#IFFIWood, 22 नोव्‍हेंबर 2024

 

55व्या इफ्फीच्या तिसऱ्या दिसा नामनेचो संगीत दिग्दर्शक श्री शांतनु मोइत्रा आनी फिल्म दिग्दर्शक, निर्मातो आनी पटकथा लेखक श्री विधु विनोद चोपडा, हांचे खाशेलें मास्टरक्लास सत्र आयज  कला अकादमीत जाले. ‘लिविंग मूवीज: फिल्ममेकिंग अँड द क्रिएटिव्ह लायफ’ ह्या विशयाच्या ह्या सत्राखातीर सभाघर खचाखच भरिल्ले. 

श्री मोइत्रान ‘परिनीता’ ह्या सिनेमांतल्या आपल्या फामाद ‘पियू बोले पिया बोले’ गीतान सत्राची सुरवात केली आनी श्री चोपडान थोड्याच वेळान तांका साथ दिली. अशा मास्टरक्लास संवादांचो स्थापीत नमुनो मोडून, जशें ताणें आपल्या सिनेमांतल्यान जायत्या फावटीं केलां, श्री चोपडा रोखडेंच उबो रावलो आनी उरिल्ल्या सत्रांत पुराय प्रेक्षकांक आपले जिवंत उर्जे कडेन गुंतून दवरले.

आपलो शून्य खीण याद करून श्री चोपडान ताच्या कारकिर्दीच्या सुरवातीच्या काळांत विजय आनंदाक सांगात करपाच्या आपल्या सपनाची काणी सांगली. आनंदाच्या लागींच्या कोणे तरी तांकां आनंदा वांगडा भेट घालून दिवपाचे आश्वासन दिल्ले. त्या उतारान ताका म्हयनेभर वाट पळयत दवरलो; पूण ते विशीचे पत्र केन्नाच पावलें ना अशें तांणी  सांगले. 

एनएफडीसीच्या अर्थीक पालवान तयार केल्ल्या ‘खामोश’ ह्या पयल्या चित्रपटाक लागून ताका सिनेमाचें मार्केटींग करपाक आनी एनएफडीसीक परतफेड करपाक आव्हानांक कशें तोंड दिवचें पडलें तें श्री चोपडान सांगलें. एनएफडीसीच्या धोरणांप्रमाण तो तशें करपाक अपेशी थारलो जाल्यार  फुडल्या उपक्रमाक ताका कसलीच मजत मेळची ना असो नेम आशिल्लो. नामनेचे दिग्दर्शक, वितरकांनी ह्या सिनेमाची तोखणाय केली, पूण बरी खबर घेवन परतून फोन वाजलो ना. निमाणें ताकाच ह्या सिनेमाचो वितरक जावचो पडलो.

फिल्म उद्देगांत तेन्नाचे प्रवाह विचारांत घेतल्यार “‘परिनीता’ वेळार संगीत लोकप्रिय जावपाची शक्यताय आसा हाचेर दुबाव आशिल्लो.  जाका केन्नाच पत्र मेळ्ळें ना, वा फोन आयलो ना, त्या विधून स्वता जावन म्हाका फुडल्या तीन व्हीसीएफ उद्देगां खातीर सायन केलो; येस वा अपेस जावचे पयलीं लेगीत विधून आपल्याक साथ दिली आनी हीच विधू विनोद चोपडाची वळख आसा ” अशे श्री मोइत्रा हांणी आपली काणी सांगताना मोगान उगडास केलो. 

श्री मोइत्रान, श्री चोपडा कितलो कठीण टास्कमास्टर आसा हाचेरय भर दिलो. प्रेक्षकां खातीर श्री चोपडाचें चरित्र चित्रण करतना तांणी सांगले की , ‘विनोद खंय वचपाक सोदता तें ताका कळना – पूण खंय उबो रावपाक जायना तें ताका खात्रीन  खबर आसा’. हो विधूचो गूण ताचे आनी वांगडा काम करपी हेरांचें जिवीत कशें दयनीय करता असो विनोद करपाची संद  श्री मोइत्रान चुकयली ना.

नवोदित फिल्म निर्मात्यां खातीर वेवसायीक संभाव्य समजून घेवप गरजेचें आसा काय ना ह्या विशयाचेर श्री चोपडान आपली नापसंती धिटायेन उक्तायली . “हांव फकत तोच  सिनेमा करतां, जाचेर हांव विस्वास दवरतां” अशे म्हणत ‘एंटरटेन-एज्युकेट-एलिव्हेट: ह्या  3 ईची तत्त्वां आमी व्हीसीएफांत पाळटात अशे  ताणें सांगले.

स्वता फिल्म निर्मिती करतना फिल्म दिग्दर्शकावांगडच्या ताच्या संबंदांविशी  श्री चोपडान म्हळे की , ”हांव दिग्दर्शकाचेर विस्वास दवरना, मनशाचेर विस्वास दवरतां.”

ह्या सत्रांत उल्लासपूर्ण, संगीत आनी आकर्शक विधू विनोद चोपडा आनी शांतानू मोइत्रा हांणी एकठांय येवन जिवीत तत्वगिन्यानाचें प्रात्यक्षिक केले  जें तांच्या सिनेमांतल्यानय चित्रीत जाता: “बोअर जावं नाका ; फकत मनरिजवण करा.” 

 

* * *

PIB IFFI CAST AND CREW | Subhash/Utkarsha/Darshana | IFFI 55

(Release ID: 2076184) Visitor Counter : 7