सुख आसता” अशें सांगिल्ल्यान तांका अजापाची खोस जाल्ली.

अत्यंत व्हड अणभव आशिल्ल्या ह्या अभिनेत्यान जेन्ना पयलेच खेपे शाळेच्या नाटकांत 5व्या वर्गांत आसतना काम केल्ले, तेन्ना उत्तेजनार्थ इनाम लेगीत मेळोवंक नाशिल्ल्यान आपूण दुख्खी जाल्लो, अशें तांणी सांगले. “अपेस घटनेचे, मन शाचे केन्नाच न्हय”, हे  त्या दिसा म्हज्या बापायन म्हाका शिकयलें.” फुडल्या आउटिंगांत नवोदित अभिनेत्यान विल्यम शेक्सपियराच्या ‘मर्चेंट ऑफ व्हेनिस’ नाटकांत ताका दिल्ल्या संवादाच्या 2 ओळींत 27 चुको केल्यो!

नॅशनल स्कूल ऑफ ड्रामा (एनएसडी) भांगरा पदक जिखपी तरणाटो अभिनेतो, पयलेच खेपे मुंबय आयलो. खेर हाणी सांगले, “हांव पयलींच एनएसडी भांगरा पदक विजेतो आशिल्ल्यान पयलेच खेपे ह्या सिटी ऑफ ड्रीम्साक जिखपाचो आत्मविस्वास म्हाका आशिल्लो.” पूण एक दोन म्हयन्यां भितर ताका 27 दीस रावपा खातीर बांद्रा ईस्ट रेल्वे स्टेशनाचेर शिफ्ट करचें पडलें.

जायत्या चड-उतारा उपरांत खेर हांका ‘सारांश’ सिनेमाचें इनाम मेळ्ळें. श्री खेर हाणी 1984 वर्सा पयलेच खेपे त्या सिनेमा खातीर दिल्लींत इफ्फीक भेट दिल्ल्याची गजाल मोगान याद करतात. अंदूं ह्या मास्टरक्लासाक लागून, ताणें इफ्फीक पयलेच खेपे भेट दिल्या उपरांत 40 वर्सां जालीं.

अनुपम खेर हांका जिवीत हे रोलरकोस्टर रायड आसलें. पूण दर एका टप्प्या वेळार, ‘हम आपके हैं कौन’ ह्या सिनेमाच्या शुटींग वेळार ताका तोंडाचो पेरेलिसिस जाल्लो त्या वेळार आसूं, वा 2004वर्सा ते लागीं लागीं दिवाळखोर जाल्ले तो वेळ आसूं; दर खेपे ते  आपल्या बापूय आनी आजोबा कडल्यान मेळिल्ल्या धड्याक पाळो दिताले.

श्री खेर हांचो कठीण जिवीत प्रवास आयकून प्रेक्षक तांच्या उतरांत शेणले. पूण आपल्या व्यक्तीमत्वान, विचारविनिमयान आनी अभिनयान, 68 वर्सां पिरायेच्या ह्या दिग्गज अभिनेत्यान, ‘नेव्हर गिव्ह अप’ ह्या जिविताच्या तत्व आनी टॉनिकान पुराय प्रेक्षकांक सहजपणान मार्गदर्शन केले.

* * *

PIB IFFI CAST AND CREW | Subhash/Manali/Darshana | IFFI 55